Forseti Alþingis sækir haustþing Alþjóðaþingmannasambandsins í Genf
Einar K. Guðfinnsson, forseti Alþingis, situr 135. þing Alþjóðaþingmannasambandsins sem haldið er í Genf í Sviss 22.-27. október 2016. Hann var fyrstur á mælendaskrá í almennum umræðum um baráttu gegn mannréttindabrotum í aðdraganda átaka. Lagði hann í ávarpi sínu sérstaka áherslu á baráttu gegn mannréttindabrotum gagnvart konum og börnum. Þá þakkaði hann stjórn og starfsmönnum Alþjóðaþingmannasambandsins gott samstarf, en Einar K. Guðfinnsson átti sæti í Íslandsdeild Alþjóðaþingmannasambandsins um 14 ára skeið, þar af 7 ár sem formaður.
