28.02.1986
Neðri deild: 54. fundur, 108. löggjafarþing.
Sjá dálk 2877 í B-deild Alþingistíðinda. (2433)
Varamaður tekur þingsæti
Forseti (Ingvar Gíslason):
Forseta Nd. hafa borist þrjú bréf og ég les nú þessi bréf:
„Alþingi, 28. febrúar 1986.
Mér hefur tjáð Ragnhildur Helgadóttir, 10. þm. Reykv., að hún sé á förum til útlanda í opinberum erindum og geti því ekki sótt þingfundi á næstunni. Leyfi hún sér því með skírskotun til 130. gr. laga um kosningar til Alþingis að óska þess að vegna fjarveru 1. varamanns taki 2. varamaður Sjálfstfl. í Reykjavík, Guðmundur H. Garðarsson, sæti á Alþingi í fjarveru sinni.
Ólafur G. Einarsson,
formaður þingflokks Sjálfstfl.“
Þá hefur borist annað bréf:
„Alþingi, 28. febrúar 1986.
Þar sem ég er á förum til útlanda í opinberum erindum og get því ekki sótt þingfundi á næstunni leyfi ég mér með skírskotun til 130. gr. laga um kosningar til Alþingis að óska þess að 1. varamaður Framsfl. í Norðurl. v., Sverrir Sveinsson veitustjóri, taki sæti á Alþingi í fjarveru minni.
Páll Pétursson,
2. þm. Norðurl. v.“
Hér kemur þriðja bréfið:
„Alþingi, 28. febrúar 1986.
Þar sem ég er á förum til útlanda í opinberum erindum og get því ekki sótt þingfundi á næstunni leyfi ég mér með skírskotun til 130. gr. laga um kosningar til Alþingis að óska þess að 1. varamaður Framsfl. í Austurlandskjördæmi, Guðrún Tryggvadóttir meinatæknir, taki sæti á Alþingi í fjarveru minni.
Halldór Ásgrímsson,
1. þm. Austurl.“
Hér er um að ræða þrjá varamenn sem taka sæti á þingi í dag, Guðrúnu Tryggvadóttur, Sverri Sveinsson og Guðmund H. Garðarsson. Öll hafa þau áður setið á þingi á þessu kjörtímabili. Kjörbréf þeirra hafa verið könnuð og ég býð þau öll velkomin til starfa á Alþingi.