05.12.1978
Sameinað þing: 30. fundur, 100. löggjafarþing.
Sjá dálk 1276 í B-deild Alþingistíðinda. (857)
Rannsókn kjörbréfs
Forseti (Friðjón Þórðarson):
Mér hefur borist eftirfarandi bréf:
„Reykjavík 4. des. 1978.
Benedikt Gröndal, 3. þm. Reykv., hefur í dag ritað mér á þessa leið:
„Þar sem ég er á förum til útlanda í opinberum erindum og mun því ekki geta sótt þingfundi á næstunni leyfi ég mér, með skírskotun til 138. gr. laga um kosningar til Alþingis, að óska þess, að 2. varamaður Alþfl. í Reykjavík, Bragi Jósepsson námsráðgjafi, taki sæti á Alþingi í fjarveru minni.“
Þetta er yður, herra forseti, hér með tilkynnt með ósk um að þér látið fram fara í sameinuðu þingi rannsókn á kjörbréfi varamanns.
Ingvar Gíslason,
forseti Nd.
Til forseta Sþ.“
Mér hefur borist kjörbréf Braga Jósepssonar og vil ég biðja hv. kjörbréfanefnd að taka það til skoðunar. Til þess fær hún 5 mínútur. — [Fundarhlé.]