fæðingar- og foreldraorlof.
Herra forseti. Nú er kominn upp alvarlegur klofningur í þingflokki Pírata. Hv. þm. Halldóra Mogensen talaði akkúrat í hina áttina. En það gæti í sjálfu sér gerst í erfiðari málum en þessu.
Ástæðan fyrir því að við skiptum orlofinu í fimm, fimm, tvo mánuði, er að það er niðurstaða skýrslunnar. Jafnvel þótt við teljum okkur oft hafa rétt fyrir okkur og geta leyst málin upp á eigin spýtur held ég að það sé ágætt að halla sér að þeirri miklu og góðu vinnu sem unnin var í ráðherratíð Eyglóar Harðardóttur.
Annars staðar á Norðurlöndum er þessi valkvæði hluti nánast alltaf inni. Í Svíþjóð er það hins vegar öðruvísi. Þar eru þrír mánuðir bundnir fyrir konu, þrír fyrir karla og 10 valkvæðir. Það eru ýmsar útfærslur á því.