bann við tilteknum frammistöðubætandi efnum og lyfjum.

Frú forseti. Jú, ég tek undir með hv. þingmanni, ég er sammála því að almennt sé refsigleði og refsistefna ekki besta leiðin. Hins vegar er engu að síður í löggjöf hegningarlaga á Íslandi gert ráð fyrir möguleika á refsingu í formi sekta og mögulegrar fangelsisvistar við ákveðnum brotum. Þá er það svo.

Þetta frumvarp er sett fram til þess að koma í veg fyrir eða virka letjandi á dreifingu á skaðsamlegum efnum sem reynslan sýnir að tengist stundum dreifingu á öðrum ólöglegum efnum og fíkniefnum og er sett fram í því augnamiði að koma í veg fyrir skaða. Ég tek undir með þingmanninum þegar kemur að refsistefnunni og ágætri skýrslu sem þingmaðurinn vitnar til. Ég þakka umræðuna.