Ögmundur Jónasson

      F. í Reykjavík 17. júlí 1948. For.: Jónas B. Jónsson (f. 8. apríl 1908, d. 1. apríl 2005) fræðslustjóri og Guðrún Ö. Stephensen (f. 30. okt. 1914, d. 11. jan. 2011) húsmóðir. M. (2. ágúst 1974) Valgerður Andrésdóttir (f. 12. jan. 1949) erfðafræðingur. For.: Andrés Björnsson og Margrét Helga Vilhjálmsdóttir. Börn: Andrés (1974), Guðrún (1979), Margrét Helga (1981).
      Stúdentspróf MR 1969. MA-próf í sagnfræði og stjórnmálafræði Edinborgarháskóla, Skotlandi, 1974.
      Kennari við grunnskóla Reykjavíkur 1971-1972. Rannsóknir við Edinborgarháskóla og ýmis hlutastörf 1974-1978. Fréttamaður Ríkisútvarpsins, hljóðvarps og síðan sjónvarps, 1978-1988, í Kaupmannahöfn 1986-1988. Stundakennari við Háskóla Íslands síðan 1979. Formaður BSRB 1988-2009. Heilbrigðisráðherra 1. febr. til 1. okt. 2009, dómsmála- og mannréttindaráðherra og samgöngu- og sveitarstjórnarráðherra síðan 2. sept. 2010. Innanríkisráðherra 1. jan. 2011, lausn 28. apríl 2013 en gegndi störfum til 23. maí 2013.

      Alþm. Reykv. 1995-2003 (Alþýðubandalagið og óháðir, Óháðir, Vinstri hreyfingin - grænt framboð), alþm. Reykv. s. 2003-2007, alþm. Suðvest. síðan 2007 (Vinstri hreyfingin - grænt framboð).
      Heilbrigðisráðherra 2009, dómsmála- og mannréttindaráðherra og samgöngu- og sveitarstjórnarráðherra 2010, innanríkisráðherra 2011-2013.
      Formaður þingflokks óháðra 1998-1999. Formaður þingflokks Vinstri hreyfingarinnar - græns framboðs 1999-2009.
      Allsherjarnefnd 1995-1997, 1998-1999 og 2010, heilbrigðis- og trygginganefnd 1995-1996, félagsmálanefnd 1997-1998, kjörbréfanefnd 1999-2007, sérnefnd um stjórnarskrármál 1999-2003, 2004 og 2005-2007, efnahags- og viðskiptanefnd 1999-2007, efnahags- og skattanefnd 2007-2009 og 2009-2010, félags- og tryggingamálanefnd 2007-2009 og 2010, sjávarútvegs- og landbúnaðarnefnd 2009-2010, umhverfisnefnd 2009-2010, utanríkismálanefnd 2009-2010.
      Íslandsdeild þingmannanefndar EFTA 1999-2003.

Síðast breytt 23.05.2013. Upplýsingar um nefndarstörf ná aftur til ársins 1991 (115. löggjafarþing). Sjá annars nefndasetur