08.01.1917
Efri deild: 14. fundur, 27. löggjafarþing.
Sjá dálk 37 í B-deild Alþingistíðinda. (742)
4. mál, Íslandsbanka leyft að auka seðlaupphæð
Magnús Torfason:
Að eins örfáar athugasemdir. Fyrst skal jeg taka það fram, að orðin „í mesta lagi“ í lögunum frá 9. sept. 1915 eru óþörf, ef ekki má byggja á þeim sjerstaklega, að síður eigi framvegis að gefa lög um þetta mál en önnur.
Þegar jeg talaði um gullforðann, átti jeg við hann samkvæmt bráðabirgðalögunum. Það gleður mig að heyra, að allstór skamtur gullforðans er geymdur í Norges Bank í Kristianíu. Tel það hyggilega ráðið.
Jeg veit ekki vel, hvort hæstv. 1. landsk. þm. (H. H.) hefir skilið það rjett, sem jeg sagði um fororðið. Það á að mínu viti ekki að vera fordæmi þess, að fullnægja viðskiftaþörf landsins með seðlaaukning Íslandsbanka og engu öðru.