F. í Nýjabæ í Garði 18. júlí 1910, d. 9. júlí 1983. For.: Sigurður Eyjólfsson (f. 22. júní 1876, d. 15. mars 1921) sjómaður og k. h. Ingibjörg Sólveig Jónsdóttir (f. 27. júlí 1885, d. 8. maí 1966) húsmóðir.
Vann ýmis verkamannastörf í Reykjavík til 1944, er hann gerðist starfsmaður Verkamannafélagsins Dagsbrúnar og varð það ævistarf hans.
Í stjórn Verkamannafélagsins Dagsbrúnar frá 1942, formaður 1961—1982. Formaður Verkamannasambands Íslands frá stofnun þess 1964—1975. Átti sæti í nefnd sem undirbjó lög um atvinnuleysistryggingar 1956. Í stjórn Atvinnuleysistryggingasjóðs frá stofnun hans 1956. Í verðlagsnefnd landbúnaðarvara (Sexmannanefnd) 1959—1971. Átti og sæti í nefndum, sem endurskoðuðu lög um slysatryggingar og atvinnuleysistryggingar. Fulltrúi Alþýðusambands Íslands á ársfundum Alþjóðavinnumálaskrifstofunnar í Genf 1955 og 1957. Kosinn 1967 í mþn. um staðgreiðslukerfi opinberra gjalda. Skip. 1973 í lífeyrissjóðanefnd.
