20 milljarðar á einu ári í bílalán
Viðskiptaráðherra hefur á Alþingi svarað fyrirspurn minni um útlán hjá tryggingarfélögum og eignarleigum. Útlán eignarleigufyrirtækja til einstaklinga hafa aukist um hátt í 500% á 4 árum. Þau voru 1.997 millj. kr. 1995 en voru á árinu 1998 9.297 millj. kr. Áætla má að þessu útlán sem eru að verulegu leyti hjá Glitni og Lýsingu séu mest vegna bílalána. Útlán vátryggingafélaga voru tæpir 6 milljarðar 1996 en voru 1998 rúmlega 10 milljarðar króna og hafa aukist um 68% á þremur árum. Af þessu má áætla að um 20 milljarðar hafi farið í bílalán hjá eignarleigufyrirtækju og tryggingafélögum 1998. Innnflutningur á bílum til einstaklinga voru á árinu 1998 16.700 bílar. M.v. 20 milljarða bílalán tryggingafélaga og eignarleigufyrirtækja má ætla að meðallán á hvern innfluttan bíl hjá þessum aðilum sé rúmlega 1 milljón kr.
Meira

450 milljónir í verndartolla af grænmeti.
Landbúnaðarráðherra hefur lagt fram á Alþingi skýrslu samkvæmt minni beiðni og annarra þingmanna Samfylkingarinnar um stöðu garðyrkjubænda og þróun á verði og neyslu grænmetis. Skýrslan lýsir bágri stöðu garðyrkjubænda, miklum kostnaði milliliða í grænmetisverðinu, háu raforkuverði til ylræktar, lítilli grænmetisneyslu Íslendinga og gífurlega háu grænmetisverði vegna verndartolla. Frá ágúst til nóvemberloka á þessu ári hefur grænmeti hækkað um 17-30% umfram aðrar neysluvörur.
Frá júní 1995 til júní 1999 hefur ríkissjóður haft um 450 króna vegna verndartolla af grænmeti. Grænmetisneysla hefur staðið í stað hér á landi frá árinu 1995 og er hvergi í Evrópu minni en hér á landi.
Meira

Ábyrgð dómsmálaráðherra vegna Barnahúss
Það er hrein hneisa og afturhvarf til fortíðar ef nú á að fara að loka Barnahúsinu, sem er það besta sem gert hefur verið á umliðnum árum í málum barna sem beitt hafa verið kynferðislegu ofbeldi. Afstaða dómsmálaráðherra til þessa máls veldur vonbrigðum. Í utandagskrárumræðum á Alþingi koma fram að ráðherrann styður greinilega að skýrslutaka af börnum sem verða fyrir kynferðislegri misnotkun sé hjá dómstólunum, sem kippir grundvellinum undan starfsemi Barnahúss. Um 90 af þeim 130 börnum sem Barnahús hefur fengið í rannsóknarviðtöl á einu ári eru undir 14 ára. Það er lágmarkskrafa að börn undir þessum aldri fái áfram skjól í Barnahúsi. Það auðveldar þeim það kvalræði sem er að ganga í gegnum kæru- og dómsferilinn í kynferðisbrotamálum. Dómsmálaráðherra hefur það í hendi sér að börn sem beitt eru kynferðislegu ofbeldi geti áfram notið þeirrar ómetanlegu þjónustu sem Barnahús býður upp á og rómuð hefur verið langt út fyrir landssteinana.
Meira

Áramótaútgerðin í skattundandrætti.
Ríkisverðbréf í eigu um 20 þúsund einstaklinga og hjóna sem nú nema 57 milljörðum króna hafa verið skattfrjáls og eru eignir í þeim frádráttarbærar frá skattskyldum eignum. Tæplega 1200 af um 20 þúsundum eigenda þessara ríkisverðbréfa eiga um 32 milljarða eign í þessum skattfrjálsu ríkisverðbréfum að meðaltali um 26 milljónir hver og einn. Skattfrelsi þessara verðbréfa hefur í vaxandi mæli leitt til þess að þeir sem eiga mikið af þessum eignarskattfrjálsum ríkisverðbréfum nýta þetta skattfrelsi til undanskots frá eignarskatti. Þessi útgerð á löglegu en siðlausu undanskota hefjast oft rétt fyrir áramót með því að að stóreignafólk og fjármagnseigendur fær yfirdráttarheimild í banka sínum í örfáa daga yfir áramót og stofna til skulda, og kaupa ríkisverðbréf í þeim tilgangi að lækka verulega eignaskatt sinn. Talið er að umfang þessarar áramótaviðskipta í þeim tilgangi einum að komast hjá eignakskatti sé um 10-15 milljarðar króna. Frumvarp er á hraðferð gegnum Alþingi til að koma í veg fyrir þessi undanskot. Það má þó ekki koma í veg fyrir reglubundinn mánaðarlegan sparnað áskrifenda ríkisverðbréfa, en hvernig..
Meira

Efnahagsstefna ríkisstjórnarinnar er tímasprengja
Ríkisstjórnin hefur misst öll tök á ríkisfjármálum og efnhagsmálum. Viðskiptahallinn sem í byrjun október var spáð að yrði 29 milljarðar króna, stefnir í að vera 38 milljarða á þessu ári og er að verða helsta tímasprengjan sem ógnar stöðugleikanum. Þjóðhagslegur sparnaður hefur ekki verið minni um langt skeið eða síðan í lok áttunda áratugarins og er nú 14% af landsframleiðslu, en þyrfti að vera 30 milljörðum meiri eða 19% af landsframleiðslu til að sparnaðurinn standi undir áformaðri fjárfestingu á næsta ári. Verðbólguhjólið keyrir líka áfram með sívaxandi hraða en verðbólgan s.l. 12 mánuði hefur verið 5.6 % og eru flest lönd OECD með lægri verðbólgu utan Tyrklands, Mexico, Ungverjalands og Póllands. Hreinar erlendar langtímaskuldir fara vaxandi, en þær voru 46-47% af vergri landsframleiðslu á árinu 1996, en stefna nú í tæplega 53% á næsta ári. Efnahagsstefna ríkisstjórnarinnar sem nú birtist við lokaafgreiðslu fjárlaga sýnir aðhaldsleysi, sem mun kynda undir verðbólguna og rýra lífskjörin í landinu. Þetta eru kaldar kveðjur til launafólks, sem lagt hefur mikið á sig til að viðhalda stöðugleikanum í landinu.
Meira

Sérstakar barnabætur til 2000 einstæðra foreldra
Þeir sem geta nýtt sér ónýttan persónuafslátt maka, sem nú er heimilt að 80% hluta eru um 19 þúsund manns, þar af tæplega 17 þúsund karlar og rúmlega 2 þúsund konur. Ríkisstjórnin stefnir að því að lögfest verði fyrir jól að persónuafslátturinn verði að fullu millifæranlegur. Hlutfall þeirra sem eru með ónýttan persónuafslátt er hæst hjá þeim yngstu og þeim elstu. Þeir sem eru á miðjum aldri hafa hlutfallslega lægstan ónýttan persónuafslátt. Aðeins rúmlega helmingur þeirra sem geta nýtt sér þessa skattaívlnun eru með börn á framfæri. Ríkisstjórnin hefur engin áform um að bæta stöðu einstæðra foreldra, en margir þþeirra búa við sára fátækt samkvæmt nýlegri skýrslu á Alþingi. Þingmenn Samfylkingarinnar í Efnahags- og viðskiptanefnd á Alþingi munu í dag leggja til að samhliða ofangreindu frumvarpi ríkisstjórnarinnar verði samþykkt breytingartillaga við frumvarpið sem bætir verulega stöðu margra einstæðra foreldra, en kostar ríkissjóð lítið.
Meira

Forsætisráðherra hreinsi málið
Fullyrðing Kaupþingsmanna stendur gegn fullyrðingu forsætisráðherra. Þannig er staðan nú eftir viðbrögð forsætisráðherra á Alþingi í gær við þeim ásökunum sem koma fram í yfirlýsingu forsvarsmanna Kaupþings um að ráðherra hefði farið með rangt mál á Alþingi. Á það við um svokallaðan leynisamning og það verð sem Kaupþing og sparisjóðirnir hafi verið tilbúnir til að greiða fyrir FBA. Sú staða er ólíðandi fyrir Alþingi að þetta mál sé ekki hreinsað og það sanna dregið óyggjandi fram í dagsljósið. Það er ekki bara trúverðugleiki forsætirsráðherra sem er í húfi heldur einnig virðing Alþingis.
Meira

1.8 milljón króna skuldaklafa í vöggugjöf
Frá árinu 1995 fram á mitt þetta ár hafa skuldir heimilanna aukist um 144 milljarða króna og voru þær á miðju þessu ári 477 milljarðar króna. Skuldir sem hlutfall af ráðstöfunartekjum heimilanna eru 144.2% eða rúmlega 44% umfram áætlaðar ráðstöfunartekjur heimilanna á þessu ári. Á sama tímabili hafa eignir heimilanna aukist meira en helmingi minna en skuldirnar eða aðeins um 62 milljarða króna. Skuldirnar heimilanna samsvara nú tæpum 1.8 milljón króna á hvert mannsbarn eða 7.2 milljónir á hverja fjögurra manna fjölskyldu. Eignaaukning landsmanna á þessum tíma er meiri vegna bifreiðakaupa en íbúðakaupa.
Meira

Útlán innlánsstofnana tvöfaldast
35% aukning á hlutafé í Landsbanka og Búnaðarbanka á s.l. ári hefur átt mikinn þátt í gífurlegri útlánaaukningu innlánsstofnana. Í svari viðskiptaráðherra til mín á Alþingi kemur í ljós að útlán innlánsstofnana bæði til einstaklinga og fyrirtækja hafa tvöfaldast frá því árið 1995. Þannig voru útlán banka og sparisjóða til einstaklinga 62 milljarðar árið 1995 en voru komin í tæpa 123 milljarða í september 1999. Um 20% útlána til einstaklinga eru íbúðalán, þ.e. vegna kaupa á fasteignum eða vegna viðhalds og endurbóta á fasteignum. Hjá fyrirtækjum voru útláninn í 122 milljörðum árið 1995 en voru komin í rúmar 243 milljarða í september 1999.
Meira

Handahófskennd bankasala
Engar áætlanir liggja fyrir um framkvæmd á einkavæðingu banka og annarra fjármálastofnana. Handahófskenndar ákvarðanir hafa bara ráðið sölu á fjármálastofnunum án þess að heildstæð stefnumótun hafi verið gerð fyrir fjármagnsmarkaðinn eða leikreglur settar sem hann á að lúta. Fjárfestar hafa á rúmu ári hagnast á ríkiseignum um rúma 30 milljarða með kaupum á hlutabréfum í FBA , Landsbanka og Búnaðarbanka. Í. s.l. viku kom fram að fjárfestar sem keyptu 51% hlut ríkisins í FBA hefðu hagnast um 1265 milljónir á 10 dögum. Engar fyrirfram mótaðar áætlanir liggja fyrir um sölu á ríkisbönkunum. Samt á nú að keyra í gegnum Alþingi á nokkrum dögum sölu á 15% hlut í Landsbanka og Búnaðarbanka fyrir 5.8 milljarða. Afhverju liggur svona á að fylla gullkistur kolkrabbans og annarra stórra fjármagnseigenda? Liggur að baki þessari ákvörðun að stjórnarflokkarnir hafi náð saman um að skipta á milli sín bönkunum með sameiningu Landsbankans og Íslandsbanka annars vegar og Búnaðarbankans og Fjárfestingarbankans hinsvegar?
Meira

1900 milljónir í risnu og ferðalög
Ferða- og risnukostnaður ríkisstofnana og ráðuneyta var tæpar 1.900 m.kr. árið 1998 og hafði hækkað um tæpar 230 milljónir frá árinu 1997. Þetta kemur fram í sundurliðuð yfirliti yfir ferða- og risnukostnað einstakrar ráðuneyta og stofnana sem ég óskaði eftir frá fjármálaráðuneytinu.
Þarna á að spara. 5 milljónir á daga hvern einasta dag ársins í kokkteilboð og ferðalög er of mikið. 20% sparnaði eða um 400 millj. kr. væri vel hægt að ná fram. Ráðherrar eiga að setja ráðuneytum sínum og undirstofnunum það markmið á næsta ári að ná fram a.m.k. 20% sparnaði á ferða- og risnukostnaði.

Meira

1900 milljónir í risnu og ferðalög
Ferða- og risnukostnaður ríkisstofnana og ráðuneyta var tæpar 1.900 m.kr. árið 1998 og hafði hækkað um tæpar 230 milljónir frá árinu 1997. Þetta kemur fram í sundurliðuð yfirliti yfir ferða- og risnukostnað einstakrar ráðuneyta og stofnana sem ég óskaði eftir frá fjármálaráðuneytinu.
Þarna á að spara. 5 milljónir á daga hvern einasta dag ársins í kokkteilboð og ferðalög er of mikið. 20% sparnaði eða um 400 millj. kr. væri vel hægt að ná fram. Ráðherrar eiga að setja ráðuneytum sínum og undirstofnunum það markmið á næsta ári að ná fram a.m.k. 20% sparnaði á ferða- og risnukostnaði.
Meira

Starfshættir dómstóla
Mörgum spurningum er ósvarað í kjölfar nýgengis sýknudóms Hæstaréttar yfir ákærðum föður sem dóttir hafði kært fyrir gróft kynferðisbrot. Spurningarnar snúast m.a. um rannsóknaraðferðir, sönnunarkröfur og mat á sönnungargögnum. Hvers vegna beitti Hæstiréttur ekki ákvæðum laga um meðferð opinberra mála um munnlega sönnunarfærslu, þegar að frumkvæði verjanda ákærða ný gögn sérfræðinga eru lögð fram, eins og frá geðlækni ákærða. Ekki síst vekur þetta furðu þegar þessi gögn virðist hafa orðið eitt aðalgagnið, sem meirihluti Hæstaréttar byggði sýknudóm sinn á. Hvers vegna var ekki þolanda gefinn kostur á munnlegri sönnunarfærslu eða þeim sálfræðingum og geðlæknum, sem gefið höfðu skýrslu fyrir héraðsdómi? Spurning vaknar líkar um hvort ekki þurfi að skylda dómsstóla til að kveðja til meðdómendur með sérfræðikunnáttu á sviði kynferðisbrota þegar dómsstólar fjalla um kynferðislega misnotkun á börnum.
Meira

Staðfestir fátækt einstæðra foreldra
Skýrsla félagsmálaráðherra um kjör einstæðra foreldra sem lögð hefur verið fram á Alþingi í dag að beiðni þingmanna Samfylkingarinnar staðfestir fátækt flestra einstæðra foreldra. Árið 1997 voru hjón og sambýlisfólk með 250% hærri árstekjur en einstæðir foreldrar. Nettóeign einstæðra foreldra er að meðaltali 584 þús. kr. en hjóna og sambýlisfóks með börn tæpar 4 milljónir króna. Meira en helmingur einstæðra foreldra hafði í meðaltekjur 54 þús. kr og 85% allra einstæðra foreldra eru með tekjur undir 150 þúsund kr. á mánuði. Svo bág eru kjörin að 59% allra einstæðra foreldra voru skattlausir á árinu 1997.
Athyglisvert er einnig að meðalráðstöfunartekjur einstæðra foreldra á árinu 1997 voru helmingi lægri en ráðstöfunartekjur hjóna árið 1997 eða 1.483 þús. kr. 31% þeirra sem þáðu fjárhagsaðstoð hjá sveitarfélögum voru einstæðir foreldrar. Samantekt á helstu atriðum skýrslunnar koma hér fram.
Meira

Helmingur einstæðra foreldra með 54 þúsund króna mánaðartekjur
Í skýrslu sem félagsmálaráðherra lagði fram á Alþingi í dag um kjör einstæðra foreldra, að beiðni nokkurra þingmanna Samfylkingarinnar undir minni forystu, koma fram athyglisverðar upplýsingar. Þær snerta m.a. húsnæðis-framfærslu- og neyslukostnað einstæðra foreldra, tekju og eignastöðu, framfærslukostnað og skattgreiðslur. Þar kemur fram að 54% einstæðra foreldra hafði í meðal atvinnutekjur á árinu 1997 tæplega 54 þúsund krónur. 85% einstæðra foreldra voru með atvinnutekjur undir 150 þúsund kr. Einungis rúmlega 5% eða 433 einstæðra foreldra var með tekjur yfir 200 þúsund krónur.
Meira

Stefnumótun í málefnum barna
Það segir mikið um velferð hvers þjóðfélags, hvernig búið er að börnum og fjölskyldum þeirra.
Útgjöld vegna barna og fjölskyldna á Íslandi var tæp 38 þúsund á íbúa á árinu 1997, samkvæmt samantekt Hagstofu Íslands. Á sama tíma voru útgjöld til fjölskyldna og barna á hinum Norðurlöndunum frá tæpum 52 þúsund á íbúa til tæplega 65 þúsund á íbúa þar sem þau voru hæst en það var í Danmörku. Um er að ræða peningagreiðslur vegna fæðingarorlofs, foreldragreiðslna, barnabóta og meðlaga. Einnig vegna ýmiskonar þjónustu eins og dagvistarstofnanir barna, barnavernd, heimishjálp við barnafjölskyldur og fl.
Meira

Ísland hálfdrættingur
Í samantekt um útgjöld til félags- og heilbrigðismála sem Hagstofa Íslands hefur tekið saman fyrir mig kemur fram sláandi samanburður milli Norðurlandanna. Útgjöldin sem hlutfall af landsframleiðslu er 18.1 á Íslandi, 25.6 í Noregi, 29.5 í Finnlandi, 30.3 í Danmörk og 34.3 í Svíþjóð. Þannig verja frændþjóðir okkar á hinum Norðurlöndunum allt að helmingi hærri heildarfjárhæð til félags og heilbrigðismála en Íslendingar. Útgjöld á íbúa til félags- og heilbrigðismála á Íslandi á árinu 1997 voru rúm 308 þúsund kr. meðan þau voru allt að 514 þúsund ísl. kr. á íbúa á hinum Norðurlöndum
Meira

Hvenær koma barnakortin?
Í góðærinu s.l. 4 ár hafa barnabætur lækkað að raungildi um 1200 millj. króna. Það er þriðjungur af heildarfjárhæð barnabóta á árinu 1999 sem er um 3.7 milljarðar. Heildarfjöldi þeirra sem njóta barnabótanna hefur á sama tíma fækkað um 30 þúsund eða úr 71 þúsund í um 41 þúsund. Fjölskyldum sem fá barnabætur mun enn fækka á næsta ári eða um 2000. Á öllum Norðurlandanna utan Íslands eru barnabætur ótekjutengdar. Þessu er nauðsynlegt að halda til haga nú á 10 ára afmæli Barnasáttmála SÞ, en barnasáttmálinn hefur að geyma grundvallarmannréttindi barna yngri en 18 ára. Á Íslandi eru barnabætur greiddar til 16 ára aldurs og fjármálaráðherra hefur upplýst að engin áform séu um að greiða barnabætur til 18 ára aldurs barns þrátt fyrir hækkun á sjálfræðisaldri. Og svörin voru afskaplega loðin þegar ráðherra var á Alþingi spurður; hvenær koma barnakortin?
Meira

Fela ferða- og risnukostnað
Frá árinu 1983 hafa þær reglur gilt að birta í ríkisreikningi sundurliðaðan ferða- og risnukostnað skipt á einstakar ríkisstofnanir og ráðuneyti. Sú tilhögun hefur m.a. auðveldað þingmönnum eftirlitshlutverk sitt með framkvæmdavaldinu. Auk þess er ljóst að þetta fyrirkomulag veitti ríkisstofnunum og ráðuneytum aðhald. Svo bregður við að í nýlegum ríkisreikningi fyrir árið 1998 er skyndilega hætt að birta þessar upplýsingar. Þetta vekur tortryggni og kallar á svör.
Meira

U-beygja umhverfisráðherra
Ræða umhverfisráðherra á Alþingi í gær um Fljótsdalsvirkjun var samfelldur málflutningur gegn lögformlegu umhverfismati. Fróðlegt er í því sambandi að rifja upp ummæli ráðherrans í Mbl. í nóvember 1998 eða fyrir ári síðan. Á þeim tíma var Siv Friðleifsdóttir í framboði til embættis varaformanns Framsóknarflokksins. Orðrétt sagði Siv í Mbl. "Það er von mín að Landsvirkjun taki frumkvæði í því að láta umhverfisathuganir sínar fara í sama ferli og lögformlegt umhverfismat"
Meira

Úrskurður Kjaradóms- og kjaranefndar kostaði 480 milljónir
Samkvæmt gögnum og upplýsingum frá fjármálaráðuneytinu voru útgjöld ríkissjóðs á yfirstandandi ári 480 milljónir króna vegna úrskurða Kjaradóms og kjaranefndar fyrr á þessu ári. 112 einstaklingar taka laun samkvæmt úrskurði Kjaradóms og 800-900 einstaklingar samkvæmt úrskurði kjaranefndar eða samtals um 1000 manns. Það er fróðlegt að bera saman að fjárlög næsta árs gera ráð fyrir svipaðri upphæð eða 470 millj. króna vegna 3% hækkunar á lífeyri rúmlega 30 þúsund aldraðra og öryrkja.
Meira

Þjóðaratkvæðagreiðsla um umhverfismat
Fyrir Alþingi liggur frumvarp um að fimmtungur kosningabærra manna eða um 40 þúsund manns geti krafist þess að þjóðaratkvæðagreiðsla fari fram. Heimild til þjóðaratkvæðagreiðslu er víða að finna í grannlöndum okkar með þessari viðmiðun um þátttöku. Það er ekkert annað en að fótum troða lýðræðið ef stjórnvöld ætla að hunsa lögformlegt umhverfismat vegna Fljótsdalsvirkjunar ef í þeirri undirskriftasöfnun sem nú fer fram verður þátttakan yfir 40 þúsund manns. Það mun líka vissulega rýra álit Íslands á alþjóðavettvangi. Í ljósi mjög ríkrar alþjóðlegrar kröfu um umhverfisvernd geta háværar deilur um mjög umhverfismengandi virkjun og mikil náttúrupjöll skaðað ímynd þjóðarinnar útá við og haft áhrif á okkar framleiðslu- og útflutningsmöguleika. Á því ber ríkisstjórnin ein ábyrgð, því það er afstaða hennar sem hefur sundrað þjóðinni í þessu máli.
Meira

Ríkissjóður tapar 2 milljörðum
Samkvæmt skattframtölum einstaklinga árið 1999 vegna tekna á árinu 1998 námu framtaldar fjármagnstekjur 5.466 m.kr. . Stærsti hluti þess voru vextir af bankainnistæðum eða 3.179 m.kr., sem staðfestir að almennir sparifjáreigendur , en ekki stórir fjármagnseigendur greiða stærsta hluta fjármagnstekjuskattsins. Álagður fjármagnstekjuskattur árið 1999 nam 1.510 m.kr. Þetta kemur fram í svari fjármálaráðherra á Alþingi.
Meira

Erjur á stjórnarheimilinu
Jæja, þá er Framsóknarflokkurinn farinn að bíta frá sér. Kominn tími til hugsa margir, en Framsóknarflokkurinn hefur verið hækja íhaldsins í ríkisstjórn s.l. 5 ár. Á miðstjórnarfundi um s.l. helgi húðskömmuðu þeir Sjálfstæðisflokkinn. Viðskiptaráðherra, sem í 5 ár hefur staðið og setið eins og forsætisráðherra þóknast, fékk loksins kjarkinn, enda hrynur fylgið af Framsóknarflokknum. Hann sagði nánast að allt tal forsætisráðherra um nauðsyn dreifðrar eignaraðildar væri marklaust, enda hefði Davíð ekkert minnst á málið í ríkisstjórn. Og viðskiptaráðherra bætti um betur.
Meira

Fokið í flest skjól
Samfylkingin hefur oft spurt þeirrar spurningar á Alþingi í hverju málefnalegur munur Framsóknarflokksins og Sjálfstæðisflokksins fælist. Fátt hefur verið um svör hjá þingmönnum Framsóknarflokksins. Nú eru þingmenn Framsóknarflokksins sjálfir farnir að spyrja þessara spurningar. Greinilega er því fokið í flest skjól í stjórnarsamstarfi íhalds og framsóknar. Það er ekki skrítið þó fólk botni hvorki upp né niður í Framsóknarflokknum, þegar þingmenn flokksins vita ekki einu sinni fyrir hvað hann stendur. Lítum á málið
Meira

Þakkir til samfylkingafólks í Reykjavík
Sögulegar kosningar eru að baki - sögulegar vegna þess að jafnaðarmenn og félagshyggjufólk lét minn rætast - drauminn sem svo margir hafa reynt að raungera allan lýðveldistímann. Á okkur sem að Samfylkingunni stöndum hvílir nú sú ábyrgð, að fylgja þessum áfanga fast eftir og formfesta hið nýja stjórnmálaafl. Til þess tökum við þann tíma sem þarf. Þar þurfa allir að leggjast á eitt, fólkið í þeim flokkum og samtökum sem hlut eiga að máli í Samfylkingunni og allt það stuðningsfólk sem stendur utan flokka. Það er kominn tími til að Samfylkingin fái notið góðs af þeim möguleikum sem felast í lýðræðislega uppbyggðum samtökum, þar sem allir einstaklingar hafi jafnan rétt.
Meira

Maístjarnan sem skín
-Í upphafi máls míns gat ég þess að eldri kynslóðir lögðu grunn að velferðarsamfélaginu með baráttu sinni, sem byggðist á hugsjón jafnréttis, frelsis og bræðralags. Faglega börðust menn í verkalýðshreyfingu og pólitískt í stjórnmálasamtökum. Árum og áratugum saman var stjórnmálahreyfing okkar í brotum vegna sundrungar og innri klofnings, - en er okkur að takast að sameina jafnaðarmenn. Á þessa leið m.a. mæltist Jóhönnu Sigurðardóttur oddvita Samfylkingarinnar í Reykjavík í 1. Maíræðu sinni á Naustnu á laugardaginn...
Meira

Sjálfstæðisflokkurinn skilar auðu
Kosningabaráttan hefur hún snúist um stefnu Samfylkingarinnar, segir Jóhanna Sigurðardóttir í pistli sínu og hún segir að stefnunni og þeim lífsviðhorfum sem Samfylkingin boðar hafi verið tekið vel um allt land. Í kosningabaráttunni gegni öðru máli um keppinautinn, Sjálfstæðisflokk, þar sem formaðurinn hefur einna helst vakið athygli fyrir íhlutun í tjáningafrelsi einstaklings , engin kosningastefnuskrá hefur birst frá sjálfstæðismönnum þó aðeins sé um hálfur mánuður til kosninga.
Meira

Þreföld vaxtahækkun
Heldur hljóðlega hefur farið að lánskjör á leiguíbúðum hjá íbúðalánasjóði hafa rokið upp. Þannig munu vextir á þorra leiguíbúða sem úthlutað verður á þessu ári hækka úr 1% í ýmist 2.4% vexti eða 3.2% vexti. Vextir af leiguíbúðum munu því...
Meira

Í dag er draumur að rætast
Í dag er draumur að rætast,draumurinn um sameinaða hreyfingu þeirra sem aðhyllast jafnrétti, félagshyggju og kvenfrelsi. sagði Jóhanna Sigurðardóttir oddviti Samfylkingarinnar I Reykjavík m.a. er flutti ávarp við opnun nýrrar kosnignamiðstöðvar Samfylkingarinnar að Ármúla 23 í Reykjavík. - Þetta verður umbótasinnað stjórnmálafl sem sýnir festu og ábyrgð í efnahags- og umhverfismálum,- afl sem styrkir stoðir atvinnulífsins, og þá nýsköpun sem felst í aukinni þekkingu, hugviti og menntun og sem tekur mið af síbreytilegu umhverfi og þróun á alþjóðavettvangi, - en deilir jafnframt þjóðarkökunni af sanngirni til allra í anda jafnréttis og félagshyggju.
Meira

Mannréttindamál: Öryrkjar biðja um neyðaraðstoð
Hagur öryrkja hefur sífellt orðið betri segir hæstvirtur forsætisráðherra í skýrslu sinni. Og bætir um betur þegar hann segir kaupmátt bóta hafa aukist og þjónusta við öryrkja einnig. Þessi sýn ríkisstjórnarinnar á kjör öryrkja er hrein blekking og leikur með...
Meira

Hin nýja lífssýn sem við boðum
-Við eigum að auka samvinnu okkar við erlenda markaði og menningarsamfélög, - stuðla að opnu, alþjóðavænu og arðbæru samfélagi, sem býður þegnum sínum upp á möguleika til fagurs mannlífs. Við boðum nýja lífssýn -á grundvelli sígildrar jafnaðarstefnu - - Í raun og veru er mikill meirihluti Íslendinga í hjarta sínu jafnaðarmenn, sagði Jóhanna Sigurðardóttir m.a. í ræðu sinni á Alþingi í gær, þar sem stefið var hin nýja lífssýn.
Meira

Nauðungaruppboð eða greiðsluaðlögun
Á árunum 1991-1997 eignuðust Landsbankinn og Búnaðarbankinn 623 fasteignir á nauðungaruppboðum, þar af áttu einstaklingar 387 þessara eigna. Þetta kemur fram í svari viðskiptaráðherra til mín um ráðstöfun fasteigna í eigu Landsbanka Íslands og Búnaðarbanka Íslands.Verðmæti eignanna var rúmlega 5 milljarðar, þar af var verðmæti eigna einstaklinganna sem fóru í gjaldþrot tæplega 3 milljarðar en rúmir 2 milljarðar var verðmæti eigna fyrirtækja sem bankarnir eignuðust á nauðungaruppboðum.
Meira

Landsbyggðin: Skjótar úrbætur
Sú tillaga sem forsætisráðherra flytur rétt fyrir kosningar, eftir að hafa stjórnað á tímum góðæris með þá staðreynd á borðinu að undanfarin á hafa verið ár mestu byggðaröskunar síðan á eftirstríðsárunum, ber merki sýndarmennsku. Þó ýmsar tillögur í stefnumörkunni miði í rétta átt, vantar mikið á að brugðist sé við með nauðsynlegum aðgerðum, sem þegar væri hægt að hrinda í framkvæmd til að jafna lífskjörin og treysta búsetuskilyrði á landsbyggðinni. Raunhæfar tillögur til að ná skjótum árangri fylgja hér á eftir.
Meira

Þurfum þjóðarsátt um byggðamál
Mikilvægt að ná fram þjóðarsátt um aðgerðir sem ná að snúa við þróuninni í byggðamálum, enda má fullyrði að þjóðarvilji sé fyrir því að jafnvægi ríki í þróun byggðar í landinu. Stefnumótun á sviði byggðamála þarf því að endurspegla raunhæfar...
Meira

Hættuleg byggðaröskun
Búseta á sumum svæðum landsbyggðarinnar er nú í meiri hættu en áður hefur verið síðan á eftirstríðsárunum. Frá eftirstríðsárunum hefur nettó tap landsbyggðarinnar vegna búferlaflutninga til höfuðborgarsvæðisins aldrei verið meiri en síðustu þrjú árin. Nýlega birtar tölur um búferlaflutninga til höfuðborgarsvæðisins á fyrstu átta mánuðum ársins 1998 sýna að tap landsbyggðarinnar var þá orðið yfir eitt þúsund og fimmhundruð íbúar. Þannig stefnir í að árið 1998 verði fjórða árið í röð sem landsbyggðin býr við gífurlegt tap íbúa….
Meira

Ótrúleg misskipting
Í svari til mín frá fjármálaráðherra um hverjir séu helstu greiðendur á fjármagnstekjuskatti, sem birtist á Alþingi nú eftir helgi, kemur fram ótrúlega mikil misskipting. Þannig má lesa úr svarinu að 500 einstaklingar eða innan við 1% greiðenda fjármagnstekjuskatts eru með um 25% af uppgefnum fjármagnstekjum á skattframtölum. Skattskýrslur 56 greiðenda sýna að meðaltali 23 milljónir í fjármagnstekjur og flestir eru þeir með yfir 20 milljónir í árstekjur. Rúmlega 2254 einstaklingar í hjúskap eða sambúð eiga yfir 25 milljónir í nettóeign.
Meira

Sigur Samfylkingarinnar
Glæsilega þátttaka í prófkjöri Samfylkingarinnar í Reykjavík og Reykjanesi er fyrst og fremst sigur þessa nýja stjórnmálaafls í heild sinni og krafa um breytta stjórnarstefnu. Það er af og frá eins og stjórnarliðar og sumir fjölmiðlar reyna að halda fram við túlkun á niðurstöðunni að hún sé sigur ákveðins flokks, en ósigur annars eða að þetta hólf hafi unnið en ekki hitt...
Meira

Efasemdir um greiðslumat
Ekki verður annað séð en að nýtt greiðslumat, sem kynnt hefur verið, opni fyrir að 30-50% af heildarlaunum viðkomandi geti farið til greiðslu á húsnæðiskostnaði. Ástæða er til að minna á að á að þegar húsbréfakerfinu var komið á var greiðslumatið miðað við að 30% af launum gæti farið til greiðslu á húsnæðiskostnaði. Nokkrum vikum síðar var því hætt og lækkað niður í 18% , einfaldlega vegna þess að sérfræðingar töldu að fólk stæði aldrei undir svo háu mati….
Meira

Rekstrartap fyrirtækja
Í dag var lagt fram á Alþingi svar við fyrirspurn minni um ýmislegt sem lýtur að rekstrartapi fyrirtækja. Helstu niðurstöður eru þær að heildarrekstrartap í árslok 1995, var 87.110 m.kr og 83.459 m.kr. árið 1996...
Meira

Umhverfisvernd
Til þess að ná sátt á milli stóriðjuframkvæmda og náttúruverndarsjónarmiða þarf að fara fram gagngert endurmat á ýmsum þáttum er lúta að umhverfismati og mengunarmálum tengdum stóriðju og áhrifum hennar á náttúruna og aðra atvinnuvegi þjóðarinnar. Leggja þarf ekki síður þjóðhagslegt mat á áhrifin með tilliti til mengunar og náttúruspjalla en efnahagslegan ávinning stóriðjuframkvæmdanna……
Meira

Aðstaða sjónskertra barna
Brýnt er orðið að bæta aðstöðu sjónskertra barna á Íslandi. Sjónskert börn hafa um langan tíma búið við það að fá of litla aðstoð frá samfélaginu. Til dæmis er ekki greitt fyrir gleraugnakaup sjónskertra barna, nema í undantekningartilvikum. Fyrir Alþingi liggur nú frumvarp sem undirrituð hefur flutt ásamt fleirum sem bæta á réttarstöðu sjónskertra barna…
Meira

Miðhálendi Íslands: Eyðimörkin
Miðhálendi Íslands hefur verið kallað stærsta eyðimerkusvæði Evrópu. Þegar frumvarp um Þjóðlendur var til meðferðar á Alþingi flutti ég fyrir hönd stjórnarandstöðunnar tillögu um að þeir sem nýtt hafa land innan þjóðlendu sem afrétt fyrir búfénað eða haft þar önnur hefðbundin not sem afréttareign fylgja skulu sækja um leyfi til umhverfisráðherra fyrir áframhaldandi nýtingu. Áður en leyfið er útgefið átti að fara fram mat á umhverfisáhrifum fyrirhugaðrar nýtingar…
Meira

Langveik börn - knýjandi þörf úrbóta
Á s.l. Alþingi var samþykkt tillaga sem undirrituð flutti ásamt fleiri þingmönnum stjórnarandstöðu um að fela ríkisstjórninni að undirbúa heildstæða og samræmda stefnu í málefnum langveikra barna.Í því skyni átti nefnd með aðild þriggja ráðuneyta og samtaka langveikra barna að leggja mat á hvort þörf væri sérstakrar löggjafar um réttindi langveikra barna eða hvort fella eigi þennan hóp undir gildissvið laga um málefni fatlaðra…
Meira

Eftirlitsskylda Alþingis
,,Á Alþingi hef ég lagt fram frumvarp um að í lög verði sett að skylda allar opinberar stofnanir til að birta sundurliðað yfirlit í ársreikningum sínum yfir risnu- ferða- og bifreiðakostnað.Um er að ræða mikil útgjöld árlega fyrir skattgreiðendur eða um 3 milljarða árlega." Ekki þarf að fjölyrða um hversu mikilvægt er að Alþingi sinni aðhaldsskyldu sinni gagnvart framkvæmdavaldinu, - og slík lagasetning er bæði eðlileg og nauðsynleg, segir Jóhanna Sigurðardóttir í pistli sínum…
Meira

Aðstoð í veikindum barna
Aðstoð hins opinbera við foreldra veikra barna er ekki mikil hér á landi. Á Alþingi hef ég ásamt nokkrum öðrum þingmönnum stjórnarandstöðu lagt fram þingmál, sem kveður á um að tryggður verði betur réttur foreldra til launa í fjarveru úr vinnu vegna veikinda barna. Þegar gerður er samanburður á rétti foreldra vegna veikinda barna sinna á Norðurlöndum kemur í ljós að Ísland sker sig mjög úr. Þannig hafa foreldrar íslenskra barna nánast engan rétt samanborið við rétt foreldra annars staðar á Norðurlöndum….
Meira

Bið um fylgi til forystu
-Ég myndi taka því fagnandi ef kjósendur í komandi prófkjöri myndu veita mérbrautargengi til að leiða Samfylkinguna í Reykjavík fyrstu skrefin að sameiningu þeirra aðila sem að þessu nýja stjórnmálaafli standa. Þar á að ríkja jafnrétti og samheldni og þar á að vera rúm fyrir allar skoðanir að því markmiði sem nú sameinar okkur í eina öfluga liðssveit í komandi kosningum fyrir betra og réttlátara þjóðfélagi, segir Jóhanna Sigurðardóttir m.a. í pistli sínum um spennandi prófkjörsbaráttu í Reykjavík….
Meira

Tímamótaúrskurður - fordæmi
Niðurstaða kærunefndar jafnréttismála um að afgerandi munur sé á bifreiðastyrkjum til kynjanna innan Landsbankans og Búnaðarbankans hlýtur að hafa fordæmisgildi innan annarra ríkisstofnana. Full ástæða er til þess að í kjölfar þessa úrskurðar fari fram gagnger endurskoðun innan alls ríkiskerfisins á duldum greiðslum og fríðindum sem stuðlað hafa að launamisrétti kynjanna, en í upplýsingum sem ég fékk nýlega um bílastyrki og nefndarþóknanir innan B-hluta ríkisstofnana má líka álykta að um brot á jafnréttislögum sé þar einnig að ræða.
Meira