25.03.1980
Sameinað þing: 36. fundur, 102. löggjafarþing.
Sjá dálk 1359 í B-deild Alþingistíðinda. (1349)
Umræður utan dagskrár
Forsrh. (Gunnar Thoroddsen):
Herra forseti. Það er næsta furðulegt að hv. þm., bæði hv. þm. Vilmundur Gylfason og Friðrik Sophusson, skuli tala eins og þeir hafi alls ekki lesið þingsköpin. Þeir tala báðir á þá lund, að þingsköpin geri ráð fyrir að forsrh. nýrrar ríkisstj. skuli jafnan flytja stefnuræðu. Þetta er alger misskilningur. Það stendur ekki í þingsköpum og er alls ekki til þess ætlast.
Ákvæði í þingsköpum er um það, að í byrjun hvers þings skuli forsrh. — ekki nýrrar ríkisstj., heldur hverrar ríkisstj. sem er, þó hún hafi setið í nokkur ár — flytja stefnuræðu og það skuli gerast innan tveggja vikna frá því að þing var sett. Þegar þetta ákvæði var sett inn í þingsköpin fyrir nokkrum árum kom það í staðinn fyrir að útvarpa skyldi fjárlagaræðu hæstv. fjmrh. Þetta vita allir hv. þm. sem eitthvað hafa fylgst með.
Hins vegar koma svo eldhúsumr. á síðari hluta þings, eins og hæstv. forseti gat um, þar sem almennt er rætt um stjórnmálaviðhorfið.
Það er alger misskilningur á þingsköpum að þau geri ráð fyrir að hvenær sem stjórnarskipti verða skuli forsrh. nýrrar stjórnar flytja stefnuræðu sem útvarpað sé samkv. 52. gr. Þetta liggur alveg 1 jóst fyrir og er furðulegt að þm. skuli vaða svona í villu og reyk um augljós ákvæði þingskapa og hvernig þau eru til orðin.
Hitt vil ég svo segja að lokum, að það er næsta furðulegt líka að hlusta á að ríkisstj. treysti sér ekki til að lýsa stefnu sinni eða ræða hana í þinginu. Þessir þm. vita ósköp vel, að á fyrsta fundi í Sþ. eftir að núv. ríkisstj. var mynduð, 11. febr. s.l., flutti ég ræðu þar sem ég skýrði og las upp frá orði til orðs stefnu ríkisstj., stjórnarsáttmálann, og að því loknu urðu stjórnmálaumr. í þinginu um málið.
