27.07.1959
Sameinað þing: 3. fundur, 79. löggjafarþing.
Sjá dálk 566 í B-deild Alþingistíðinda. (312)
Varamenn taka þingsæti
Forseti (BBen):
Til þessa fundar er boðað út af kjörbréfi. Mér hefur borizt svo hljóðandi bréf frá forseta Nd., Einari Olgeirssyni:
„Reykjavík, 27. júlí 1959.
Mér hefur í dag borizt svo hljóðandi bréf frá Halldóri Ásgrímssyni, 2. þm. N-M.:
Þar sem ég ligg rúmfastur á sjúkrahúsi og get þess vegna ekki gegnt þingstörfum næstu vikur, leyfi ég mér hér með að óska þess, að varamaður minn, Tómas Árnason deildarstjóri, taki sæti mitt á Alþingi samkv. ákvæðum 144. gr. laga um kosningar til Alþingis.
Þetta er yður, herra forsefi, hér með tilkynnt með ósk um, að þér látið fram fara í Sþ. rannsókn á kjörbréfi varamanns.
Einar Olgeirsson, forseti neðri deildar.
Til forseta sameinaðs þings.“ Kjörbréfanefnd hefur haft bréfíð til meðferðar og gef ég framsögumanni hennar orðið.