fjármálaáætlun 2019--2023.
Hæstv. forseti. Ég þakka hv. þm. Birgi Þórarinssyni svarið og fagna þeim sameiginlega áhuga á að byggja undir atvinnuvegina. Atvinnuvegirnir, atvinnugreinarnar og það að skapa atvinnu og möguleika fyrir fólk á að hafa tekjur og framfleyta sér og sínum og koma sér upp þaki yfir höfuðið er auðvitað það mikilvægasta í þessu öllu þegar upp er staðið.
Spurningin laut að raungengisáhrifum á útflutningsatvinnuvegina. Við verðum að vanda okkur með allar atvinnugreinar og útflutningsatvinnugreinarnar eru auðvitað svolítið í vandræðum vegna þessa háa raungengis.
Ég vil nota þessar síðustu sekúndur til að þakka hv. þingmanni fyrir samstarfið í fjárlaganefnd og hans góða framlag í nefndinni og þetta sameiginlega álit sem fjárlaganefnd sameinaðist um (Forseti hringir.) og kemur fram í öllum álitum eins og hjá hv. þingmanni.