27.08.1915
Efri deild: 44. fundur, 26. löggjafarþing.
Sjá dálk 739 í B-deild Alþingistíðinda. (857)
122. mál, upptaka legkaups
Kristinn Daníelsson:
Mjer finst þetta mál ekki svo einfalt, sem mörgum öðrum, er um það hafa talað. Mjer virðist að um frv. megi hvorttveggja segja, að það sje þörf á því og ekki þörf. Legkaupið er ætlað til viðhalds kirkjugarðinum, en fyrir viðhaldi kirkjugarða er sjeð á annan hátt, með sóknargjaldalögunum, svo að óhjákvæmilegt er legkaupið ekki. En það er alls ekki þáttur í hinum eiginlega útfarakostnaði, eins og háttv. 5. kgk. þm. (G. B.) virtist gjöra ráð fyrir. Ekki get jeg heldur sjeð, að hjer sje um heilbrigðisráðstöfun að ræða, því að frá heilbrigðislegu sjónarmiði, gjörði það sama gagn að grafa menn úti á víðavangi, en kirkju
garðurinn væri með öllu þarflaus. Nei, málið er svo vaxið, að menn vilja geta grafið framliðna ættingja sína í sæmilegum grafreit, og því þarf fje til viðhalds kirkjugörðunum. Menn geta nú að vísu sagt, að fyrir því sje sjeð með sóknargjaldalögunum, og er það rjett, eins og jeg áður sagði. En þegar tekjur kirkna eru nú: af skornum skamti, er spurningin, hvortheldur eigi að hækka kirkjugjöldin, eða taka upp legkaup. Mjer fyrir mitt leyti stendur alveg á sama, á hvern hátt kirkjugörðunum er haldið við, en jeg álít, að í því efni sje, úr því sem komið er, rjettast; að fara eftir því, hvað almenningur helst vill. Aftur á móti sje jeg ekki, að þetta mál. þurfi að standa og falla með bændakirkjunum, því að það eru söfnuðurnir, en ekki eigendur bændakirknanna, sem eigaað halda kirkjugörðunum við, og legkaupið ætti sem sagt að ganga til viðhalds grafreitunum, en ekki til kirkjueigenda. Væri ef til vill best, að reikningar kirkjugarðsins væru alt af lausir við reikninga kirkjunnar. Hjer í Reykjavík stendur alveg sjerstaklega á þar sem kaupa þarf land til kirkjugarðsins, svo að ekki væri. fjarstæða, að setja lög um þetta hjer, þótt það bíði annars staðar um land.