Forseti Evrópuráðsþingsins í opinberri heimsókn á Íslandi
Forseti Evrópuráðsþingsins, Pedro Agramunt, er í opinberri heimsókn á Íslandi 25.–28. september í boði forseta Alþingis. Evrópuráðsþingsforsetinn sækir fund stjórnmála- og lýðræðisnefndar Evrópuráðsþingsins sem haldinn er í Hörpu í dag, 26. september. Hann mun í dag einnig eiga fund með fjármálaráðherra og heimsækja Barnahús og kynna sér starfsemi þess, ásamt því að eiga fund með Íslandsdeild Evrópuráðsþingsins. Á morgun mun Agramunt eiga fund með forseta Alþingis og hitta fulltrúa í utanríkismálanefnd að máli, funda með utanríkisráðherra og sækja forseta Íslands heim á Bessastaði.
Frá heimsókn Agramunt í Alþingishúsið 27. september 2016 og fundi með utanríkismálanefnd Alþingis.