fjárlög 2018.

Herra forseti. Ég þakka svörin frá hæstv. heilbrigðisráðherra. Við tölum hér um „litlar upphæðir“. Þess vegna skil ég ekki að það er talað um 600 milljónir til viðbótar bara í reksturinn, að það sé svo mikil þörf á þessu. Hann er að tala um að hann geti ekki ráðið nauðsynlegt starfsfólk á spítalann án þess að hafa þessa peninga. Svo er líka verið að tala um 400 milljónir til viðbótar í tækjakaup. Hvers vegna, þegar verið er að setja þessar upphæðir í frumvarp til fjárlaga, er þetta ekki tekið til greina? Nú leiddi McKinsey-skýrslan í ljós að Landspítalinn væri vel rekinn. Væntanlega veit forstjórinn hvað hann er að tala um. Liggur þá ekki í augum uppi að hann þarf að fá þessa peninga og að þeir hefðu bara átt að vera til staðar frá byrjun?