02.02.1970
Neðri deild: 51. fundur, 90. löggjafarþing.
Sjá dálk 457 í B-deild Alþingistíðinda. (414)

116. mál, verslunaratvinna

Frsm. meiri hl. (Sigurður Ingimundarson):

Herra forseti. Iðnn. hv. d. hefur haft þetta mál til athugunar, en ekki orðið sammála um afgreiðslu þess. Frv. þetta hefur verið samflota næsta dagskrármáli á undan, sem var verið að ljúka við að ræða hér, um iðju og iðnað og markmið þess er, að efla aðstöðu stjórnvalda til aðhalds um það, hverjir geti stundað atvinnurekstur hér á landi. Í þessu tilfellinu er um verzlunaratvinnu að ræða. Allt, sem ég sagði um hið fyrra frv., á við um þetta síðara frv. og er því lagt til hér, eins og þar, að frv. verði samþ. óbreytt við þessa umr. og því vísað til 3. umr.