ýmsar forsendur fjárlagafrumvarps 2017.
Virðulegur forseti. Já, það er kannski einmitt meira við hæfi og meira réttnefni að kalla þessa skatta syndaskatta. Köllum skattana réttum nöfnum. Þetta eru ekki skattar til þess að slá á þenslu, ekki ef menn ætla að halda því fram að þeir eigi að afla ríkinu tekna upp á 3,7 milljarða. Ég rak augun í að áfengið veitir tekjur upp á 1,7 milljarða, sem er auðvitað ekkert í stóra samhenginu en þá er ekki rétt að leggja þá til á þeim forsendum að þeir eigi að slá á þenslu. Þá þarf líka að liggja fyrir að teygin eftirspurn sé eftir þessum vöruflokkum, sem ég dreg mjög í efa. Ég tel a.m.k. eðlilegt að menn kalli hlutina réttum nöfnum. Ég hef fullan skilning á því að ríkið þurfi að afla tekna, en þá þurfa skattarnir að verða lagðir á á þeim forsendum en hvorki með tilliti né tilvísun til synda eða þenslu í þjóðfélaginu.
