Aðrar útgáfur af skjalinu:
PDF
Word Perfect.
Þingskjal 995, 140. löggjafarþing 59. mál: upplýsingaréttur um umhverfismál (frumkvæðisskylda stjórnvalda).
Lög nr. 24 22. mars 2012.
Markmið laga þessara er að:
Þrátt fyrir ákvæði 5. gr. er stjórnvöldum ævinlega skylt að hafa frumkvæði að upplýsingagjöf sé ástæða til að ætla að frávik vegna mengandi efna í umhverfi geti haft í för með sér hættu eða skaðleg áhrif á umhverfi eða heilsu fólks eða dýra. Ráðherra er heimilt að afmarka nánar í reglugerð hvað teljist skaðleg eða hættuleg frávik.
Þingskjal 995, 140. löggjafarþing 59. mál: upplýsingaréttur um umhverfismál (frumkvæðisskylda stjórnvalda).
Lög nr. 24 22. mars 2012.
Lög um breytingu á lögum nr. 23/2006, um upplýsingarétt um umhverfismál, með síðari breytingum.
1. gr.
1. gr. laganna orðast svo:Markmið laga þessara er að:
- tryggja almenningi aðgang að upplýsingum um umhverfismál sem stjórnvöld hafa yfir að ráða eða eru geymdar fyrir þeirra hönd,
- treysta rétt fólks til að búa við heilsusamleg skilyrði og varðveita lífsgæði sín á grundvelli upplýsinga,
- stuðla að sterkari vitund um málefni á umhverfissviði, frjálsum skoðanaskiptum og aukinni þátttöku almennings í töku ákvarðana um umhverfismál,
- tryggja rétt almennings til þess að fá upplýsingar um umhverfismál,
- kveða á um frumkvæðisskyldu stjórnvalda til þess að veita upplýsingar um umhverfismál, sbr. 10. gr.
2. gr.
Við 2. málsl. 1. mgr. 5. gr. laganna bætist: nema ástand sé yfirvofandi sem haft geti skaðleg áhrif á umhverfi eða heilsu fólks eða dýra.3. gr.
Við 10. gr. laganna bætist ný málsgrein, svohljóðandi:Þrátt fyrir ákvæði 5. gr. er stjórnvöldum ævinlega skylt að hafa frumkvæði að upplýsingagjöf sé ástæða til að ætla að frávik vegna mengandi efna í umhverfi geti haft í för með sér hættu eða skaðleg áhrif á umhverfi eða heilsu fólks eða dýra. Ráðherra er heimilt að afmarka nánar í reglugerð hvað teljist skaðleg eða hættuleg frávik.
4. gr.
Lög þessi öðlast þegar gildi.Samþykkt á Alþingi 14. mars 2012.