Köld kveðja til fátækra
Svar félagsmálaráðherra nú í vikunni um stöðu fátæks fólks á Íslandi var ótrúlegt. Raunar var það þyngra en tárum taki. Þetta var blaut tuska framan í fátækt fólk á Íslandi og köld kveðja nú í aðdraganda jólanna. Í hnotskurn má lýsa því þannig að félagsmálaráðherra hafi verið að segja við fátækt fólk að það geti bara étið það sem úti frýs.
Meira

Jólagjöfin til hátekju- og lágtekjufólks
Skattleysismörkin í almennum tekjuskatti hafi hækkað frá 1993-2003 úr 57.477 kr. á mánuði í 69.603 kr á mánuði eða um 21%, sem er langt undir því sem verðlag hefur hækkað um. Tekjumörkin í hátekjuskatti hafa hinsvegar hækkað úr 203.340 kr. á mánuði í 340.788 kr. eða um 68%, þannig að sífellt færri greiða hátekjuskatt. Á þessu tímabili hefur vísitala neysluverðs hækkað um 33 ½% en launavísitalan um 72%. Í skattalagabreytingum ríkisstjórnarinnar sem nú liggja fyrir Alþingi á persónuafslátturinn að hækka um 107 kr. á mánuði en skattalækkun til þeirra sem greiða hátekjuskatt er hátt í 3.000 krónur á mánuði.
Meira

Skattahækkanir stjórnarflokkanna
Skattahækkanir ríkisstjórnarinnar nú við lokaafgreiðslu fjárlaga uppá 3.8 milljarða króna birtast einkum í 900 milljón króna hækkun á stimpilgjaldi, sem áður var áformað að lækka og 1.100 milljón króna hækkun á áfengi og tóbaki sem hefur veruleg verðlagsáhrif og eykur skuldir heimilanna. Auk þess hækkar tryggingagjald milli ára um 3.7 milljarða, sem kemur sér afar illa fyrir lítil og meðalstór fyrirtæki. Af þessum 3.7 milljarða hækkun á tryggingagjaldi má rekja 1.800 milljónir króna til lagabreytingar sem stjórnarflokkarnir beittu sér fyrir til að eiga fyrir lækkun skatta á stórfyrirtæki, sem best hefur gagnast fjármálafyrirtækjum og tryggingafélögum. Þetta er köld kveðja frá Sjálfstæðisflokknum til skattalækkunarpostulanna þriggja, sem ýttu til hliðar í nýafstöðnu prófkjöri ágætum þingkonum sjálfstæðismanna. Þeir eru ekki öfundsverðir að taka sæti á þingi fyrir þennan skattahækkunarflokk, sem nú við fjárlagaafgreiðsluna er að svíkja fólk og fyrirtæki um lækkun á stimpilgjaldi. Gott væri líka að skattalækkunarpostularnir þrír kynntu sér hvernig flokkur þeirra hefur á undanförnum árum látið fólk með lágar og meðaltekjur greiða skattana fyrir auðmenn og stórfyrirtæki.
Meira

Atvinnulausir úti í kuldanum
Ríkisstjórnin hefur hlunnfarið atvinnulausa um nálægt 15 þúsund krónur á mánuði eða 180 þúsund krónur á ári með því að hætta að miða atvinnuleysisbætur við taxta almenns fiskvinnslufólks á árinu 1997. Þetta staðfesti félagsmálaráðherra á Alþingi í dag, en svarar því í engu hvort atvinnulausir fái sömu hækkun og aðrir lífeyrisþegar um áramótin. Margt bendir til þess að svo verði ekki því eina sem ráðherrann svaraði að hækkun til þeirra í samræmi við meðaltalslaunaþróun yrði skoðuð um áramótin. Fjárlög næsta árs munu því væntanlega ekki gera ráð fyrir neinni hækkun til atvinnulausra í samræmi við hækkun til lífeyrisþega. Ráðherrann hefur heldur enga skoðun á því hvort hætta eigi að skattleggja atvinnuleysisbætur eða að taka upp viðmið við launavísitölu í greiðslum atvinnulausra. Það er dapurlegt að svo skoðanalaus ráðherra og greinilega áhugalaus um málefni atvinnulausra skuli sitja í stóli félagsmálaráðherra. Ég hef beðið um utandagskrárumræðu um stöðu tekjulægstu hópanna í þjóðfélaginu, sem væntanlega mun fara fram í næstu viku.
Meira

Skattlaus þrátt fyrir 70 milljarða hagnað
Á s.l. 4 árum höfðu liðlega 2.000 fyrirtæki engan tekjuskatt þrátt fyrir 70 milljarða hagnað. Án yfirfæranlegs rekstrartaps hefðu þau átt að greiða tæpan 21 milljarð króna í tekjuskatt. Uppsafnað yfirfæranlegt rekstrartap fyrirtækja hækkaði frá ársbyrjun 2000 til ársloka 2001 úr 90 milljörðum í 173 milljarða króna eða nær tvöfaldaðist. Þetta kemur m.a. fram í svari fjármálaráðherra til mín á Alþingi í dag. Ríkisstjórnin ætlar enn að auka heimildir til nýtingar á rekstrartapi með frumvarpi sem nú liggur fyrir Alþingi. Þessi sama ríkisstjórn telur ekkert svigrúm vera til að lækka skatta á almennu launafólki eða lífeyrisþegum.
Meira

Ekki er allt gull sem glóir
Alþingiskosningar eru framundan. Ekki var því vonum seinna fyrir ríkisstjórnina að renna út einum kosningavíxli til lífeyrisþega og skila broti af því til baka sem haft hefur verið af öldruðum og öryrkjum í tíð þessarar ríkisstjórnar. Ríkisstjórnin hefur haft rúmar 7.000 kr. á mánuði af lífeyrisþegum með fulla tekjutryggingu frá árinu 1995. Þessi hópur sem er um helmingur lífeyrisþega fær aðeins 2/3 af 7.000 krónum til baka til baka þegar báðir áfangarnir eru komnir til framkvæmda á árinu 2004. Ríkisstjórnin ætlar svo næstu ríkisstjórn að finna fjármagn til að greiða a.mk. helminginn af þessum kosningavíxli sínum, en hækkun lífeyrisgreiðslna þegar áfangarnir tveir eru að fullu komnir til framkvæmda eru rúmlega 3 milljarðar króna. Það versta er þó að lífeyrisþegarnir þurfa að skila aftur 1200 milljónum til baka í formi skattgreiðslna á ári. Ríkisstjórnin hafnaði því líka að miða greiðslurnar við launavísitölu í framtíðinni eins og þó hefur verið krafa samtaka öryrkja og aldraðra. Spurningin er líka fá atvinnulausir sem lifa þurfa af 73 þúsund krónum á mánuði ekki samsvarandi hækkun?
Meira

Þakkir til stuðningsmanna
Að loknu prófkjöri Samfylkingarinnar í Reykjavík er mér efst í huga þakklæti til allra þeirra sem veittu mér brautargengi til að leiða annað Reykjavíkurkjördæmanna í komandi alþingiskosningum. Mér munu ávallt verða minnisstæðar þær góðu viðtökur sem ég hvarvetna fékk. Það gefur mér svo sannarlega aukinn kraft í þeirri baráttu sem fram undan er að finna þá trú sem fólk hefur á þeim málstað og áherslum sem ég stend fyrir.
Meira

Áskorun til jafnaðarmanna
Það er mörgum áhyggjuefni hversu mikil einstefna virðist hafa verið í stjórnmálaheiminum á Vesturlöndum undanfarin ár. Sú ofuráhersla sem lögð hefur verið á hagnað og gróða hefur mengað alla hugsjónabaráttu. Engu að síður er þörfin fyrir andleg verðmæti og félagslegt réttlæti hrópandi í þessum samfélögum. Það á einnig við um okkar íslenska velferðarþjóðfélag. Fjölmennir hópar hafa orðið útundan og þörfin á því að berjast fyrir jafnræði og réttindum þeirra er knýjandi.
Meira

Er maðkur í mysunni?
Á árunum 1992-2001 urðu rúmlega 3000 hlutafélög og einkahlutafélög gjaldþrota og 331 einstaklingar sem sátu í stjórn þessara félaga hafa setið í stjórnum þriggja eða fleiri þeirra. Af þessum 331 einstaklingi sátu 228 í stjórnum þriggja af þessum gjaldþrota félögum, 58 sátu í stjórnum fjögurra þeirra og 45 sátu í stjónrum fimm eða fleiri þessara félaga. Þessar upplýsingar koma fram í svari ráðherra Hagstofu Íslands við fyrirspurn minn um fjölda einstkalinga sem tengjast gjaldþrotum félaga. Þær eru athyglisverðar m.a. í ljósi svara félagsmálaráðherra við fyrirspurn minni um ábyrgðarsjóð launa, en þar kemur fram að greiðslur úr sjóðnum vegna gjaldþrota fyrirtækja hafa fjórfaldast frá árinu frá árinu 1998 og stefna á þessu ári í 600 milljónir.
Meira

Aðkeypt ráðgjafarþjónsta þenst út
Kaup ráðuneyta og ríkisstofnana á aðkeyptri ráðgjafarþjónustu hefur vaxið um tæp 47% á milli áranna 1999 og 2001 eða úr 2.004 milljörðum í 2.944 milljarða króna. Þetta kemur fram í svari fjármálaráðherra til mín á Alþingi í dag. Í sundurliðun sem birtist á þessum greiðslum koma fram háar fjárhæðir hjá sumum ráðuneytum sem kallar á skýringar. Ljóst er að ráðgjafarþjónusta ríkisins virðist þenjast stjórnlaust út. Miklu meira aðhalda verður að veita ráðuneytum og ríkisstofnunum í þessu efni og greinilegt að þarna væri hægt að spara verulegar fjárhæðir. Alþingi ber að knýja á um sparnað á þessu svið.
Meira

Á hjólum um alla borg
Stuðningsmenn mínir í prófkjöri Samfylkingarinnar í Reykjavík hafa útbúið nokkuð óhefðbundna kosningaskrifstofu – skrifstofu á hjólum. Þetta er nýlunda í prófkjörsbaráttu fyrir alþingiskosningar; sérstakur bíll hefur verið útbúinn sem skrifstofa. Bíllinn verður á ferð um Reykjavík fram að kosningum. Þar gefst mér og stuðningsmönnum mínum tækifæri til að hitta kjósendur, ræða málin og gefa upplýsingar um prófkjörið og baráttuna framundan.
Meira

Fjórföldun á greiðslum úr ábyrgðarsjóði launa
Áætlað er að heildargreiðslur úr ábyrgðarsjóði launa vegna gjaldþrota fyrirtækja verði 600 milljónir á þessu ári, en á s.l. voru þær 354 milljónir kr. Frá 1998 hafa greiðslur úr ábyrgðarsjóðnum rúmlega fjórfaldast. Fjöldi fyrirtækja sem úrskurðaður var gjaldþrota árið 1999 var 86. Á s.l. ári hafði sá fjöldi vel rúmlega tvöfaldast og var orðinn 209. M.v. fyrstu 9 mánuði þessa árs stefnir í enn meiri fjölda á þessu ári eða nálægt 230. Þessar upplýsingar koma fram í svari félagsmálaráðherra sem dreift var á Alþingi í dag.
Meira

Bætt staða skuldara
Ágreiningur hefur verið á undanförnum árum milli stjórnarflokkanna um að lögfesta innheimtulög, þar sem settar verði meginreglur um innheimtu til hagsbóta fyrir neytendur. Fullvíst má telja að meirihluti er fyrir málinu á Alþingi, en framsóknarmenn virðast ætla að láta íhaldið beygja sig í þessu máli eins og mörgum öðrum. Ásamt nokkrum öðrum þingmönnum Samfylkingarinnar hef ég nú flutt málið á Alþingi, en lögfesting þess mun tryggja mjög bætta innheimtuhætti og þar með hag skuldara. M.a. á að setja þak á innheimtukostnað lögmanna. Tvívegis hefur viðskiptaráðherra reynt að ná málinu fram á Alþingi, en sjálfstæðismenn ávallt stöðvað það.
Meira

Hagsmunaárekstrar í verðbréfaviðskiptum
Á Alþingi hef ég lagt fram fyrirspurn til viðskiptaráðherra um kvartanir vegna verðbréfaviðskipta. M.a. er spurt um hvort verðbréfasalar hafi orðið bótaskyldir vegna rangra upplýsinga um kaup og sölu í verðbréfaviðskiptum og hvort dæmi séu um að bankar hafi fallið frá kröfu um greiðslu á hlutabréfum vgna gylliboða verðbréfasala bankanna og óraunhæfra væntinga um hagnað. Athygli vakti frétt í fyrradag í sjónvarpinu þess efnis að saksóknar í Boston hefði höfðað mál gegn stærsta banka borgarinnar og krefst þess að aðskilinn verði rekstur greiningar bankans og önnur starfsemi vegna hagsmunaárekstra. Saksóknarinn krefst þess einnig að bankinn greiði háar fjársektir og segir að hann hafi fjárfesta að leiksoppi með villandi ráðgjöf og greiningu . Saksóknarar í 12 öðrum ríkjum reka nú hliðstæð mál.
Meira

Gífurleg skattatilfærsla frá auðmönnum á almenning
Oft og iðulega hef ég varað við skattstefnu núverandi stjórnarflokka sem hyglað hafa auðmönnum og stórfyrirtækjum á kostnað fólks með lágar- og meðaltekjur, lífeyrisþega og atvinnulausra og lítilla og meðalstórra fyrirtækja. Þær upplýsingar sem birtar voru opinberlega í gær um aukna skattbyrði fólks með lágar og meðaltekjur í tíð þessarar ríkisstjórnar staðfesta aðvörun okkar í Samfylkingunni um varasama stefnu stjórnvalda. Ljóst er að tekist verður á um skattamálin í komandi alþingiskosningum.
Meira

Ekkert að marka Davíð
Veruleg hætta er á að sala á tæplega 46% eignarhluta ríkisins til eins aðila geti leitt til enn meiri valdasamþjöppunar og einokunar á bankamarkaðnum. Aðilar sem eignast virkan eignarhlut í viðskiptabanka eiga samkvæmt lögum að leita samþykkis Fjármálaeftirlitsins fyrirfram. Fróðlegt verður að sjá þá niðurstöðu. Erlendur samanburður um fákeppni á bankamarkaði sem gerð var hjá 12 þjóðum sýndi að þegar í hlut áttu tveir stærstu bankarnir í hverju þessara landa, þá er Ísland í öðru sæti með næst mesta samþjöppunarhlutfall á bankamarkaðnum. Nú þegar nær helmingur Landsbankans er komin í eigu eins aðila og sama virðist vera að gerast með Búnaðarbankanna er ástæða til að rifja upp ummæli forsætisráðherra fyrir nokkrum árum.
Meira

Breytt skipan löggæslumála
Á Alþingi hef ég beitt mér fyrir því að þingmenn stjórnar- og stjórnarandstöðu sameinuðust um að flytja tillögu um úttekt á skipulagi löggæslumála og skilgreiningu á lágmarksþjónustu vegna löggæslu. Niðurstaðan er sú að þingmenn allra flokka nema Sjálfstæðisflokksins flytja málið. Tillagan sem unnin í samvinnu við stjórn Landssambands lögreglumanna gæti gjörbreytt skipulagi og framkvæmd lögreglumála í landinu nái hún fram að ganga.
Meira

Óviðunandi aðstæður heilaskaðaðra ungmenna
Allt að tuttugu ungmenni sem hloti hafa varanlega heilaskaða og mikla hreyfihömlun og þarfnast sérhæfðs hjúkrunarrýmis. Þetta unga fólk býr margt við óviðunandi aðstæður inná endurhæfingar- og öldrunardeildum. 270-300 milljónir kostar að leysa vanda þessa fólks. Þetta er m.a. það...
Meira

Krafa Öryrkjabandalagsins
Ein helsta krafa Öryrkjabandalagsins vegna Evrópuárs fatlaðra sem er á næsta ári er að lífeyrisgreiðslur verði a.m.k. færðar til samræmis við þróun almennrar launavísitölu. Útreikningar Þjóðhagsstofnunar sýna að grunnlífeyrir og tekjutrygging hefðu árið 2001 verið rúmum 7 þúsund krónum hærri á mánuði eða rúmum 84 þúsund krónum hærri á ári ef lífeyrisgreiðslur hefðu tekið mið að þeim breytingum sem orðið hafa á launavísitölunni á árabilinu 1995-2001. Ég hef ásamt nokkrum öðrum þingmönnum Samfylkingarinnar flutt frumvarp um að líeyrisgreiðslur verði færðar til samræmis við þróun launavísitölu. Óskað hefur verið eftir umræðum utan dagskrár við forsætisráðherra um aðgerðarleysi ríkisstjórnarinnar vegna Evrópuárs fatlaðra, en ríkisstjórnn hefur ekki svarað eins árs gömlu erindi Öryrkjabandalagsins um aðgerðir vegna Evrópuársins.
Meira

Úrskurðir kærunefndar jafnréttismála verði bindandi
Eftirlitsnefnd Sameinuðu þjóðanna sem fjallar um réttindi kvenna hefur gagnrýnt í nýlegri skýrslu sinni um Ísland, að niðurstöður kærunefndar jafnréttismála skuli ekki vera bindandi, sérstaklega þegar stjórnvöld eiga hlut að máli. Lagt er til í frumvarpi sem ég hef flutt ásamt öðrum þingmönnum Samfylkingarinnar að úrskurðir kærunefndar jafnréttismála verði bindandi gagnvart málsaðilum. Þessi breyting mun gefa kærnefndinni og niðurstöðu hennar mun meira vægi en nú og færir framkvæmd þessara mála nær því sem tíðkast á hinum Norðurlöndum.
Meira

Úttekt á umfangi fátæktar
Foræstisráðherra er falið að láta fara fram úttekt á umfangi, orsökum og afleiðingum fátæktar á Íslandi bæði félagslegar og fjárhagslegar með það að markmiði að leggja fram tillögur til úrbóta sem treysti öryggisnet velferðarkerfisins. Á Alþingi hef ég lagt til að þessi úttekt fari fram og verði unnin í nánu samráði við Samband íslenskra sveitarfélaga. Niðurstöður ásamt tillögum um aðgerðir til úrbóta skal leggja fyrir Alþingi á haustþingi 2003.
Meira

Skattfrelsi lágtekjufólks
Það er sannfæring mín að það sé vilji mikils meiri hluta þjóðarinnar að ná sátt um skattfrelsi lægstu launa og lífeyrisgreiðslna, sem og atvinnuleysisbóta og fjárhagsaðstoðar sveitarfélaga. Þetta er eitt af fyrstu málunum sem Samfylkingin leggur fram á yfirstandandi þingi.
11 þúsund einstaklingar og samskattaðir eru nú með tekjur á bilinu 782 þúsund til 1.100 þúsund krónur á ári samkvæmt upplýsingum embættis Ríkisskattstjóra.
Meira

Fáir auðmenn að eignast Ísland
Samkvæmt skattframtölum ársins 2002 voru 4500 einstaklingar og fjölskyldur með rúm 21.2 milljarða króna í fjármagnstekjur þ.m.t. söluhagnað af hlutabréfum. Rúmlega 2% af þessum fjölda eða 96 manns var með 53% af öllum þessum tekjum eða rúma 11.2 milljarða króna.
Að meðaltali hafði hver þessara einstaklinga 116 milljónir króna í fjármagnstekjur á árinu 2001, en tekjuskatts- og útsvarsstofn þeirra var að meðaltali 3.7 milljónir króna. Fjármagnstekjur þeirra fjölskyldna sem mest höfðu, en það voru 21 samskattaðir einstaklingar, var að meðaltali um 300 milljónir króna. Tekju- og útsvarsstofn þeirra var einungis 3.4 milljónir króna. Ýmislegt fleira kemur fram um þennan hóp í gögnum sem Ríkisskattstjóri vann að minni beiðni fyrir Samfylkinguna.
Meira

Bullið í ráðherranum
Full ástæða er til að láta Ríkisendurskoðun fara í saumana á dæmalausu bulli félagsmálaráðherrans um lága húsaleigu í Reykjavík. Þetta er ekki fyrsta sinn sem ráðherrann fer með endemis bull um stöðuna í húsnæðismálum, en Ríkisendurskoðun hefur áður þurft að reka ofaní ráðherrann rakalausan þvætting með tölur um húsnæðismál. Í þetta skipti er félagsmálaráðherra greinilega að fela gífurlega hækkun á vöxtum til leiguíbúða, sem hafa meira en fjórfaldast í ráðherratíð hans og leitt hefur til mikill hækkunar á verði leiguíbúða.
Meira

Baktjaldamakkið um bankana
Það er krafa Samfylkingarinnar að einkavæðingarferlið í bönkunum verði þegar í stað stöðvað, þar til Ríkisendurskoðun hefur lokið úttekt á störfum einkavæðingarnefndar.
Ásakanir Steingríms Ara Arasonar eru svo alvarlegar að það er hreinasta ósvífni að viðræðum sé haldið áfram um sölu á stórum hlut í Landsbankanum. Hagsmunir almennings eru svo stórir í þessu máli að viðskiptaráðherra ber skylda til að grípa í taumana. Ríkisstjórninni ber líka skylda til að endurmeta afstöðu sína til dreifðrar eignaraðildar, sem ætti að vera forsenda fyrir sölu bankanna.
Meira

270 milljón króna sparnaður
Fjöldi aldraðra sem bíður eftir varanlegri vistun á hjúkrunarheimilum, en er nú á Landsspítalanum eru 106 einstaklingar í s.l. mánuði. Meðalfjöldi allt árið er áætlaður 95-100 einstaklingar en það er aukning um 25% milli áranna 2001 og 2002. Meðalfjöldi aldraðra sem biðu á Landsspítalanum á síðasta ári eftir hjúkrunarrýmum voru 80 einstaklingar. Rekstrarkostnaður á Landsspítalanum fyrir þessa 106 einstaklinga kostar 270 milljónum meira á ári en ef þeir væru á hjúkrunarheimili. Ef þessir 106 öldruðu sem nú vistast á Landspítala fengju varanlega vistun á hjúkrunarheimili væri hægt að bjóða 70 öldruðum til viðbótar pláss á hjúkrunarheimili fyrir sömu fjárhæð. Þannig væri hægt að veita um 170-180 öldruðum pláss á hjúkrunarheimilum fyrir sömu fjárhæð og fer til reksturs þeirra 106 öldruðu einstaklinga sem nú eru á Landsspítala.
Meira

Yfirdráttarlánin hækka og hækka
Áfram halda yfirdráttarlán einstaklinga að aukast. Yfirdráttarlánin hækkuðu um rúma 15 milljarða króna eða úr tæpum 55 milljörðum í rúmlega 70 milljarða
króna á einu ári. Það er um 27% frá júlí 2001 til júlí 2002 eða um 1.250 m.kr. á hverjum mánuði. Af þessum lánum hirða bankarnir um 18% vexti í 3-4% verðbólgu. Það er líka athyglisvert að yfirdráttarlán einstaklinga það sem af er þessu ári aukast um svipaða fjárhæð og almenn lán til einstaklinga sem bera miklu lægri vexti. Skuldir heimilanna hafa aukist um 33 milljarða króna á 3 mánuðuðum.
Meira

Verðsprenging á leigumarkaði
Í fjölmiðlum hefur komið fram að húsaleiga sé of lág og verði að hækka svo fjárfestingar leigusala standi undir sér. Rætt er um að húsaleigu þurfi að miða við 1.000 krónur á fermetra fyrir minni íbúðir. Skýringuna á því hvers vegna fólki á leigumarkaðnum er boðið uppá þessu ofurkjör er hins vegar sleppt. Hún er sú að ríkisstjórnin hefur á stuttum tíma hækkað vexti á leiguíbúðum úr 1% í 4.5-4.9%. Það er nú að koma fram í okurverði á leiguíbúðum og lendir auðvitað á þeim sem síst skyldi láglaunafólki sem er ofurselt leigumarkaðnum.
Meira

Prófsteinn á heilbrigðisráðherra
Flest er hætt að koma á óvart í atlögu ríkisstjórnarinnar að heilbrigðiskerfinu, sem haft er í spennitreyju fjársveltis ár eftir ár. Samt trúði ég ekki mínum eigin eyrum þegar ég heyrði að með tveggja daga fyrirvara ætlaði ríkisstjórnin að loka deild fyrir 18 einstaklinga með alvarlega heilabilun. Þetta er ekkert annað en heimska, því ekki er það sparnaður. Hér er líka eins ómannúðlega að farið eins og hugsast getur. Hvaða tilgangi þjónar þetta? Engu er líkara en verið sé að búa í haginn fyrir einkavæðingu heilbrigðiskerfisins? Nei, svona grimmilegar aðgerðir gagnvart fársjúku fólki er ekki hægt að líða. Heilbrigðisráðherra verður þegar í stað að stöðva þessa ósvinnu. Þetta mál er svo sannarlega prófsteinn á heilbrigðisráðherra og getu hans til að stöðva ósvífnar og afspyrnu heimskulegar árásir á sjúklinga og aðstandendur þeirra, sem engu mun skila í sparnaði.
Meira

Samþjöppun á fjármagnsgróðanum
Samanburður á skattframtölum 2001 og 2002 sýnir verulega breytingu milli ára á söluhagnaði af hlutabréfum. Þannig hefur fjöldi fjölskyldna sem fengið hefur hagnað af sölu hlutabréfa fækkað úr 11.350 í 4.503 eða um tæplega 7.000 fjölskyldur sem er um 60% fækkun. Þrátt fyrir það hefur hagnaður af sölu hlutabréfa aukist úr 11.646 m.kr. í 16.005 eða tæplega 4.400 m.kr. sem er rúmlega 37% aukning milli ára. Ástæða er til að ætla að þetta endurspegli þá samþjöppun á valdi og fjármagni sem fer vaxandi í þjóðfélaginu. Þessi samþjöppun á fjármagnsgróðanum kallar á nánari skoðun, en Samfylkingin hefur óskað eftir að Ríkisskattstjóri leiti skýringa á þessum breytingum milli ára.
Meira

Skattakrumla ríkisstjórnarinnar
Það er vonlaust fyrir fjármálaráðherra að neita að skattbyrði hafi aukist á einstaklinga á undanförnum árum. Þessi ríkisstjórn hefur aukið verulega skattbyrði einstaklinga í valdatíð sinni. Á fyrsta heila ári valdaferils ríkisstjórnarinnar var tekjuskattur alls 19.95% af skattskyldum tekjum einstaklinga. Við álagningu nú á árinu 2002 vegna tekna 2001 kemur í ljós að tekjuskattur alls er 23.93% af skattskyldum tekjum einstaklinga. M.ö.o hlutur hins opinbera í skattskyldum tekjum einstaklinga hefur aukist um fimmtung eða tæp 20%. Ef einnig er litið til skerðinga á vaxta- og barnabótum hefur skattbyrðin aukist enn meira.Þar að auki hefðu skattleysismörk verið ríflega 400 þúsund krónum hærri eða 34 þúsund á mánuði ef þau hefðu fylgt launabreytingum frá 1995-2001.
Meira

Tifandi tímasprengja
Nái Búnaðarbankinn og fimmmenningarnar að klófesta SPRON verður það upphafið að endalokum sparisjóðanna í landinu. Bankarisarnir þrír munu þá á stuttum tíma kokgleypa alla sparisjóðina með þeim afleiðingum að samþjöppun og fákeppni á bankamarkaðnum mun aukast, sem enn mun fita peningaöflin í landinu á kostnað almennings. Við slíkar aðstæður ber viðskiptaráðherra sem er yfirmaður bankamála í landinu skylda til að grípa tafarlaust í taumana. Ábyrgð ráðherrans er mikil ef hún bregst ekki við og yfirtökutilboð Búnaðarbankans nær fram að ganga. Það er líka prófsteinn á stöðu Fjármálaeftirlitsins hvort fimmmenningarnir verði látnir komast upp með að hunsa skýrt og afdráttarlaust álit eftirlitsstofnunar sem lögum samkvæmt hefur þær skyldur að sjá til þess að fjármálastofnunar starfi í samræmi við lög og reglur og fylgi eðlilegum og heilbrigðum viðskiptaháttum.
Meira

34 milljarða króna skattsvik?
Áætlað er að undandráttur frá skatti sé um 5% af landsframleiðslu eða um
34 milljarðar króna miðað við landsframleiðslu ársins 2002. Á síðasta Alþingi
var samþykkt tillaga Samfylkingarinnar, sem ég beitti mér fyrir, um úttekt á umfangi skattsvika og dulinni efnahagsstarfsemi. Leggja á mat á hvernig þau hafi þróast frá árinu 1993 eftir skatttegundum, atvinnugreinum, landssvæðum og í samanburði við aðrar þjóðir og hvert tekjutap ríkis og sveitarfélaga hafi verið af þessum sökum.
Meira

Valdabrölt og gylliboð
Valdabröltið sem nú á sér staða í fjármálaheiminum er afar ógeðfellt. Fimm stofnfjáreigendur fara í það verk að fá aðra stofnfjáreignedur með gylliboðum til að færa Búnaðarbankanum SPRON á silfurfati. Fyrir það viðvik fá þeir svo 5-7 milljónir hver sem gerir málflutning þeirra afar ótrúverðugan og er dæmi um fjármálalega spillingu. Í ljósi þeirrar tilraunar sem nú fer fram um misbeitingu á lögunum þarf að skoða hvort ekki sé rétt að fresta gildistöku laganna og takmarka vald stofnfjárfestanna sem er í engu samræmi við eign þeirra í sparisjóðunum. Jafnframt ætti að skylda sparisjóðina til að opna fyrir þann möguleika að fjölga nýjum stofnfjáreigendum um tiltekinn tíma fyrir almenning áður en sparisjóðunum verður breytt í hlutafélög.
Meira

Þjónkun við stjórnvöld
Það á ekki að líðast að utanríkisráðuneytið og dómsmálaráðuneytið komist upp með að banna lögregluyfirvöldum að gefa upplýsingar að ósk allsherjarnefnd Alþingis um mjög umdeildar aðgerðir yfirvalda vegna heimsóknar forseta Kína. Slíkt gengur á skjön við þrígreiningu valds og er fullkomið virðingarleysi fyrir löggjafarþinginu og sjálfstæði þess. Ekki síst er málið alvarlegt í ljósi ummæla forsætisráðherra sem klínir því kinnroðalaust á lögregluyfirvöld að bera ábyrgð á að fylgjendum Falun Gong var meinuð landganga á Íslandi.
Meira

Býð mig fram til forystu
Sóknarfæri Samfylkingarinnar eru mörg í komandi alþingiskosningum. Flokkurinn hefur alla burði til að halda stöðu sinni sem næst stærsta stjórnmálaaflið í landinu og forystuafl í næstu ríkisstjórn. Undir forystu Össurar Skarphéðinssonar hefur Samfylkingin styrkst sem flokkur vinstra megin við miðju í íslenskum stjórnmálum. Flokkurinn hefur skýra framtíðarsýn sem byggir á jöfnuðu, lýðræði og ábyrgð. Undirstöður þess er traust velferðarkerfi og afkomutrygging, sanngjarnt skattkerfi, kröftug menntastefnu og framsýn og ábyrg atvinnu- og efnahagsstefna. Í næstu alþingiskosningum mun ég sækjast eftir stuðningi í fyrsta sæti á lista Samfylkingarinnar í Reykjavíkurkjördæmi syðra. Mikilvægt er að flokkurinn standi þannig að málum að sem flestir liðsmenn Samfylkingarinnar fái tækifæri til að velja á framboðslista.
Meira

Sár og reið
Stjórnvöld hafa auðmýkt íslenska þjóð með aðgerðum sínum gegn Falon Gong. Íslendingar skammast sín fyrir óskiljanlegt framferði ráðamanna í garð fólks sem komið er hingað til lands til að mótmæla mannréttindabrotum. Aðgerðir ráðamanna minna á aðgerðir einræðisríkja, þar sem fyrirskipanir eru gefnar sem ganga gegn réttlætis- og lýðræðisvitund fólksins. Stjórnvöld sitja uppi með skömmina. Þjóðin er bæði sár og reið. Á Ísland hefur fallið blettur, því Ísland er þjóð sem hefur verið í forystusveit þjóða á alþjóðavettvang, sem berjast fyrir lýðræði og mannréttindum í heiminum. Það góða sem af þessu leiðir er að bæði innanlands og utan, er vakin mun meiri athygli en ella hefði orðið á mannréttindabrotum í Kína. Mótmælin verða fjölmenn.
Meira

Heimska eða undirlægjuháttur
Undirlægjuháttur stjórnvalda vegna komu kínverska forsetans til Íslands er óþolandi. Með þessu eru íslensk stjórnvöld að taka sér stöðu gegn friðsömu mótmælendum, sem beittir hafa verið ofsóknum og kúgun, settir í þrælkun og fangelsi og jafnvel drepnir án dóms og laga af einræðisstjórn sem ekki virðir lágmarksmannréttindi þegna sinna. Íslensk stjórnvöld eru á algjörum villigötum með því að meina friðsömum mótmælendum að koma til landsins og gerast með því þátttakendur í skoðanakúgun og mannréttindabrotum kínverskra stjórnvalda. Þjóðin á heimtingu á því að stjórnvöld láti þegar í stað af áformum sínum. Skýringin sem stjórnvöld gefa þjóðinni á ákvörðunni sinni um allsherjarreglu er ekki boðleg. Hið rétta er að annaðhvort eru stjórnvöld að knékrjúpa fyrir kínverskum stjórnvöldum eða að breiða yfir hversu fámennt lögregluliðið er hér á landi.
Meira

Burt með skatta af barnabílstólum
Ríkisvaldið á að ganga alla leið og fella ekki bara niður tolla af barnabílstólum heldur á einnig að fella af þeim virðisaukaskatt. Um það reyndi ég að ná samstöðu í efnahags- og viðskiptanefnd á lokadögum þingsins í vor, en án árangurs. Fjölskylduráð sem á að vera stjórnvöldum til ráðuneytisins um málefni sem snerta fjölskylduna hafði m.a. lagt til við nefndina að 24.5% virðisaukaskattur af bílstólum yrði felldur niður. Auk þess vakti Umferðaráð athygli nefndarinnar á því að á árinu 2001 hefði athugun ráðsins leitt í ljós að aðeins 72% leikskólabarna væru í barnabílstólum við komu í skólann. Samkvæmt upplýsingum fjármálaráðuneytisins, sem lagðist gegn því að fella niður virðisaukaskatt af barnabílastólum, kostar það ríkissjóð einungis um 1 ½ milljón á ári.
Meira

Sókn Samfylkingarinnar
Sveitastjórnarkosningar staðfesta að Samfylkingin hefur sterka stöðu, enda vannst afgerandi og góður sigur í mörgum sveitafélögum. Víða má nefna dæmi sem staðfesta sókn Samfylkingarinnar, en flokkurinn fékk yfir 30% fylgi þar sem hann bauð fram undir eigin merki. Þar stendur uppúr sögulegur sigur í Hafnarfirði, þar sem Samfylkingin náði meirihluta og frábær útkoma í Árborg. Niðurstaða sveitastjórnarkosninganna endurspeglar því sterka og trausta stöðu Samfylkingarinnar, sem forystuafl vinstramegin við miðjun íslenskra stjórnmála.
Það er afar gott veganesti í aðdraganda alþingiskosninga.
Meira

Tvískinnungur sjálfstæðismanna
Það er eftirtektavert hvað börn, öryrkjar, aldraðir og lágtekjufólk verða allt í einu í miklu uppáhaldi hjá Sjálfstæðismönnum rétt fyrir kosningar. Þetta eru þó hóparnir sem þeir gleyma alltaf á milli kosninga og þeim er gjarnt að seilast í vasann hjá til að eiga meira til skiptanna til þeirra betur settu. Og þeir bregða ekki út af vananum nú.
Meira

Upphlaup Björns og Geirs
Upphlaup fjármálaráðherra vegna viljayfirlýsingar heilbrigðisráðherra um byggingu hjúkrunarrýma fyrir aldraðra í Reykjavík á næstu árum er með ólíkindum. Björn Bjarnason bætir þar um betur, þegar hann kallar heilbrigðisráðherra, sem í einlægni vill beita sér fyrir uppbyggingu hjúkrunarrýma,pólitískt vandræðabarn í ríkisstjórninni. Ekki verður annað ráðið af þessum ummælum Geirs og Björns að ekkert sé að marka stefnuskrá Sjálfstæðismanna í Reykjavík um uppbyggingu hjúkrunarrýma fyrir aldraða á næsta kjörtímabili.
Meira

Aukinn veikindaréttur foreldra
Heildarfjöldi fatlaðra og langveikra barna 0-17 ára með umönnunarmat frá Tryggingastofnun hefur aukist um rúmlega 50% s.l. 5 ár eða úr 2.233 börnum í 3.399 börn. Það eru 4.5% barna á þessum aldri. Um 70% þessara barna koma af höfuðborgarsvæðinu og um 30% af landsbyggðinni. Það er ekki síst brýnt réttlætismál fyrir þennan hóp barna og aðstandenda þeirra að auka rétt forelda vegna veikinda barna, en Alþingi samþykkti á lokadegi þingsins að svo skuli gert. Niðurstöður á að leggja fyrir Alþingi á komandi haustþingi.
Meira

Lögbrot í fjármálaráðuneytinu
Með bréfi dags. 30. apríl s.l. vakti efnahags- og viðskiptanefnd Alþingis athygli fjármálaráðherra á að ákvæði reglugerðar sem sett var í haust á grundvelli laga um skipan opinberra framkvæmda stæðist ekki lög. Gildissvið laganna varðandi viðhaldsframkvæmdir hafi með reglugerð verið þrengt svo mjög að það gangi gegn ákvæðum laga um opinberar framkvæmdir. Viðhaldsframkvæmdir sem ráðuneytið vill með þessu undanskilja ákvæðum laga um skipan opinberra framkvæmda geta árlega skipt hundruðum milljóna króna. Nefndin beindi því til ráðuneytisins að ráða þegar í stað bót á þessu. Á meðan lögum er ekki breytt ber ráðuneytinu skilyrðistlaust að fara með framkvæmd viðhaldsverkefna í samræmi við ákvæði laga um skipan opinberra framkvæmda.
Meira

Fátæktin og forsætisráðherra
Það er köld kveðja til fátæks fólks á Íslandi að forsætisráðherra neiti að horfast í augu við vaxandi fátækt og vill ekki ræða málið á Alþingi. Brýnt er að heildarendurskoðun fari fram á öryggisneti velferðarkerfisins í samráði við sveitarfélögin og verkalýðshreyfinguna. Það á að vera forgangsverkefni.
Meira

Skuldir umfram eignir
Skuldir voru 60 milljörðum hærri en eignir hjá rúmlega 26 þúsund einstaklingum, hjónum og sambúðarfólki samkvæmt upplýsingum frá Ríkisskattstjóraembættinu
Þannig skulduðu rúmlega 17 þúsund einstaklingar 29 milljarða króna meira en þeir áttu og 9000 samskattaðir voru með 31 milljarð í skuldir umfram eignir. Skuldastaða einhleyps ungs fólks milli 20-30 ára hefur meira en tvöfaldast á tímabilinu 1997-2000.
Meira

Dýr reiðiköst
Reiðiköst forsætisráðherra geta verið dýr. Þannig verður a.m.k. 50-100 milljónum dýrara að leggja niður Þjóðhagsstofnun en að reka hana. Engin hagfræðileg eða fagleg rök er hægt að sjá fyrir því að leggja niður stofnunina. Þvert á móti er hætta á að greining á stöðu og efnhagsspá lúti pólitískri forsjá, ef þjóðhagsspá á að flytja í fjármálaráðuneytið. Kjarni málsins er líka sá að það þarf að vera til sjálfstæð efnahagsstofnun til að veita hagstjórnaraðilum, eins og Seðlabanka og fjármálaráðuneytinu aðhald. Það er vissulega áhyggjuefni hve oft þingmenn Framsóknarflokksins leka niður og druslast með Sjálfstæðisflokknum í málum sem þeir hafa verið andsnúnir.
Meira

Samkeppnisstofnun hunsuð
Tilraunir ráðherra Framsóknarflokksins á þessu kjörtímabili til að koma á löggjöf um innheimtuaðgerðir, sem tryggja eiga hag skuldara m.a. til að draga úr óeðlilegum kostnaði við innheimtuaðgerðir virðast stranda á afstöðu Sjálfstæðisflokksins. Viðskiptaráðherra lætur það viðgangast að afstaða Samkeppnisstofnunar frá 1997 sem taldi úrbóta þörf í málinu sé hunsuð.
Meira

Brást embættisskyldu
Iðnaðarráðherra er í vondum málum. Ráðherranum var greint frá því í síðustu viku febrúar að allt útlit væri fyrir að Norsk Hydro myndi ekki standa við tímasetningar vegna Reyðarálsverkefnisins. Vitneskja hennar um málið allan þennan tíma skýrir hversu linkulega ráðherrann tók á ósannsögli stjórnarformanns Reyðaráls aðspurð um það mál í fréttum. Ráðherrann skuldar Alþingi líka skýringu á því hvers vegna hún gekk ekki strax eftir svörum frá forstjóra fyrirtækisins um tímaáætlun verkefnisins. Það er líka grafalvarlegt að ráðherra skuli hafa leynt Alþingi upplýsingum um málið. Á nokkrum þingum hef ég flutt frumvarp sem felur í sér að það varði við lög um ráðherraábyrgð ef að á Alþingi ráðherra leynir upplýsingum sem hafa verulega þýðingu við meðferð máls.
Meira

130 milljarðar í yfirdráttarlán
Yfirdráttarlán heimila og fyrirtækja hafa aukist á tveimur árum úr 80 milljörðum króna í árslok 1999 í 130 milljarða í árslok 2001 eða um 63%. Heimilin hafa á þessum tíma aukið yfirdráttarlán sín úr 38 milljörðum króna í 59 milljarða króna eða um 55%. Fyrirtækin höfðu aukið yfirdráttarlán sín úr 42 milljörðum króna í árslok 1999 í 70 milljarða eða um 66%. Þetta er skelfileg þróun með tilliti til þess að hér er um að ræða ein dýrustu lán á markaðnum, sem bera um 20% vexti. Fjöldi heimila virðast lent í vítahring og hreinlega vera í gíslingu hjá bankakerfinu.
Meira

Himinn og haf
Forsætisráðherra er greinilega í hinum mesta vanda með að átta sig á því hvernig hann eigi að bregðast við auknum áhuga þjóðarinnar á að vilja vita hvað í boði er með því að sækja um aðild að Evrópusambandinu. Hann finnur Evrópusambandsaðild allt til foráttu og kallar þá algjörlega óábyrg menn sem telja aðildina jákvæða fyrir efnahags- og atvinnulífið? Þar hittir hann ekki bara fyrir Össur Skarphéðinsson, heldur einnig sjálfan utanríkisráðherrann í sinni eigin ríkisstjórn.
Meira

Ráðslag ráðherrans
Það mætti halda að samgönguráðherra væri ekki í neinum veruleikatengslum. Hvernig dettur manninum í hug að tvöfalda laun stjórnarmanna Símans í kjölfar þess sem á undan er gengið. Þessi ákvörðun mun hafa fordæmisgildi og leiða til keðjuverkandi launahækkana stjórna og stjórnenda bæði hjá ríkisfyrirtækjum og á almenna markaðnum. Ráðherrann sýnir einnig algjört dómgreindarleysi að tvöfalda stjórnarlaunin á sama tíma og allir eru á bremsunni að halda niðri launum og verðlagi til að koma í veg fyrir verðbólguhækkanir og uppnám á vinnumarkaðnum. Það er líka hroki og rakinn dónaskapur hjá ráðherranum að neita litlum hlutahöfum Símans um skýringu á hækkun stjórnarlauna eins og gerðist á aðalfundi fyrirtækisins í gær. Formaður þingflokks framsóknarmanna hefur gagnrýnt mjög þessa ákvörðun, en formaðurinn verður að gera sér grein fyrir því að Sturla starfar sem ráðherra m.a. í skjóli hans og fyrir atbeina og stuðning Framsóknarflokksins.
Meira

Er 2 1/2% vaxtahækkun framunda?
2 ½ prósent vaxtahækkun gæti þurft að koma til síðar á þessu ári, ef verðbólgumarkmið
Seðlabankans á að halda og ríkisstjórnin hyggst ekki grípa til neinna aðgerða í ríkisfjármálum vegna Noral verkefnisins. Þetta má lesa útúr svari forsætisráðherra til mín á Alþingi um mótvægisaðgerðir vegna efnahgslegra áhrif að Kárahnjúka- og álversframkvæmdum.
Ríkisstjórnin verður að gera Alþingi grein fyrir til hvaða aðgerða hún hyggst grípa til að koma í veg fyrir þessar miklu vaxtahækkun, sem veruleg áhrif getur haft á næstu árum á vaxtabyrði heimila og fyrirtækja.
Meira

Vaxtahækkun vegna virkjanaframkvæmda
Forsætisráðherra hefur ekki enn svarað fyrirspurn minni um mótvægisaðgerðir vegna efnahagslegra áhrifa Noral-verkefnisins. Þar er m.a. spurt um mat Seðlabanka á því hvaða áhrif Noral-verkefnið hafi á innlenda vexti. Á fundi efnahags- og viðskiptanefndar s.l. fimmtudag kom fram að í svari Seðlabanka til forsætisráðherra við þessari fyrirspurn minni kæmi fram að vextir þyrfti þegar í sumar að hækka ef ráðist verði í framkvæmdir við Kárahnjúkavirkjun og álver á Reyðarfirði. Vaxtahækkunin þarf að vera á bilinu 2-2 ½%.
Meira

Launakjör stjórnenda Símans
Laun og þóknanir til stjórnar, forstjóra og framkvæmdastjóra Landssíma Íslands námu samtals 61 milljón króna á árinu 2000. Áætla má að hlutur stjórnar Símans í þeirri fjárhæð sé um 10% eða um 6 milljónir króna. Sex stjórnendur Símans höfðu því að meðaltali rúmar 9 milljónir hver í árslaun. Hækkun á launum stjórnenda og þóknun stjórnar var rúmlega 30% milli áranna 1998-2000 að báðum árum meðtöldum en á sama tíma hækkuðu laun um 24.5%.
Meira

Hagsmunaárekstrar og innherjaviðskipti
Fulltrúar Samfylkingarinnar í efnahags- og viðskiptanefnd hafa ítrekað varað við losaralegum og veikum ákvæðum í löggjöf um innherjaviðskipti og meðferð trúnaðarupplýsinga. Þessi veikleiki kemur fram í niðurstöðu Ríkislögreglustjóra sem hreinsaði Búnaðarbankann af meintum innherjaviðskiptum. Líka í meintum óeðlilegt fruminnherjaviðskiptum tíu stjórnenda Kaupþings fyrir hálfan milljarð króna rétt áður en fyrirtækið festi kaup á sænska verðbréfafyrirtækinu Aragon. Það mál hefur fengið furðurlega meðferð á Verðbréfaþingi. Í svari viðskiptaráðherra til mín um mál stjórnenda Kaupþings finnst ráðherra greinilega ekkert óeðlilegt við afgreiðslu Verðbréfaþings á málinu.
Meira

Geðþóttalög ráðherrans
Samgönguráðherra neitaði að gefa mér upplýsingar sem ég kallaði eftir um starfslokasamninga hjá Landssímanum. Rök ráðherrans sem fram komu í skriflegu svari voru að öll stjórnsýslutengsl hafi rofnað milli ráðuneytisins og félagsins þegar Símanum var breytt í hlutafélag. Þessi rök eiga greinilega ekki við þegar ráðherranum hentar að taka samninga útúr fyrirtæki og framhjá stjórn Símans, eins og ráðningarsamninga við forstjóra eða ráðgjafarsamning við stjórnarformanninn.
Meira

Starfslokasamningar og geðþóttaákvarðanir
285 starfslokasamningar hafa verið gerðir á vegum einstakra ráðuneyta á árunum 1995-2002.
77 þeirra fela í sér greiðslur umfram það sem kveðið er á um í lögum um starfsmenn ríkisins eða kjarasamningum. Átta ráðuneyti hafa gert 23 starfslokasamningar við einstkalinga sem teljast gegna stöðu yfirmanna eða stjórnenda. Dæmi eru um allt að þriggja ára starfslokasamninga. Þetta kemur fram í svari forsætisráðherra við fyrirspurn minni á Alþingi.
Meira

Þingforsetinn og þingræðið
Það er orðið mjög alvarlegt og ógnar þingræðinu hvernig ráðherrar misbjóða þinginu og lítilsvirða. Valdhroki og yfirlæti einkennir öll samskipti þeirra við þingið og þingmenn. Nota þeir þingið eins og hverja aðra fótþurrku. Umhugsunarvert er hve forseti þingsins lætur þetta átölulaust og virðist fremur líta á það sem verkefni sitt að þjóna ráðherrum, fremur en að standa vörð um rétt þingmanna.
Meira

850 milljónir í óinnleystum húsbréfum
Alls eru 2.204 húsbréf óinnleyst og er innnlausnarverð þeirra samtals tæpar 850 milljónir króna á verðlagi í janúar 2002. Eigendur þessara húsbréf hafa tapað í vöxtum frá þeim degin sem húsbréfin voru dregin út samtals sem svarar 55 milljónum króna, en húsbréfin bera ekki vexti frá útdráttardegi. Þetta kemur fram í svari félagsmálaráðherra á Alþingi við fyrirspurn minni um útdrátt og endurgreiðslu húsbréfa.
Meira

Mótvægisaðgerðir ríkisstjórnarinnar
Það stendur uppá ríkisstjórnin nú að gera þjóðinni grein fyrir þeim mótvægisaðgerðum sem hún ætlar að grípa til í efnahagsmálum, til að koma í veg fyrir þennslu, aukna verðbólgu og hækkun vaxta verði ráðist í Kárahnjúkavirkjun eða bygginu álvers á Austurlandi. Kallað hefur verið eftir þeim aðgerðum á Alþingi með fyrirspurn til forsætisráðherra.
Meira

Ofurkjör stjórnenda uppá borðið
Óþolandi er að opinberar stofnanir sem eru í meirihluta ríkisins taki sér vald til að gera sérsamningi um kjör og fríðindi við einstaka aðila sem eru úr öllu samhengi við það sem gerist hjá hinu opinbera. Í síðustu viku óskað ég svar frá samgönguráðherra um ýmislegt sem snertir starfskjör og fríðindi fyrrverandi forstjóra Landssímans. Baksvið þessa samnings og innihald verður að koma fram í dagsljósið, sem og aðrir ráðningarsamningar á sérkjörum sem gerðir hafa verið við stjórnendur Landssímans. . Forsætisráðherra hefur líka verið krafinn um upplýsingar um hvort sambærilegir ráðningarsamningar liggi fyrir hjá öðrum opinberum stofnunum og hvort hann telji að setja eigi samræmdar reglur um starfslokasamninga.
Meira

Bólusetning gegn barnasjúkdómum
Í langan tíma hefur verið mikil umræða í Bretlandi um að aukningu á einhverfu megi
rekja til fyrirkomulags á bólusetningu gegn barnasjúkdómum. Sérkennilegt er
að engin umræða hafi verið um þetta mál hér á landi. Nú hef ég lagt fram tvær
fyrirspurnir þessu tengdar annars vegar til heilbrigðisráðherra um fyrirkomulag
bólusetningar hér á landi gegn barnasjúkdómum og hins vegar til félagsmálaráðherra um hve margir hafi greinst með einhverfu á ári s.l. áratug, hver sé skýring Greiningarstöðvar ríkisins á fjölgun tilvika, ef sú er raunin, og hvort ástæða sé til sérstakra viðbragða eða aðgerða.
Meira

Risarnir í rannsókn
Ríkisstjórninni ber skylda til að láta hraða þeirri rannsókn sem nú er í gangi hjá Samkeppnisstofnun þar sem verið er að rannsaka hvort fákeppni, hegðun og háttsemi á matvörumarkaðnum brjóti gegn samkeppnislögum. Ef fjárskortur tefur rannsóknina á að setja tafarlaust í það aukið fjármagn.
Vaxandi fákeppni á matvælamarkaðnum þar sem 2/3 hluti smásölumarkaðarins eru nú á hendi tveggja fyrirtækja á tvímælalaust verulegan þátt í himinháu matarverði. Það gengur ekki lengur að matvælarisarnir og milliliðirnir blóðmjólki neytendur. Full ástæða er líka til að vara verklýðshreyfinguna við því að opinberir aðilar og aðrir muni reyna að spila á vísitöluna og frysta hækkanir þar til hættan á uppsögn kjarasamninga er liðin hjá í maí mánuði n.k.
Meira

Ríkisstjórnin rassskellt
Sama dag og aðilar vinnumarkaðarins gerðu með sér samkomulag um frestun á uppsögn kjarasamninga í desembermánuði s.l. var ríkisstjórnin að keyra í gegn allskonar gjaldtökur og hækkanir á sjúklinga, námsmenn o.fl. Forsendur samkomulagsins voru þó þær að verðbólgan lækkaði verulega og að ákveðin verðlagsmarkmið næðust í maímánuði n.k. Forsætisráðherra hélt því þá fram á Alþingi að þessar gjaldtökur, sem Þjóðhagsstofnun mat að að hækkuðu verðbólguna um 0.35%, myndu ekki stefna samkomulagi aðila vinnumarkaðarins í tvísýnu. Annað er nú að koma á daginn.
Meira

Skattafsláttur til námsmanna
Það kostar 238 milljónir að veita námsmönnum sérstaka skattalækkun með því að heimila að vaxtagreiðslur af námslánum séu frádráttarbærar frá tekjuskattsstofni.
Þar af er útsvar um 75 milljónir króna og tekjuskattur til ríkissjóðs um 163 milljónir króna. Þetta er leið sem stuðlar að fjárfestingu í mannauð, sem er örugglega
besta leiðin til að auka hér hagvöxt og bæta lífskjörin.
Meira

Farsinn um Björn
Farsinn innan Sjálfstæðisflokksins um borgarstjóraefni flokksins er að taka á sig æði skrýtnar myndir þessa dagana. Í aðalhlutverki er Björn Bjarnason en leikstjóri og höfundar virðast vera tveir, formaður og framkvæmdastjóri flokksins.
Meira

Leyniplöggin um lögguna
Mikil leynd hvíldi yfir fjárlagatillögum embættis Lögreglustjórans í Reykjavík fyrir þetta ár, en dómsmálaráðuneytið neitað mér um aðgang að tillögunum fyrr en eftir að fjárlög hefðu verið samþykkt í des. s.l. Með vísan til úrskurðar úrskurðarnefndar um upplýsingamál hefur dómsmálaráðuneytið nú að minni ósk sent mér fjárlagatillögurnar. Þar kemur fram að embætti Lögreglustjórans í Reykjavík telur að 326 lögreglumenn þurfi á þessu ári til að halda uppi viðunandi löggæslu, en starfandi lögreglumenn í dag eru 270. Á fjárlögum þessa árs voru heimiluð 2 ný stöðugildi og til þess aukin fjárveiting um 9 milljónir króna. Aftur á móti vantar nú 56 lögreglumenn til starfa samkvæmt mati embættis Lögreglustjórans í Reykjavík og til þess hefði þurft viðbótarframlag að fjárhæð 256 milljónir króna.
Meira

Svikin loforð
Vaxtabætur lækka um 170 milljónir króna á næsta ári vegna hækkunar á fasteignamati á s.l. ári. Stjórnaliðar felldu á Alþingi tillögu Samfylkingarinnar um að fjármálaráðherra stæði við loforð sitt frá s.l. sumri um að skerða ekki vaxtabætur. Þessi skerðing á vaxtabótum getur sett úr skorðum fjárhagsáætlunir hjá fjölda heimila í landinu. Við álagningu s.l. árs voru 12.000 einstaklingar með vaxtabætur og rúmlega 18 þúsund hjón. Algengt er að hlutfall vaxtabóta af vaxtagjöldum vegna íbúðarkaupa sé yfir 40% og hefur þessi aðstoð oft ráðið úrslitum um að ungt fólk geti komið sér þaki yfir höfuðið.
Meira