fjárlög 2017.

Virðulegi forseti. Það er kannski úr vöndu að ráða að svara svona ræðu. En ég tek undir sem hv. þingmaður sagði. Við komum náttúrlega hver úr sinni áttinni og unnum á stuttum tíma mikið verk. Ég ætla ekki að hafa neinar samlíkingar í þeim efnum. Hér lögðu allir gjörva hönd á plóg. Þetta er niðurstaðan. Ég held að það hafi verið, eins og ég sagði í framsöguræðu minni í dag, ágætlega þroskandi fyrir þingið að standa frammi fyrir því verkefni að hafa ekki starfandi meiri hluta og þurfa að takast á við þetta stóra mál. Hingað til hefur alla vega ekki neitt annað komið í ljós. En ég tek undir orð hv. þingmanns og þakka gott samstarf.