F. á Minna-Mosfelli í Grímsnesi 24. febr. 1880, d. 29. mars 1955. For.: Arnór Jónsson (f. 25. júlí 1839, d. 14. febr. 1926) bóndi þar og k. h. Guðrún Þorgilsdóttir (f. 15. maí 1837, d. 16. apríl 1897) húsmóðir. K. (5. okt. 1907) Sigríður Þorláksdóttir Johnson (f. 22. mars 1877, d. 11. ágúst 1960) húsmóðir. For.: Þorlákur Ó. Johnson, sonur Ólafs Johnsens þfm., og Ingibjörg Bjarnadóttir Johnson. Börn: Ingibjörg (1908), Guðrún (1909), Áslaug (1911), Ásgerður (1913), Hrafnhildur (1915), Logi (1917).
Stúdentspróf Lsk. 1901. Lagði fyrst stund á norræna málfræði við Hafnarháskóla, en hvarf frá því. Lögfræðipróf Hafnarháskóla 1906. Yfirréttarmálaflutningsmaður 1907. Heiðursdoktor í lögum Háskóla Íslands 1936. Hrl. 1945.
Ritstjóri Fjallkonunnar 1907. Kennari við Lagaskólann í Reykjavík 1908— 1911. Prófessor í lögum við Háskóla Íslands 1911—1915. Skip. 4. maí 1915 ráðherra Íslands, lausn 4. jan. 1917. Varð þá að nýju prófessor í lögum og gegndi því embætti til 1932, enda þótt hann fengi lausn í okt. 1919 og væri stjórnmálaritstjóri Morgunblaðsins og Ísafoldar veturinn 1919—1920. Rektor Háskóla Íslands 1918—1919 og 1929—1930. Jafnframt var hann skattstjóri í Reykjavík 1922—1928 og formaður niðurjöfnunarnefndar, sat í nefndinni til 1932. Hæstaréttardómari 1932—1942. Skip. 16. des. 1942 dóms- og menntamálaráðherra, lausn 16. sept. 1944, en falið að gegna störfum áfram um stundarsakir, fékk lausn 21. sept. Hæstaréttardómari 1944—1945.
Kosinn í velferðarnefnd 1914. Átti sæti í fullveldisnefnd Alþingis 1917—1918. Átti og sæti í sambandslaganefnd 1918 og síðan dansk-íslenskri ráðgjafarnefnd til 1934. Skip. 1927 í matsnefnd á Landsbankann. Vann 1925 ásamt Hannesi Þorsteinssyni að rannsókn íslenskra skjala í ríkisskjalasafni Dana og samningum um afhendingu þeirra til Íslands. Í bæjarstjórn Reykjavíkur 1930—1932. Skip. 1934 í nefnd til þess að undirbúa nýja réttarfarslöggjöf. Forseti Sögufélagsins 1935—1955. Átti sæti í Árnasafnsnefnd 1936—1942.
Alþm. Árn. 1914—1919 (Sjálfstfl. eldri, Sjálfstfl. langsum), alþm. Reykv. 1931—1932 (Sjálfstfl.).
Ráðherra Íslands 1915—1917, dóms- og menntamálaráðherra 1942—1944.
Afkastamikill rithöfundur og samdi fjölda rita og greina um lögfræði, sögu Íslendinga o. fl. Heiti nokkurra bókanna eru: Réttarstaða Íslands. Meðferð opinberra mála. Þjóðréttarsamband Íslands og Danmerkur. Réttarsaga Alþingis. Þjóðabandalagið. Alþingi og frelsisbaráttan 1845—1874. Árnesþing á landnáms- og söguöld. Annaðist útgáfu Alþingisbóka og fleiri merkra heimildarrita um íslensk lög og dóma o. fl.
Ritstjóri: Fjallkonan (1907). Ísafold (1919—1920). Morgunblaðið (1919—1920). Skírnir (1930). Blanda (1936—1939). Saga (1950—1954). Tímarit lögfræðinga (1951—1953).
Síðast breytt 27.06.2001. Upplýsingar um nefndarstörf ná aftur til ársins 1991 (115. löggjafarþing). Sjá annars nefndasetur
