Fundur Evrópuráðsþingsins í Strassborg 26.−30. janúar
Fyrsti fundur Evrópuráðsþingsins á árinu verður haldinn í Strassborg dagana 26.−30. janúar 2009.
Fundinn sækja fyrir hönd Íslandsdeildar Evrópuráðsþingsins þau Guðfinna S. Bjarnadóttir formaður og Ellert B. Schram varaformaður.
Það sem ber hæst á þinginu er umræða um afleiðingar alþjóðlegu fjármálakreppunnar og átökin milli Georgíu og Rússlands. Auk þess verður ástandið á Gasasvæðinu tekið til umræðu, samvinna við Alþjóðasakamáladómstólinn og verktakavæðing á sviði hernaðar frá ríkinu yfir til einkafyrirtækja auk annarra mála.