 Árni Helgason Fæddur á Stað í Aðalvík 27. október 1777, dáinn 14. desember 1869. Foreldrar: Helgi Einarsson (fæddur í ágúst 1751, dáinn 2. september 1816) prestur þar og kona hans Guðrún Árnadóttir (fædd um 1754, dáin 22. júní 1808) húsmóðir. Maki 1 (5. október 1809): Guðný Högnadóttir (fædd 1766, dáin 22. júlí 1834) húsmóðir. Foreldrar: Högni Benediktsson og kona hans Guðný Jónsdóttir. Maki 2 (14. ágúst 1835): Sigríður Hannesdóttir (fædd 20. september 1795, dáin 19. október 1869) húsmóðir. Foreldrar: Hannes Finnsson og 2. kona hans Valgerður Jónsdóttir. Einkasonur Árna og Guðnýjar dó ungur. Stúdentspróf Hólavöllum 1799. Guðfræðipróf Hafnarháskóla 1807. Heimiliskennari í Skálholti. Starfsmaður (stipendiarius) Stofnunar Árna Magnússonar. Fékk Vatnsfjörð 22. mars 1808, en kom ekki út fyrr en 1809, fékk aðstoðarprest til þess að þjóna brauðinu. Heimiliskennari á Innra-Hólmi hjá Magnúsi Stephensen konferensráði 1809—1811. Fékk Reynivelli í Kjós 1810. Dómkirkjuprestur í Reykjavík 1814, sat í Breiðholti. Gegndi jafnframt kennarastörfum á Bessastöðum 1817—1819. Fékk Garða á Álftanesi 1825, lausn 1858, en átti þar heima til æviloka. Prófastur í Kjalarnesprófastsdæmi 1821—1856. Settur biskup 21. september 1823 til 14. maí 1825 og aftur 14. júní 1845 til 2. september 1846. Hann kenndi fjölda manna skólalærdóm og margir urðu stúdentar frá honum. Stiftprófastur að nafnbót 30. apríl 1828. Biskup að nafnbót 7. október 1858. Einn af aðalstofnendum Hins íslenska bókmenntafélags, forseti Reykjavíkurdeildar þess 1816—1848. Einn af aðalstofnendum Hins íslenska biblíufélags 1815. Átti sæti í embættismannanefndinni 1839—1841 til undirbúnings endurreisn Alþingis. Alþingismaður Reykvíkinga 1845—1849.
Ritstjóri: Sunnan-Pósturinn (1836 og 1838). |
