Frosti Sigurjónsson Fæddur í Reykjavík 19. desember 1962. Foreldrar: Sigurjón F. Jónsson (fæddur 6. apríl 1925, dáinn 8. desember 2000), loftsiglingafræðingur og flugumsjónarmaður og Ragnheiður Sigurðardóttir (fædd 20. mars 1929) lyfjatæknir. Maki: Auður Svanhvít Sigurðardóttir (fæddur 9. október 1966) fatahönnuður og BS í umhverfisskipulagi. Foreldrar: Sigurður Alfreð Herlufsen og Sigríður Rósa Bjarnadóttir. Börn: Sindri (1991), Sóley (1992), Svandís (1998). Stúdentspróf MS 1982. Cand.oecon-próf HÍ 1988. MBA-próf London Business School 1991. Sumarstörf við fiskvinnslu, rafeindavirkjun og forritun. Viðskiptafræðingur hjá VÍB 1988-1990. Ráðgjafi hjá Kaupþingi 1991-1992. Markaðsstjóri Tölvusamskipta 1992-1994. Fjármálastjóri Marels 1993-1996. Forstjóri Nýherja 1996-2001. Stjórnarformaður CCP 1999-2005. Ráðgjafastörf frá 2001. Stofnandi og framkvæmdastjóri Dohop 2005-2010, stjórnarformaður frá 2010. Meðstofnandi og stjórnarformaður Datamarket 2009-2013. Í stjórn Arctica Finance 2012-2013. Formaður Félags viðskiptafræðinema 1986-1988. Í stjórn Verslunarráðs 1996-2000. Í háskólaráði HR 1997-2000. Í stjórn Vísindagarða Háskóla Íslands 2005-2008. Í ráðgjafahóp MBA-náms HÍ frá 2008. Í stjórn Heimssýnar, hreyfingar sjálfstæðissinna í Evrópumálum, frá 2009. Stofnandi Advice-hópsins gegn Icesave 2011. Stofnandi Betra peningakerfis 2012. Alþingismaður Reykjavíkurkjördæmis norður 2013-2016 (Framsóknarflokkur). Efnahags- og viðskiptanefnd 2013-2016 (formaður), utanríkismálanefnd 2013-2016 . |