embættisfærslur dómsmálaráðherra.

Herra forseti. Það er óhjákvæmilegt að koma hér upp til þess að ræða samband og samskipti Alþingis við hæstv. dómsmálaráðherra. Málatilbúnaður hæstv. ráðherra undanfarna daga um ábyrgð sína og Alþingis í tengslum við skipun dómara í Landsrétt er með nokkrum ólíkindum og hlýtur að vekja upp margar spurningar um upplýsingaskyldu ráðherra til þingsins. Hæstv. ráðherra hefur kosið í málsvörn sinni að varpa allri ábyrgð á herðar þingsins í stað þess að axla þá ábyrgð sjálf eins og henni ber. Nú er komið í ljós að hæstv. ráðherra virti að vettugi ráðleggingar embættismanna í Stjórnarráðinu vegna þess að hyggjuvit hennar og sérfræðiþekking segði annað. Látum það nú vera. Hitt eru forkastanleg vinnubrögð að upplýsa þingið á engu stigi máls um að verulegar efasemdir væru um vinnubrögð hennar og aðferðafræði innan Stjórnarráðsins í þessu stóra máli er varðaði skipan 15 dómara í nýjan dómstól.

Herra forseti. Á þingheimur að sætta sig við þetta?