Fundur þingforseta Norðurlanda og Eystrasaltsríkja í Stokkhólmi
Kristján L. Möller, 1. varaforseti Alþingis, sækir árlegan fund þingforseta Norðurlanda og Eystrasaltsríkja sem haldinn er í Stokkhólmi 20.-21. ágúst 2015 í boði Urban Ahlin, forseta sænska þingsins.
Þingforsetarnir munu á fundinum gera grein fyrir því sem er efst á baugi í stjórnmálum í löndunum átta, auk þess að ræða samstarf þjóðþinganna. Meðal annarra mála á dagskrá fundarins er Úkraínudeilan og samskipti við Rússland, ásamt stöðu efnahagsmála í Evrópu, uppgangur öfgaafla og hryðjuverkaógn. Þá mun Kristján L. Möller kynna dagskrá heimsráðstefnu þingforseta sem haldin verður í New York í byrjun september og gera grein fyrir starfi undirbúningshóps um ráðstefnuna sem Einar K. Guðfinnsson, forseti Alþingis, á sæti í.
©Melker Dahlstrand.