F. á Akureyri 21. febr. 1924, d. 17. sept. 1994. For.: Þorsteinn Jónsson (f. 24. des. 1881, d. 25. apríl 1966) verkamaður þar og k. h. Guðrún Guðmundsdóttir (f. 17. júlí 1894, d. 2. maí 1977) húsmóðir. K. (12. ágúst 1950) Jónína Sigríður Sigfúsdóttir Bergmann (f. 17. des. 1929) húsmóðir. For.: Sigfús Bergmann og k. h. Emilía Jónsdóttir. Synir: Sigfús (1951), Jóhannes Gísli 1963), Þorsteinn (1964), Jón Gunnar (1968).
Stúdentspróf MA 1944. Lögfræðipróf HÍ 1949. Hdl. 1950. Hrl. 1973.
Fulltrúi bæjarfógetans í Vestmannaeyjum sumarið 1949. Fluttist til Akureyrar haustið 1949 og rak þar málaflutningsskrifstofu til 1955. Starfsmaður Alþýðusambands Íslands í Reykjavík 1955—1960. Rak málaflutningsskrifstofu í Reykjavík 1960—1963 og aftur frá 1971 til æviloka. Dómari í Félagsdómi 1986—1994. Dómari í Kjaradómi 1991—1993.
Í miðstjórn Alþýðuflokksins 1958—1972. Skip. 1959 í nefnd til að undirbúa löggjöf um samningsrétt opinberra starfsmanna og 1960 í endurskoðunarnefnd skattalaga. Í stjórn Íslenskrar endurtryggingar 1961—1972, í kjaranefnd 1962— 1973, í samninganefnd ríkisins um launakjör ríkisstarfsmanna 1962—1966. Málflytjandi ríkisins fyrir kjaradómi 1963—1972. Skip. 1964 í nefnd til athugunar á menntunarkröfum og atvinnuréttindum vélstjóra. Kosinn 1964 í áfengismálanefnd. Formaður framkvæmdanefndar byggingaráætlunar 1965—1969. Skip. 1966 í nefnd til að semja frumvarp um framleiðnisjóð landbúnaðarins, í stjórn sjóðsins 1966—1971. Skip. 1968 í nefnd til að athuga ýmsa þætti landbúnaðarmála. Í yfirnefnd um verðlagsgrundvöll landbúnaðarins 1968 og 1975. Sat í mörgum sáttanefndum í kjaradeilum á árunum 1975—1980. Formaður nefndar sem skipuð var af Hæstarétti 1986 til að rannsaka viðskipti Útvegsbanka Íslands og Hafskips hf. Formaður umsjónarnefndar fólksbifreiða á höfuðborgarsvæðinu 1989—1993.
