Aðrar útgáfur af skjalinu: PDF Word Perfect.
Þingskjal 671, 128. löggjafarþing 321. mál: Lífeyrissjóður bænda (skylduaðild maka, skipting iðgjalda).
Lög nr. 140 18. desember 2002.
Lög um breyting á lögum nr. 12/1999, um Lífeyrissjóð bænda.
1. gr. 1. og 2. málsl. 1. mgr. 2. gr. laganna orðast svo: Sjóðfélagar skulu vera allir bændur og makar þeirra sem starfa að búrekstri. Ef maki bónda er ekki aðili að búrekstri og á ekki sjálfsagða fulla aðild að öðrum lífeyrissjóði skal sjóðstjórn veita honum aðild að Lífeyrissjóði bænda óski viðkomandi þess skriflega.
2. gr. 1. mgr. 6. gr. laganna orðast svo:
Iðgjöld bónda, sbr. 2. málsl. 1. mgr. 2. gr., vegna búrekstrar, sbr. 3. gr., skulu skiptast milli hans og maka hans eða sambúðaraðila í þeim hlutföllum sem hann hefur óskað eftir skriflega og skal hlutur makans ganga til myndunar sjálfstæðra lífeyrisréttinda hans.
3. gr. Lög þessi öðlast þegar gildi.
Samþykkt á Alþingi 11. desember 2002.