vextir og gengi krónunnar.

Virðulegi forseti. Fjárlaganefnd fékk einmitt fulltrúa lífeyrissjóða til að kynna þessi mál fyrir nefndinni. Þar kom m.a. fram að ávöxtunarkrafan setti ákveðið gólf fyrir ýmsa aðila sem voru í viðræðum við lífeyrissjóðina um vexti á lánum frá lífeyrissjóðunum. Það var eilítið deilt um hversu mikil áhrif það hefði, en fólk sem setið hafði hinum megin borðsins var mjög afdráttarlaust gagnvart því að lífeyrissjóðirnir litu á þetta sem mjög ákveðið gólf á vexti á lánum frá þeim. Það er því óhjákvæmilegt að þetta hafi einhver áhrif á kerfið utan lífeyrissjóðanna. Það er tvímælalaust nokkuð sem við þurfum að skoða betur og fá kerfisgreiningu á til þess að skilja hvað við erum að glíma við, og skoða hvaða áhrif hefur það í gegnum allt kerfið þegar við breytum stýrivöxtum í plús eða mínus. Allar upplýsingabeiðnir sem gera kerfin skýrari eru mjög vel séðar hjá Pírötum.