Fundur formanna utanríkismálanefnda Norðurlanda og Eystrasaltsríkjanna
Formenn utanríkismálanefnda þjóðþinga Norðurlanda og Eystrasaltsríkjanna koma saman til fundar í Reykjavík 24. október. Gestgjafi fundarins er Hanna Birna Kristjánsdóttir, formaður utanríkismálanefndar Alþingis, en samráðsfundir þessir eru haldnir til skiptis í ríkjunum átta.
Meginumræðuefni fundarins verða samskiptin við Rússland, norðurskautsmál, ástandið í Miðausturlöndum og jafnréttismál í utanríkisstefnu. Auk þess verður farið yfir forgangsmál og áherslur í starfi einstakra utanríkismálanefnda.