27.09.1919
Sameinað þing: 4. fundur, 31. löggjafarþing.
Sjá dálk 2514 í B-deild Alþingistíðinda. (3945)
Kosningar
Forsætisráðherra (J. M.):
Eins og hv. þm. vita, á að kjósa í nefnd þessa jafna tölu Íslendinga og Dana, og ber að kjósa í hana minst 3, en mest 4 menn úr hvoru ríki.
Í Danmörku eru nú 4 flokkar, og væri því rjettara, að vjer kysum 4 menn, í stað þriggja, eins og stjórnin skipaði til bráðabirgða.
Vitanlega er það á valdi meiri hluta þingsins að ákveða, hvor talan verður tekin, og vil jeg biðja hæstv. forseta að leita atkvæða hv. þm. um það, hvort kjósa skuli 3 eða 4.
3967
Till. um að hafa nefndarmenn 4 feld með meiri hluta atkv.
Þriggja manna nefnd því sjálfsögð.
Hlutfallskosningu var beitt samkvæmt ósk margra þm.
Fram komu 4 listar, með nöfnum jafnmargra manna, eins á hverjum. Var á A-lista Jóhannes Jóhannesson, á B-lista Böðvar Jónsson Bjarkan, á C-lista Bjarni Jónsson frá Vogi og á D-lista Einar Arnórsson.
Kosningin fór svo, að
A-listinn hlaut 11 atkv.
B-listinn 8 —
C-listinn 9 —
D-listinn 10 —, en
1 seðill var auður.
Forseti lýsti því kjörna nefndarmenn: Jóhannes Jóhannesson bæjarfógeta, Einar Arnórsson, prófessor, og
Bjarna Jónsson, dósent.
8. Gæslustjóri Söfnunarsjóðsins.
Á 57. fundi í Nd., laugardaginn 6. sept., var tekin til meðferðar
Kosning gæslustjóra Söfnunarsjóðs Íslands fyrir tímabilið frá 1. jan 1920 til 31. des. 1923.
Kosningu hlaut
Einar Gunnarsson, sjálfseignarbóndi í Gröf undir Jökli sunnan, með 9 atkv.
Björn Stefánsson, alþm., Einar próf. Arnórsson, Jóhannes adjunkt Sigfússon og Sigurður fyrv. sýslumaður Þórðarson hlutu 1 atkv. hver, en 5 seðlar voru auðir.
9. Stjórn Minningarsjóðs Jóns frá Gautlöndum.
Á 65. fundi í Nd., þriðjudaginn 16. sept., var tekin til meðferðar
Kosning tveggja manna í stjórn Minningarsjóðs Jóns alþingismanns Sigurðssonar frá Gautlöndum, fyrir tímabilið frá 1. jan. 1920 til 31. des. 1925.