stefnuræða forsætisráðherra og umræður um hana.
Nú flytur hæstv. forsætisráðherra stefnuræðu sína fyrir hönd ríkisstjórnarinnar og fram fara umræður um hana sem verður útvarpað og sjónvarpað héðan úr Alþingishúsinu. Umræðurnar skiptast í þrjár umferðir. Forsætisráðherra hefur 16 mínútur til framsögu en aðrir þingflokkar en þingflokkur forsætisráðherra hafa níu mínútur í fyrstu umferð, fimm mínútur í annarri umferð og fjórar mínútur í þriðju umferð hver.
Röð flokkanna er í öllum umferðum þessi: Vinstrihreyfingin – grænt framboð, Samfylkingin, Miðflokkurinn, Sjálfstæðisflokkur, Píratar, Framsóknarflokkur, Flokkur fólksins og Viðreisn.
Ræðumenn fyrir Vinstrihreyfinguna – grænt framboð verða Katrín Jakobsdóttir forsætisráðherra í fyrstu umferð, Guðmundur Ingi Guðbrandsson, umhverfis- og auðlindaráðherra, í annarri umferð og Svandís Svavarsdóttir heilbrigðisráðherra í þriðju umferð.
Ræðumenn Samfylkingarinnar verða í fyrstu umferð Logi Einarsson, 5. þm. Norðaust., Helga Vala Helgadóttir, 4. þm. Reykv. n., í annarri umferð og Guðmundur Andri Thorsson, 4. þm. Suðvest., í þriðju umferð.
Ræðumenn Miðflokksins verða í fyrstu umferð Sigmundur Davíð Gunnlaugsson, 3. þm. Norðaust., Birgir Þórarinsson, 3. þm. Suðurk., í annarri umferð og Anna Kolbrún Árnadóttir, 8. þm. Norðaust., í þriðju umferð.
Ræðumenn fyrir Sjálfstæðisflokk verða Bjarni Benediktsson, fjármála- og efnahagsráðherra, í fyrstu umferð, Áslaug Arna Sigurbjörnsdóttir, 5. þm. Reykv. n., í annarri umferð og Ásmundur Friðriksson, 4. þm. Suðurk., í þriðju umferð.
Fyrir Pírata talar Halldóra Mogensen, 11. þm. Reykv. n., í fyrstu umferð, Jón Þór Ólafsson, 8. þm. Suðvest., í annarri umferð og Helgi Hrafn Gunnarsson, 3. þm. Reykv. n., í þriðju.
Fyrir Framsóknarflokk tala Sigurður Ingi Jóhannsson, samgöngu- og sveitarstjórnarráðherra, í fyrstu umferð, í annarri umferð Lilja Alfreðsdóttir, mennta- og menningarmálaráðherra, og í þriðju umferð Ásmundur Einar Daðason, félags- og jafnréttismálaráðherra.
Fyrir Flokk fólksins talar í fyrstu umferð Inga Sæland, 8. þm. Reykv. s., í annarri umferð Ólafur Ísleifsson, 10. þm. Reykv. n., og í þriðju umferð Guðmundur Ingi Kristinsson, 12. þm. Suðvest.
Ræðumenn Viðreisnar verða í fyrstu umferð Þorgerður K. Gunnarsdóttir, 7. þm. Suðvest., Þorsteinn Víglundsson, 7. þm. Reykv. n., í annarri og í þriðju umferð Hanna Katrín Friðriksson, 7. þm. Reykv. s.
