orð þingmanns í störfum þingsins og þingmannamál.
Herra forseti. Ég er hingað komin til að bera af mér sakir vegna orða síðasta ræðumanns. Hv. þm. Bjarkey Olsen Gunnarsdóttir misskildi stórkostlega það sem gerðist hér í gær. Breytingartillaga Viðreisnar snerist um meiri afgang. Mér fannst það skárra en að ganga á afganginn eins og hv. þingmaður og hv. stjórnarþingmenn samþykktu hér í gær. Það snerist um afgang, ekki um það hvernig við ætluðum að ná slíkum afgangi. Við höfum talað fyrir auknum útgjöldum og aukinni tekjuöflun líka.
Mér dettur ekki í hug að samþykkja þá leið sem hv. stjórnarþingmenn vilja fara, að auka útgjöld og lækka skatta á sama tíma sem er eitraður kokteill og það vita þeir sem vilja.