Á forsíðu
Þingmál
Þingmenn
Þingfundir
Ræður
Lagasafn
Þingnefndir
Alþjóðastarf
Bein útsending


Næst í nærmynd
Katrín Jakobsdóttir
2. þm. RN, Vg, KJak
Katrín Jakobsdóttir

   
Jón Kristjánsson

Jón Kristjánsson

Fæddur í Stóragerði í Óslandshlíð í Skagafirði 11. júní 1942. Foreldrar: Kristján Jónsson (fæddur 27. desember 1905, dáinn 20. október 1994) bóndi þar og síðar á Óslandi og kona hans Ingibjörg Jónsdóttir (fædd 1. apríl 1906, dáin 20. október 1955) húsmóðir. Maki (25. desember 1964): Margrét Hulda Einarsdóttir (fædd 19. nóvember 1946) bankastarfsmaður. Foreldrar: Einar Ólason og Ásgerður Guðjónsdóttir. Börn: Viðar (1964), Ásgerður Edda (1968), Einar Kristján (1973).

Samvinnuskólapróf 1963.

Verslunarstörf hjá Kaupfélagi Skagfirðinga 1959-1963. Verslunarstjóri hjá Kaupfélagi Héraðsbúa á Egilsstöðum 1963-1978. Félagsmálafulltrúi Kaupfélags Héraðsbúa 1978-1984. Skipaður 14. apríl 2001 heilbrigðis- og tryggingamálaráðherra, lausn 23. maí 2003. Skipaður 23. maí 2003 heilbrigðis- og tryggingamálaráðherra, lausn 7. mars 2006. Skipaður 7. mars 2006 félagsmálaráðherra, lausn 15. júní 2006.

Ritstjóri Austra á Egilsstöðum síðan 1974. Í sýslunefnd Suður-Múlasýslu 1974-1987. Formaður stjórnar Héraðsskjalasafns Austfirðinga 1975-1988. Þingkjörinn endurskoðandi Framkvæmdastofnunar ríkisins 1974-1983. Stjórnarformaður Kaupfélags Héraðsbúa 1987-1995. Í miðstjórn Framsóknarflokksins frá 1985. Í Norðurlandaráði 1990-1991. Fulltrúi Íslands í Þingmannasamtökum Norður-Atlantshafsríkjanna 1985-1987. Sat á allsherjarþingi Sameinuðu þjóðanna 1989 og afvopnunarráðstefnu Sameinuðu þjóðanna 1988. Varaformaður Ferðamálaráðs síðan 1999. Í stjórnarskrárnefnd frá 2005, formaður.

Alþingismaður Austurlands 1984-2003, alþingismaður Norðausturkjördæmis 2003-2007 (Framsóknarflokkur).

Varaþingmaður Austurlands apríl 1979, apríl 1981, febrúar-mars og nóvember 1982, október-nóvember 1983, apríl, maí, nóvember og desember 1984.

Heilbrigðis- og tryggingamálaráðherra 2001-2006. Félagsmálaráðherra 2006.

Forseti neðri deildar 1987-1988. 2. varaforseti Alþingis 2006-2007.

Fjárlaganefnd 1991-2001 (formaður 1995-2001), félagsmálanefnd 1991-1995, allsherjarnefnd 1995-1999, sérnefnd um stjórnarskrármál 1995, 1999 og 2000-2002, sérnefnd um fjárreiður ríkisins 1995-1997, utanríkismálanefnd 1999-2001 og 2006-2007 (varformaður 1999-2001 og 2006-2007), samgöngunefnd 1999-2001 og 2006-2007, heilbrigðis- og trygginganefnd 1999-2001, landbúnaðarnefnd 2007.

Íslandsdeild NATO-þingsins 1991-2001, Íslandsdeild Norðurlandaráðs 2006-2007.


Ritstjóri: Samherji, ársrit Kaupfélags Héraðsbúa (1969-1985). Austri (1974-1995). Tíminn (1993-1995).


Síðast breytt 02.03.2020. Upplýsingar um nefndarstörf ná aftur til ársins 1991 (115. löggjafarþing). Sjá annars nefndasetur





Þingmenn í stafrófsröð

Skammstafanir í æviágripum



Öllum fyrirspurnum, ábendingum og tillögum um
vef Alþingis skal beint til ritstjóra vefs Alþingis.