sala á hlut ríkisins í Arion banka.
Herra forseti. Burt séð frá þessu spyr ég aftur: Eru eigendur Arion banka að leika sér að stjórnvöldum? Selja sjálfum sér hluta í Arion banka og geta ráðið hvort viðskiptin fari fram á raunverulegu virði bankans og komið þannig í veg fyrir að hærri stöðugleikaframlög komi í ríkissjóð og að forkaupsréttur verði nýttur?
Var girt fyrir þetta í samningum um stöðugleikaframlögin árið 2015? Er hæstv. forsætisráðherra ekki sammála að birta þurfi þessa samninga svo það komi þá fram?
Og að lokum: Söluferlið einkennist af ógagnsæi. Örfáir einstaklingar sem fáir vita hverjir fara með mjög mikla hagsmuni í þessum málum. Tengist þetta leikrit Valitor? Er nýtt Borgunarmál í uppsiglingu, hæstv. forsætisráðherra? Erum við enn einu sinni að verða vitni að atburðarás þar sem hagsmunum almennings verður kastað fyrir róða í þágu nokkurra ríkra einstaklinga sem munu maka krókinn?