Lánasjóður íslenskra námsmanna.

Virðulegur forseti. Ég tek heils hugar undir ræðu hv. þingmanns. Hann fór rétt með það hver umræðan var. Ég vildi þó benda á að umræðan um jafnræði er tvíþætt hvað þetta varðar. Ríkisendurskoðun gerir athugasemdir við að nemendum í einu námi voru veitt lán umfram lagaheimild, engir aðrir nemendur sem höfðu ekki lagaheimild fengu slíkt lán. Um það snerist athugasemd Ríkisendurskoðunar, en umræður í nefndinni fjölluðu almennt um jafnræði framhaldsskólanemenda svo að það sé alveg á hreinu.