Á forsíðu
Þingmál
Þingmenn
Þingfundir
Ræður
Lagasafn
Þingnefndir
Alþjóðastarf
Bein útsending


Næst í nærmynd
Bergþór Ólason
8. þm. NV, M, BergÓ
Bergþór Ólason

   
Bergur Thorberg

Bergur Thorberg

Fæddur á Hvanneyri í Siglufirði 23. janúar 1829, dáinn 21. janúar 1886. Foreldrar: Ólafur Thorberg (fæddur 19. desember 1792, dáinn 13. september 1873) prestur þar og kona hans Guðfinna Bergsdóttir (fædd 25. desember 1793, dáin 31. mars 1866) húsmóðir. Maki 1 (5. október 1865): Sesselja Þórðardóttir (fædd 16. janúar 1834, dáin 25. janúar 1868) húsmóðir. Foreldrar: Þórður Bjarnason og kona hans Guðlaug Aradóttir. Maki 2 (18. október 1873): Anna Jensína Elínborg Pétursdóttir (fædd 11. september 1842, dáin 27. júlí 1925) húsmóðir. Foreldrar: Pétur Pétursson alþingismaður og 2. kona hans Sigríður Bogadóttir. Börn Bergs og Elínborgar: Sesselja (1875), Pétur (1876).

Stúdentspróf Lsk. 1851. Lögfræðipróf Hafnarháskóla 1857.

Varð aðstoðarmaður í dómsmálaráðuneytinu danska 1857. Amtmaður í vesturamtinu 1866, sat í Stykkishólmi, varð jafnframt amtmaður í suðuramtinu er embættin voru sameinuð 1872. Fluttist til Reykjavíkur vorið 1873. Settur landshöfðingi 1882 og aftur 1883, skipaður landshöfðingi 7. maí 1884 og gegndi því embætti til æviloka 1886.

Bæjarfulltrúi í Reykjavík 1876—1883. Skipaður 1876 í nefnd til að semja landbúnaðarlöggjöf fyrir Ísland. Skipaður 1877 í nefnd um kirkjumál.

Konungkjörinn alþingismaður 1865—1883.

Forseti sameinaðs þings og efri deildar 1881. Varaforseti sameinaðs þings 1875.



Síðast breytt 01.04.2016.





Þingmenn í stafrófsröð

Skammstafanir í æviágripum



Öllum fyrirspurnum, ábendingum og tillögum um
vef Alþingis skal beint til ritstjóra vefs Alþingis.