04.02.1985
Sameinað þing: 43. fundur, 107. löggjafarþing.
Sjá dálk 2565 í B-deild Alþingistíðinda. (2031)
Varamenn taka þingsæti - rannsókn kjörbréfs
Forseti (Þorv. Garðar Kristjánsson):
Borist hefur svohljóðandi bréf:
„31. jan. 1985.
Eggert Haukdal, 6. þm. Suðurl., hefur ritað mér á þessa leið:
„Þar sem ég vegna sérstakra anna heima fyrir get ekki sótt þingfundi á næstunni leyfi ég mér með skírskotun til 130. gr. laga um kosningar til Alþingis að óska þess, að 1. varamaður Sjálfstfl. í Suðurlandskjördæmi, Siggeir Björnsson bóndi, Holti, taki sæti á Alþingi í fjarveru minni.“
Þetta er yður hér með tilkynnt, herra forseti.
Birgir Ísl. Gunnarsson,
forseti Nd.
Til forseta sameinaðs þings.“
Siggeir Björnsson hefur áður tekið sæti á Alþingi á þessu kjörtímabili. Býð ég hann velkominn til starfa.
Svohljóðandi bréf hefur einnig borist:
„31. jan. 1985.
Sverrir Hermannsson, 3. þm. Austurl., hefur ritað mér á þessa leið:
„Þar sem ég er á förum til útlanda í opinberum erindum og get því ekki sótt þingfundi á næstunni leyfi ég mér með skírskotun til 130. gr. laga um kosningar til Alþingis að óska þess, að vegna forfalla 1. varamanns taki 2. varamaður Sjálfstfl. í Austurlandskjördæmi, Gunnþórunn Gunnlaugsdóttir skrifstofumaður, sæti á Alþingi í fjarveru minni.“
Þetta er yður hér með tilkynnt, herra forseti, með ósk um að fram fari í Sþ. rannsókn á kjörbréfi varamanns.
Birgir Ísl. Gunnarsson.
forseti Nd.
Til forseta sameinaðs þings.“
Hér fylgir svohljóðandi bréf:
„30. jan. 1985.
Vegna aðkallandi skyldna get ég ekki tekið sæti á Alþingi sem 1. varamaður Sjálfstfl. í Austurlandskjördæmi í fjarveru Sverris Hermannssonar, 3. þm. Austurl.
Tryggvi Gunnarsson.
Til forseta sameinaðs Alþingis.“
Með fylgir kjörbréf Gunnþórunnar Gunnlaugsdóttur, en hún hefur ekki áður tekið sæti á Alþingi. Þarf því að fara fram rannsókn á kjörbréfi hennar. Vil ég leyfa mér að biðja hv. kjörbréfanefnd að taka kjörbréf þetta til meðferðar. Á meðan verður fundinum frestað í 5 mínútur. — [Fundarhlé.]