frekari rannsókn á einkavæðingu ríkisbankanna.

Frú forseti. Ég þakka hæstv. ráðherra fyrir skýrt svar. Ég treysti því þá að hann sem bæði fjármálaráðherra og formaður Viðreisnar muni beita sér fyrir því að Alþingi ljúki rannsókn á öllu söluferli bankanna. Þetta er mjög mikilvæg yfirlýsing sem hæstv. ráðherra hefur gefið í þingsal í dag.

Ég vil nota tækifærið í seinni spurningu og spyrja: Telur hann sömuleiðis ástæðu til að bíða með að ráðast í frekari sölu á hlut ríkisins í bönkunum þar til slíkri rannsókn hefur verið lokið? Telur hann ekki jafnframt ástæðu til að kanna til hlítar það ferli sem stendur núna yfir hvað varðar sölu á Arion banka, þó að ríkið sé þar ekki seljandi hvað varðar eignarhald, þannig að við getum horft til þess að byggja upp heilbrigt fjármálakerfi, horfa fram á veginn og tryggja að almennt gagnsæi ríki í kringum (Forseti hringir.) þessar mikilvægu stofnanir fyrir okkur öll?