Janúarfundir Norðurlandaráðs í Ósló 24.-25. janúar
Norðurlandaráð kemur saman í Ósló dagana 24.-25. janúar. Ráðið mun eiga fund með Jens Stoltenberg, forsætisráðherra Noregs, þar sem hann kynnir framtíðarsýn sína fyrir norrænt samstarf. Auk þess verða í Ósló fundir í nefndum og flokkahópum Norðurlandaráðs.
Fyrir hönd Íslandsdeildar Norðurlandaráðs sækja fundina þau Jónína Bjartmarz formaður, Drífa Hjartardóttir, Ásta R. Jóhannesdóttir, Arnbjörg Sveinsdóttir, Kjartan Ólafsson, Mörður Árnason og Kolbrún Halldórsdóttir.
