02.12.1980
Sameinað þing: 28. fundur, 103. löggjafarþing.
Sjá dálk 1077 í B-deild Alþingistíðinda. (993)
114. mál, öryggismál varðandi þyrlurekstur
Fyrirspurnin hljóðar svo:
1. Hve margar þyrlur hafa verið skráðar í íslenska flugflotanum og hvenær?
2. Hve margar af þessum þyrlum eru enn í rekstri, og hver hafa orðið endalok þeirra sem ekki eru lengur á loftfaraskrá?
3. Telur samgönguráðherra ekki nauðsynlegt að fram fari nú þegar ítarleg athugun á öllum öryggisþáttum (viðhaldi, þjálfun og eftirliti) þessarar greinar flugrekstrar hér á landi?
Skriflegt svar óskast.
Svar:
1. Fjöldi á skrá og hvenær skrásettar. Fjöldi enn í rekstri og afdrif annarra.
Samtals hafa verið skrásettar 12 þyrlur hér á landi. Af þeim eru fjórar enn á skrá, en aðeins tvær eru í lofthæfu ástandi þ.e. TF-ATH, af gerðinni H-269, tveggja manna þyrla í eigu fr. Albínu Thordarsen, og TF-RÁN, af gerðinni S-76, í eigu Landhelgisgæslunnar.
Nánari upplýsingar um skrásetningardag og feril koma fram í sérstakri töflu.
2. Þörf sérstakrar athugunar á öryggisþáttum þessa flugrekstrar.
Hafa ber í huga, að þyrluflug fer eðli sínu samkvæmt oft fram í lágum flughæðum, þar sem hættar er við misvindi og ýmsum hindrunum. Við björgunarstörf þurfa þyrlur enn fremur oft að athafna sig við mjög erfið veðurskilyrði. Þessir þættir geta því haft veruleg áhrif á slysatíðni þyrla. Rétt er einnig að benda á eftirfarandi atriði:
a) Enginn einn samnefnari virðist fyrir orsökum slysa og óhappa í þyrlurekstri hér á landi.
b) Hvað varðar eigin þyrlur Landhelgisgæslunnar, eða þær þyrlur, sem á hennar vegum hafa verið, hefur ekkert komið fram, sem bendir til að viðhaldi þyrlanna hafi verið ábótavant, enda hefur Landhelgisgæslan lagt þunga áherslu á góða viðhaldsþjónustu.
c) Þjálfun þyrluflugmanna hefur almennt verið í samræmi við lög og reglugerðir hér á landi, sem yfirleitt eru strangari á þessu sviði en í öðrum löndum.
d) Eftirlit með flugrekstri, þar með töldum þyrlurekstri, er falið loftferðaeftirliti flugmálastjórnar, og er eins náið og kostur er. Til þess að efla slíkt eftirlit þarf aukningu sérhæfðs starfsliðs. Einn flugstjóri hóf störf hjá loftferðaeftirlitinu á s.l. ári, en ráðning hans hefur enn ekki fengist staðfest.
Þrátt fyrir framangreint er eðlilegt, að fram fari ítarleg könnun á öllum þáttum þyrlurekstrar hér á landi með það fyrir augum að öryggi verði eflt.
Yfirlit yfir þyrlur skráðar hér á landi.
Nr:
Skrás.
Tegund
Eigandi/Rekandi
Dags. skrás.
Örlög
1.
TF-HET
Bell-47
Elding Trading Co.
10. júní 1949
Skilað aftur til Bandaríkjanna í sept. 1949
2.
TF-EIR
Bell-47
SVFÍ & Landh.gæslan
30. apríl 1965
Brotlenti á Rjúpnafelli s/Kerlingafjalla 29. sept. Orsök var sviptivindi og misvindi. Flugmaður og einn farþegi sluppu ómeiddir. Þyrlan ónýt.
3.
TF-DIV
B-305
Andri Heiðberg
9. febr.1967
Brotlenti eftir hreyfibilun í Fáskrúðsfirði, 29. sept. 1975. Flugmaður slapp ómeiddur, en þyrlan eyðilagðist.
4.
TF-HUG
Bell-47
Landhelgisgæslan
29. mars 1973
Skemmdist í nauðlendingu eftir hreyfibilun við Kópavogshæli 13. febr. 1977. Flugmaður og einn farþegi sluppu ómeiddir. Þyrlan er enn í vörslu Landhelgisgæslunnar.
5.
TF-MUN
Bell-47
Landhelgisgæslan
19. des.1973
Skemmdist í nauðlendingu vegna hreyfibilunar við Vogastapa, árið 1975. Flugmaðurinn slapp ómeiddur. Þyrlan er enn til í vörslu Landhelgisgæslunnar
6.
TF-GNÁ
S-62A
Landhelgisgæslan
21.febr. 1972
Eyðilagðist í nauðlendingu á Skálafelli 3. okt. 1975. eftir að drifkassi í stéli brotnaði. Flugmaður og einn farþegi sluppu
7.
TF-LKH
S-55
Þyrluflug fh.
6. jan. 1975
Fórst við Hjarðarnes í Hvalfirði 17. jan. 1975. Flugmaðurinn og sex farþegar biðu bana. Líkleg orsök: Misvindi og hleðsla.
8.
TF-DEF
B-305
Andri Heiðberg
3. febr. 1975
Eyðilagðist í nauðlendingu í eftir bilun stélskrúfu, við Urðarhólmavatn s/ Arnarvatnsheiðar, 21. júlí 1978. Flugmaðurinn slasaðist.
Flaug á loftlínu og eyðilagðist við Búrfellsvirkjun 17. nóv. 1980.
Flugmaður slapp ómeiddur, einn farþegi meiddist nokkuð.
Flaug í jörðina og eyðilagðist, er flugmaður reyndi sjónflug í vondu verðri, á Mælifellssandi norðan Mýrdalsjökuls, 25. apríl 1977. Flugmaður og einn farþegi
9.
TF-GRO
H-369
Landhelgisgæslan
7. apríl 1976
10.
TF-AGN
H-269
Hitatækni hf.
19. nóv. 1976
urðu úti á leið til byggða.
11.
TF-ATH
H-269
Albína Thordarson
25. maí 1980
Albína Tordarson hefur leyfi til flugreksturs og rekur hún þyrluna. Flugmenn landhelgisgæslunnar annast viðhald.
12.
TF-RAN
S-76
Landhelgisgæslan
22. ágúst 1980
Landhelgisgæslan rekur þyrluna.