Jólakveðja

Meira

Gegn jafnrétti og jafnræði
Á Alþingi í síðustu viku samþykktu stjórnarliðar að heimgreiðslur sem foreldrar eða forráðamenn barna fá frá sveitarfélögum til að annast barn heima séu undanþegnar skattskyldu. Í þessu felst stefnubreyting á sviði jafnréttismála og í málum ungbarna fjölskyldna sem mjög orkar tvímælis. Í Noregi hafa slíkar greiðslur verið í gildi um einhvern tíma en nú íhuga Norðmenn að leggja af slíkar greiðslur þar sem þær hafa nær eingöngu verið nýttar af mæðrum og stuðlað að því að konur hverfi af vinnumarkaðnum sem vinnur gegn jafnrétti kynjanna. Á sama tíma og stjórnarliðar beittu sér fyrir skattfrelsi heimgreiðsla felldu þeir tillögu okkar í Samfylkingunni um að greiðslur til foreldra langveikra barna verði einnig undanþegnar skatti. Þó var um að ræða sambærilegar eða eðlislíkar greiðslur og heimgreiðslur. Í báðum tilvikum er um að ræða greiðslur tengdri þjónustuskyldu opinberra aðila. Hér er því um að ræða skattaundanþágu á greiðslum sem vinna bæði gegn jafnrétti og jafnræði í skattlagningu.
Meira

Föst skot dómsmálaráðherra að fyrrverandi dómsmálaráðherra.
Í pistli í dag á heimasíðu dómsmálaráðherra Björns Bjarnasonar er vitnað til umræðna á Alþingi þar sem ég beindi þeirri fyrirspurn til hans hvort réttarkerfið mismuni fólki við rannsókn og meðferð mála. Í pistli dómsmálaráðherra sendir hann föst skot að fyrrverandi dómsmálaráðherra og núverandi ritstjóra Fréttablaðsins.
Meira

Þakkir til stuðningsmanna
Nú þegar prófkjörið í Reykjavík er að baki vil ég þakka öllum þeim sem veittu mér brautargengi og stuðluðu að góðri útkomu minni síðastliðinn laugardag. Sérstaklega vil ég þakka þeim sterka kjarna sem alltaf er tilbúinn í slaginn fyrir mig þegar kemur að prófkjöri og unir sér vart hvíldar fyrr en að því loknu. Það hvetur mig sannarlega áfram í baráttunni – hjartans þakkir fyrir það! Prófkjörum Samfylkingarinnar um allt land er nú lokið og stóra verkefnið er framundan – alþingiskosningarnar.
Meira

Valdið í ykkar höndum
Í dag er valdið hjá fólkinu því nú fer fram prófkjör Samfylkingarinnar í Reykjavík. Við höfum á að skipa öflugri sveit frambjóðenda og mikilvægt er að félagar og stuðningsmenn Samfylkingarinnar nýti rétt sinn til að velja sterkt lið fyrir alþingiskosningarnar í vor. Í aðdraganda þessa prófkjörs hef ég fengið frábærar móttökur hvar sem ég hef komið og fyrir það vil ég þakka á þessum degi.
Meira

Málefni innflytjenda
Á Alþingi s.l. vor þegar lögum var breytt sem fjalla um frjálsan atvinnu- og búseturétt launafólk vegna nýju aðildarríkjanna innan Evrópska efnahagssvæðisins lagði Samfylkingin einkum áherslu á tvennt. Áður en lögin gengju í gildi lægi fyrir stefna í málefnum innflytjenda og að gerð verði framkvæmdaáætlun á grundvelli þeirra. Grundvallaratriði í þeirri stefna var áhersla á ókeypis íslenskukennslu innflytjenda og að markviss og skipuleg kynningu yrði komið á framfæri við innflytjendur um rétt þeirra og skyldur í íslensku samfélagi. Samfylkingin lagði einnig áherslu á að treysta yrði betur regluverk og framkvæmd til að tryggja að ekki verði gengið gegn grundvallarréttindum launafólks m.a.til að sporna gegn undirboðum á vinnumarkaði. Tillaga um frestun á gildistöku laganna þar til þessi mikilvægu mál væru í höfn náðu ekki fram að ganga. En Samfylkingin fékk meirihlutann til að fallast á að þetta hvorutveggja myndi liggja fyrir eigi síðar en 1. nóvember á þessu ári.
Meira

Alvarlegar upplýsingar um umferðaröryggisgæslu
Athyglisverðar upplýsingar koma fram um umferðaröryggismál í svari dómsmálaráðherra við fyrirspurn minni á Alþingi um umferðaröryggismál. Þar kemur fram að löggæslumenn sem starfa eingöngu að umferðaröryggismálum hefur fækkað um helming á s.l. rúmum 20 árum á sama tíma og bifreiðaeign landsmanna hefur nærfellt tvöfaldast. Einnig kemur fram að fjöldi umferðarlagabrota þar sem um er að ræða ölvun við akstur eða of hraðan akstur hefur aukist um tæp 23% á árabilinu 2000-2006. Dómsmálaráðherra verður að svara því hvort hér sé ekki um mjög alvarlega brotalöm í umferðaöryggismálum að ræða sem taka þarf á nú þegar. Brýnt er orðið að móta reglur um lágmarksþjónustu og lágmarksfjölda lögreglumanna í hverju umdæmi í umferðaröryggismálum til að auka þjónustu við íbúana og öryggi þeirra
Meira

Á hjólum um alla borg
Á undanförnum dögum hef ég verið með "skrifstofu" á hjólum um alla borg til að hitta kjósendur vegna komandi prófkjörs Samfylkingarinnar nk. laugardag 11. nóvember. Þetta er besta leiðin til að nálgast kjósendur. Ekkert er betra fyrir stjórnmálamenn en að komast í návígi við fólkið og heyra hvað það hefur fram að færa. Það fer ekki á ekki á milli mála að fólk vill breytingu á landsstjórninni. Það sem mest er rætt nú er hvað ójöfnuðurinn og misskiptingin hefur farið vaxandi á undanförnum árum.
Meira

Prófkjörið í Reykjavík hafið
Prófkjör Samfylkingarinnar í Reykjavík hófst í gær en þá var opnað fyrir kosningu utankjörstaðar sem fram fer á skrifstofu flokksins að Hallveigarstíg 1. Aðalkjörfundur verður síðan 11. nóvember nk. í félagshúsi Þróttar í Laugardal. Við höfum á að skipa öflugri sveit frambjóðenda í þessu prófkjöri og mikilvægt er að félagar og stuðningsmenn Samfylkingarinnar nýti rétt sinn til að velja sterkt lið fyrir alþingiskosningarnar í vor.
Meira

Hlífðarfatnaður fyrir bifhjólafólk verði lögleiddur
Á undanförnum árum hefur mikil fjölgun verið í notkun bifhjóla. Bifhjóleign landsmanna hafur aukist úr 3.600 á árinu 2005 í tæplega 6.700 á árinu 2005. Slys á ökumönnum og farþegum bifhjóla geta orðið mjög alvarleg. Þegar bifhjólaslys verður kastast kastast bifhjólafólk nær undantekningarlaust af bifhjólinu og lendir á götunni eða nánast umhverfi Hlífðarfatnaður er mikilvægast öryggisbúnaður bifhjólafólks og getur skipt sköpum um meiðsli ef slys verður. Á Alþingi hef ég ásamt þingmönnum úr öllum flokkum nema Sjálfstæðisflokknum lagt fram frumvarp um að lögleiddur verði hlífðarfatnaður fyrir bifhjólafólk
Meira

Úti í kuldanum
Staðan á íbúðamarkaði fyrir þá tekjulægri og fyrstu íbúða kaupendur hefur sjaldan verið verri. Úrræði sem réðu úrslitum fyrir þessa hópa áður er nú ekki til staðar. Má þar nefna kaupleiguíbúðir, félaglegar eignaríbúðar með 90% láni og 100% láni með hóflegum vöxtum eða 1%. Eftir að þessir möguleika voru aflagðir með lögum, rauk íbúðaverð upp og vextir voru hækkaðir gífurlega. Viðbótarlánin sem tóku við greiddu nokkuð götu þessa fólks sérstaklega af því veðhæfni eigna var miðað við kaupverð íbúða en ekki brunabótamat. Nú hafa fyrstu ibúðarkaupendur og tekjulægra fólk engin úrræðu nema leigumarkaðinn og þar þarf að greiða 70-90 þúsund króna mánaðarleigu fyrir tveggja herbergja íbúð. Tafarlaust þarf að grípa til úrræða fyrir tekjulága og fyrstu íbúðarkaupendur.
Meira

Vaxtaokrinu verður að linna
Hversu lengi eiga neytendur að þurfa að búa við vaxtaokrið í bönkunum? Það er t.d. óþolandi það okur sem neytendur láta ganga yfir sig í dráttarvöxtum og vöxtum af yfirdráttarlánum. Þannig hafa t.d. dráttarvextir hækkað úr 17% árið 2003 í 23.5% nú í október. Hæstu yfirdráttarvextir eru nú 23.7% eða hærri en dráttarvextir sem Seðlabankinn ákveður. Alþingi og stjórnvöld geta haft það í hendi sér að lækka þessa vexti, en láta bara eins og þeir viti ekkert af þessu okri. Á Alþingi hef ég flutt frumvarp um að á þessu máli verði tekið sem leitt gæti til a.m.k. tveggja prósentustiga lækkunar á dráttarvöxtum og yfirdráttarlánum. Það ætti varla að koma mikið við bankana sem juku tekjur sínar af vöxtum og þjónustu tekjum um 56 milljarða eða 105% fyrstu 6 mánuðina á þessu ári samanborið við fyrstu 6 mánuði síðasta ára.
Meira

Fækkar greiðendum fjármagnstekjuskatts um 52 þúsund
Athyglisverð niðurstaða kemur í ljós við útreikning embættis Ríkisskattstjóra á fjármagnstekjuskatti ef hann hefði verið 15% í stað 10% við álagningu 2006. Þessir útreikningar voru unnir að minni beiðni. Forsenda útreikninganna var einnig að komið yrði á frítekjumark þannig að einstaklingar með vaxtatekjur undir 100 þúsund krónum og hjón með 200 þúsund króna vaxtatekjur væru skattfrjálsar. Niðurstaðan var sú að rúmlega 52 þúsund af tæplega 82 þúsund framteljendum með fjármagnstekjur árið 2005 greiddi engan skatt af sínum fjármagnstekjum eða nálægt 2/3 allra framteljenda. Engu að síður hefði ríkissjóður haft við álagningu 2006 ríflega 5.7 milljörðum meira í tekjur. Fyrir þá fjárhæð hefði verið hægt að hækka skattleysismörkin um tæplega 71.000 á ári eða tæplega 6 þúsund krónur á mánuði.
Meira

Aðför lífeyrissjóðanna að öryrkjum
Lífeyrissjóðirnir eru komnir út á hálan ís að ætla að skerða eða afnema örorkulífeyri hjá 2.300 félagsmönnum í 14 lífeyrissjóðum. Ekki er hægt að kalla þetta annað en aðför lífeyrissjóðanna að sjóðfélögum þegar með nánast engum fyrirvara á að svipta öryrkja stórum hluta lífeyrisgreiðslna sinna. Að tilhlutan lífeyrissjóðanna er með þessu verið að gera grundvallarbreytingar á þeirri tryggingavernd og samtryggingu sem lífeyrissjóðirnir hafa staðið fyrir og það með afturvirkum hætti, sem hlýtur að ganga gegn eignarréttarákvæði stjórnarskrárinnar.
Meira

Tvöföldun á vaxta- og þjónustutekjum bankanna
Enn einu sinni er það staðfest að bankarnir blóðmjólka neytendur. Þeir fara offari og hagnast um fleiri tugi milljarða árlega á okrinu í vöxtum og þjónustutekjum. Á fyrstu 6 mánuðum ársins 2005 samanborið við fyrstu 6 mánuði 2004 jukust þjónustu- og vaxtatekjur bankanna um 23 milljarða króna eða 71%. Þeir gera gott betur í ár því þjónustu- og vaxtatekjur þeirra aukast um rúma 56 milljarða króna eða 105% á fyrstu 6 mánuðum þessa árs samanborið við fyrstu 6 mánuði ársins 2005. Vaxta- og þjónustutekjur þeirra jukust úr tæpum 54 milljörðum og fóru í 110 milljarða, sem þýðir að þessar tekjur þeirra eingöngu á fyrstu 6 mánuðum þessa árs meira en tvöfaldast en það samsvarar um þriðjungur af tekjum íslenska ríksins á þessu ári.
Meira

Afhverju fyrst nú Magnús
Sjónvarpið hefur á undanförnum dögum vakið athygli á því að umönnunargreiðslur vegna fatlaðra barna séu ekki greiddar samtímis fæðingarorlofsgreiðslum. Félagsmálaráðherra kemur af fjöllum og segist ætla að athuga málið. Fyrir liggur að ég hef á Alþingi margsinnis vakið athygli á þessu óréttlæti. Síðast fyri 2 árum síðan fluttum við í Samfylkingunni breytingartillögu við fæðingarorlofslögin um að það bæri að greiða umönnunargreiðslurnar samhliða fæðingarorlofsgreiðslum vegna fatlaðra barna. Allt kom fyrir ekki og Magnús Stefánsson núverandi félagsmálaráðherra felldi þá tillögu ásamt öðrum stjórnarliðum.
Meira

Spornum við græðgisvæðingunni
Ofurlaun stjórnenda og "vinnukonuútsvör" margra í hópi ríka fólksins hafa verið ofarlega í umræðunni í kjölfar framlagningar á skattskránni í byrjun ágúst. Margir hafa beint sjónum sínum að lífeyrissjóðunum og höfðað til samfélagslegrar ábyrgðar þeirra og kallað eftir að sneitt verði hjá fjárfestingum í fyrirtækjum sem ekki hafa sett sér verklagsreglur sem komi í veg fyrir ofurlaunasamninga. Þessar leiðir þarf að skoða og fleiri sem ná því markmiði að sporna gegn ofurlaunum fárra, en nokkrar fyrirtækjasamsteypur og ofurkjaraliðið sem þeim stjórna eru á góðri leið með að eignast Ísland. Benda má líka á þá leið að almennir hluthafar geti á hluthafafundi komið fram með tillögu að starfskjörum stjórnenda sem greiða verður atkvæði um. Bæði varðandi laun, kaupréttarsamninga, árangurstengdar greiðslur og starfslokasamninga. Sömuleiðis þyrfti að skoða hvort ekki væri rétt að breyta skattalöggjöfinni í þá veru að þak verði sett á laun og starfskjör stjórnenda sem fyrirtækjunum er heimilt að draga frá sem kostnað fyrir skatt.
Meira

Aðgangur að álagningarskránni
Ungir sjálfstæðismenn krefjast þess enn einu sinni að fólki verði meinaður aðgangur að skattskránni. Skjólstæðingum þeirra hentar best að leynd og pukur ríki um laun og kjör landsmanna í stað upplýstrar umræðu um tekjuskiptinguna í þjóðfélaginu. Það gengur auðvitað gegn opnu og upplýstu samfélagi og dregur úr aðhaldi gegn skattsvikum. Ekki verður séð annað en að ungir sjálfstæðismenn séu að fremja lögbrot með því að meina borgurunum aðgang að skattframtölum. Athyglisvert er að í umsögnum bæði frá Ríkisskattstjóra og Skattrannsóknarstjóra ríkisins um þingmál um þetta efni er lagst gegn því að lögum verði breytt, þannig að hætt verði birtingu á niðurstöðu álagningar opinberra gjalda. Mjög góð og gild rök eru færð fyrir því að allar álagningarupplýsingar séu öllum borgurum landsins aðgengilegar í tiltekinn tíma.
Meira

Vaxtabætur verði tafarlaust leiðréttar
Vaxtabætur lækka við skattálagningu 2006 vegna tekna 2005 um 700 milljónir og 10 þúsund færri einstaklingar fá vaxtabætur samkvæmt upplýsingum Fjármálaráðuneytisins. . Þar með er staðfest það sem við í Samfylkingunni ítrekað héldum fram á Alþingi að veruleg skerðing yrði á vaxtabótum við álagningu nú í ágústmánuði. Samfylkingin krafðist að lögum yrði breytt áður en þingi lauk í vor þannig að komið yrði í veg fyrir þann skell á fjárhag heimilanna sem var yfirvofandi vegna skerðinga á vaxtabótum. Krafan nú er að fjármálaráðuneytið beiti sér í samræmi við það samkomulag sem gert var við ASÍ í júní mánuði s.l. og breyti þegar í stað grunni í útreikningi vegna vaxtabóta sem taki mið af því að fasteignamat hefur hækkað um 35% milli álagningaráranna 2005 og 2006. Þannig yrði endurgreiddar vaxtabætur m.v. leiðréttan grunn vegna skattaálagningar á þessu ári, en ekki í samræmi við þá skattálagningu sem nú liggur fyrir. Mörgum mun bregða þegar þeir sjá mikla skerðingu á vaxtabótum frá fyrra ári. Ljóst er að margir hafa ekki áttað sig á þessum skelli og gert ráð fyrir vaxtabótum í fjárhagsáætlunum sínum á þessu ári. Mikilvægt er að því verði forðað að þessi skerðing gangi yfir heimil í landinu.
Meira

Hænufet ríkisstjórnarinnar
Ríkissstjórnin sker enn við nögl kjarabætur til aldraðra. Með þeim samningi sem nú hefur verið kynntur er varla skilað því til baka því sem af lífeyrisþegum hefur verið tekið í tíð þessarar ríkisstjórnar eða allt frá árinu 1995. Samt var þetta mesti hamingjudagur í lífi varaformanns Framsóknarflokksins Guðna Ágústssonar. Svo vel fannst honum hann gera fyrir aldraða.
Meira

Baráttan gegn mansali
Á nýafstöðnum ársfundi ÖSE þingsins sem haldinn var í Brussel í byrjun þessa mánaðar fjallaði ég um mansal og vændi, en að mati Sameinuðu þjóðanna eru 800 þúsund manns fórnarlömb mansals á hverju ári. Mansal felur í sér mjög gróft mannréttindabrot og er hagnaður glæpamanna af þessari skipulögðu glæpastarfsemi orðinn gífurlegur. Vakti ég athygli á mikilvægi samvinnu þjóðþinga á alþjóðavettvangi að berjast af hörku gegn mansali með markvissum og skipulögðum aðgerðaráætlunum
Meira

Þá var kátt í bönkunum
Linnulaus áróður bankanna s.l. 2-3 ár, gegn Íbúðarlánasjóði er að bera árangur. Það staðfesta svokallaðar efnahagsaðgerðir ríkisstjórnarinnar. Það er reyndar með ólíkindum að ríkisstjórnin telji það mikilvægt til að slá á verðbólguna að lækka lánshlutfall úr 90% í 80% og lækka hámarkslánin um 1 milljón. Bankarnir eru þeir einu sem græða á þessari aðgerð, enda trúi ég því að bankastjórar og eigendur bankanna hafi opnað kampavínsflösku og tekið bakföll af hlátri yfir því hvernig þeir eru búnir að plata stjórnvöld og hafa að fíflum. Púkanum á fjósbitanum er skemmt. Áfanga á leið þeirra til að koma Íbúðarlánasjóði fyrir kattarnef er náð. Það grátlega er að þessi aðgerð mun bitna harðast á tekjulágu fólki, fyrstu íbúðarkaupendum sem eru að kaupa ódýrasta húsnæðið, svo og íbúðarkaupendum á landsbyggðinni þar sem húsnæðisverð er lægra og 90% lánin nýtast
Meira

Hráskinnsleikur ríkisstjórnarinnar
Á undanförnum árum og misserum hefur það verið hlutskipti verkalýðshreyfingarinnar að ná til baka ýmsum skerðingum á velferðarkerfinu sem þessi ríkisstjórn hefur staðið að. Ríkisstjórninni leikur iðulega þann leik að skerða kjör lífeyrisþega, barnafólks og íbúðarkaupenda og skila því síðan til baka sem skiptimynt í stað launahækkana. Þennan leik er ríkisstjórnin að leika þessa dagana og nú er skiptimyntin hækkun á barna- og vaxtabótum í stað launahækkana.
Meira

Afglöp Geirs
Sjálfstæðisflokkurinn var í lykilstöðu við myndun ríkisstjórnar Geirs H. Haarde. Það var því óskiljanlegt hvernig þeir klúðruð málum og fórnuðu Sigríði Önnu Þórðardóttur umhverfisráðherra. Í reynd má segja að hún hafi misst ráðherrastólinn vegna afhroðs Framsóknarflokksins í sveitastjórnarkosningum svo einkennilega sem það nú hljómar. Framsóknarmenn voru í engri stöðu til að gera tilkall til sex ráðherrastóla, enda lætur. Halldór Ásgrímsson sjálfviljugur af embættinu eftir afhroð í sveitastjórnarkosningunum. Samt lét formaður Sjálfstæðisflokksins sér ekki nægja eftir hjaðningavígin og leðjuslaginn í valdabröltinu innan Framsóknarflokksins að draga framsóknarmenn upp úr drullupollinum í stað þess efna til kosninga eins og eðlilegast hefði verið. Afglöp Geirs að fórna einum manni úr sínum röðum við ríkisstjórnarborðið eru hreint ótrúleg. En sjálfstæðismenn gerðu gott betur.
Meira

Hjaðningavígin í Framsóknarflokknum
Það hefur lengi kraumað í framsóknarpottinum. Loks þegar lokið er tekið af verður allt vitlaust. Allt logar nú stafna á milli í Framsóknarflokknum. Forystulið og þingmenn eru í skotgröfunum og skjótast annað slagið fram á vígvöllinn til að munda rýtinginn í bakið hvert á öðru. Eiginhagsmunagæsla rekur liðið áfram en ekki velferð lands og þjóðar. Guðni varaformaður er komin í lykilstöðu eftir að Halldór formaður klúðraði málum af því hann þekkti ekki orðið sinn eigin flokk. Hann hélt að hægt væri að bjóða flokksfólkinu upp á hvað sem er. Meira að segja að brjóta flokkslög. Hverjar sem lyktir verða á hjaðningavígum í Framsóknarflokknum þá verður flokkurinn mjög lemstraður eftir þessi átök og varla stjórntækur.
Meira

Garmurinn hann Ketill
Það hlýtur að vera áhyggjuefni í lýðræðisþjóðfélagi að Framsóknarflokkurinn skuli bæði í þingkosningum og bæjarstjórnarkosningum vera leiddur til valda þó hann býði afhroð í kosningum. Það er líka sannarlega fátítt í lýðræðisríkjum að forystumaður í stjórnmálaflokki með örfá prósent á bak við sig skuli verða forsætisráðherra. Það er heldur ekki hollt fyrir lýðræði og valddreifingu að sömu flokkar og setið hafa í nærri 12 ár í ríkisstjórn skuli einnig stjórna höfuðborginni. En íhaldið hefur góða reynslu af því að geta beygt og stjórnað framsóknarmönnum að vild í landsmálum. Því vildu þeir líka nýta garminn hann Ketil við stjórn borgarinnar. Um leið og Villi smellti fingrum var hækjan því mætt og sagði umsvifalaust já án þess að málefnapakkinn lægi fyrir. Launin voru formennskan í borgarráði.
Meira

Lækkum strax bensínverð
Fjármálaráðherra hefur lagt til á Alþingi að tímbundin lækkun á dísilolíu um 4 kr. til að bregðast við óhagstæðri þróun á heimsmarkaðsverði á dísilolíu verði framlengd til áramóta. Óskiljanlegt er afhverju ráðherrann leggur ekki til tímabundna lækkun á bensíni einnig, sem myndi hafa áhrif til að slá á verðbólguna. Ef vörugjald af bensíni yrði lækkað tímabundið til n.k. áramóta um 7-8 kr. þá hefði það 0.4% áhrif til lækkunar á vísitölunni. Jafnframt myndi það lækka útgjöld heimilanna vegna bensínkostnaðar um 750 milljónir króna. Þrátt fyrir slíka lækkun myndi ríkissjóður engu að síður auka tekjur sínar af bensíni um 500 milljónir m.v. það sem áætlað var í fjárlögum þessa árs. Væntanlega mun ríkissjóður hagnast enn meira á bensínokrinu og hefur t.d. framkvæmdastjóri FÍB nefnt að hugsanlega gæti bensínlítrinn farið í 150 kr. Þingmenn Samfylkingarinnar munu á Alþingi leggja fram breytingartillögu við frumvarp fjármálaráðherra þessa efnis, þannig að þingheimur mun þurfa að taka afstöðu til bensínlækkunar á yfirstandandi þingi.
Meira

Ábyrgð ríkisstjórnarinnar
Árið 2002 lagði ríkisstjórnin til tímabundna lækkun á skattlagningu á bensíni með þeim rökstuðningi að áhrif hækkunar á bensínverði væru umtalsverð m.a. á vísitöluna og gætu stofnað verðlagsmarkmiðum kjarasamninga í hættu. Frá þeim tíma eða frá júlí 2002 til dagsins í dag hefur útsöluverð á bensíni án afsláttar hækkað úr 97 kr. í 128 kr. eða um 30%. Það er óskiljanlegt nú þegar verðbólgan rýkur upp afhverju ríkisvaldið grípur ekki til sambærilegra aðgerða nú og gert var árið 2002 Fyrir Alþingi liggur nú þingmannafrumvarp um tímabundna lækkun á skattlagningu á bensíni og olíu, sem ekki hefur enn fengist afgreitt úr efnahags- og viðskiptanefnd,. en yfirgnæfandi meirihluti umsagnaraðila mælir með að frumvarpið verði samþykkt. Ábyrgð ríkisstjórnarinnar er mikil ætlu hún ekkert að aðhafast í þessu máli sem verulega gæti slegið á verðbólguna.
Meira

Fílabeinsturn ráðherranna
Fjármálaráðherra- og heilbrigðisráðherra eiga þegar í stað að höggva á hnútinn sem upp er kominn á dvalar- og hjúkrunarheimilum aldraðra og bæta kjör umönnunarstéttan til samræmis við það sem gert var hjá Reykjavíkurborg. Allur undansláttur í þessu máli af hálfu ráðherrann er ekki hægt að líða. Allt of stór hópur ekki síst í ummönnunarstörfunum hefur orðið undir í góðæri liðinna ára og það verður að gera þjóðarátak til að snúa þeirri þróun við. Ráðherrarnir verða að hrista af sér doðann og leysa málið. Það er kominn tími til að ráðherrarnir stígi niður úr fílabeinsturninum og viðurkenni að aldraðir hafa gjörsamlega verið settir til hliðar í valdatíð þeirra
Meira

Baugslánin
Í ljósi niðurstöðu héraðsdóms í Baugsmálinu þarf Alþingi að fjalla um þann þátt sem snýr að upplýsingum í ársreikningum um lán til stjórnenda fyrirtækja. Ég hef því lagt fram á Alþingi fyrirspurn til viðskiptaráðherra hvort hún telji að það þurfi að samræma lög um hlutafélög, skattalög og lög um ársreikninga. Enn fremur er ráðherrann spurður að því hvort hún telji að miðað við lagatúlkun héraðsdóms í Baugsmálinu að mistök hafi orðið við innleiðingu félagatilskipunar Evrópusambandsins um framsetningu ársreikninga. Loks er ráðherra spurður að því hvort breyta þurfi ársreikningslögum til að skýrt liggi fyrir hvað eru lán í skilningi laganna. Niðurstaða héraðsdóms hefur skapað ákveðna réttaróvissi sem Alþingi ber að taka á, því það er auðvitað ekki hægt að líða það að í ljósi einhverrar óvissi um hvað sé lán í skilningi ársreikningslaga þá geti stjórnendur fyrirtækja dulbúið sér tekjur í formi skattfrjálsra lána.
Meira

Heita kartaflan
Meira en áratugur er liðin frá því samþykkt var á Alþingi að framlög lögaðila til stjórnmálaflokkanna yrðu frádráttarbær frá skatti. Forsenda margra þingmanna fyrir stuðningi við málið var vilyrði um að í kjölfarið yrðu sett lög um fjármál stjórnmálaflokkanna. Það hefur verið margsvikið – nefnd á nefnd ofan hefur verið skipuð og skýrslur skrifaðar án niðurstöðu um lagasetningu. Fyrrverandi og núverandi forsætisráðherra bera ávallt fyrir sig að verið sé að safna gögnum í málinu. Þessi fyrirsláttur er hlægilegur og endurspeglar fyrst og fremst viljaleysi, því þessi gagnasöfnun hefur staðið yfir á annan áratug. Ef marka má svör forsætisráðherra á Alþingi í dag hefur hann engan áhuga á málinu og vill ekki setja nefndinni tímafrest, þannig að augljóslega á að salta málið eina ferðina enn. Ekki er ólíklegt að málið verði áfram þæft fram yfir næstu sveitastjórna- og alþingiskosningar eða að niðurstaðan verði einhver málamyndagjörningur eða moðsuða sem engu breytir.
Meira

Hagsmunaárekstrar og hæfi stjórnenda Kauphallarinnar
Nýlega kom fram í svar viðskiptaráðherra við fyrirspurn minni um lánveitingar til stjórnenda bankastofnana að á árunum 2003 og 2004 hefðu bankarnir þrír veitt til stjórnenda bankanna lán samtals að fjárhæð yfir 8.2 milljarðar króna, þar af fengu stjórnendur Íslandsbanka 4.5 milljarða í lán þessum tveimur árum. Athygli vekur líka því sem ekki var svarað í þessari fyrirspurn, en í stjórn Kauphallarinnar sem veitti ráðherra svörin við fyrirspurninni sitja m.a. lykilstjórnendur í bönkunum sem fyrirspurnin beindist að. Þetta gefur tilefni til að beina nýrri fyrirspurn til viðskiptaráðherra um starfsemi og hæfi stjórnenda Kauphallarinnar
Meira

Í feluleiknum þrífst spillingin
Ótrúlegt fjáraustur frambjóðenda í efstu sætin í prófkjörum flokkanna fyrir komandi borgarstjórnakosninga í Reykjavík eru alvarlegt áhyggjuefni. Skiptir þá engu hvort um er að ræða frambjóðendur Framsóknarflokks, Samfylkingar eða Sjálfstæðisflokks. Fjáraustrið er farið að snúast gegn upphaflegum markmiðum með prófkjöri. Markmiðið með prófkjöri var jafnræði allra til þátttöku í prófkjörum gegn einokurvaldi flokkseigenda á vali frambjóðenda til alþingis eða sveitastjórna.. Nú eru það peningaöflin, sem hafa afgerandi áhrif á úrslitin í stað flokkseigendanna áður. Samfylkingin hefur verið í fararbroddi fyrir því að krefjast þess að sett verði lög um fjármál stjórnmálaflokka. Því er ástæða til að gera þær kröfur til frambjóðenda Samfylkingarinnar að þeir birti opinberlega útgjöld og tekjur vegna prófkjörsins og hverjir hafa veitt þeim fjárhagstuðning.
Meira

Ráðherrastólarnir og Íbúðalánasjóður
Mikill ágreiningur er milli stjórnarflokkanna um framtíðarhlutverk Íbúðarlánasjóðs. Félagsmálaráðherra hefur sagt að ekki komi til greina að leggja niður Íbúðalánasjóð og hefur leikið biðleik fram til haustsins með skipan nefndar til að skoða málið. Það er gert til að ekki skerist í odda milli stjórnarflokkanna. Þá væru ráðherrastólarnir í húfi. Félagsmálaráðherra hefur ekki staðið við loforð sitt um að hámarkslánin sem hækkuð voru í 15.9 milljónir króna í desember 2004 héldu verðgildi sínu. Til að svo sé þarf að hækka hámarkslánin um 5 milljónir króna. Nú er svo komið að 90% húsnæðislán Framsóknarflokksins eru komin í 70% af verði meðalíbúðar, enda lætur flokkurinn íhaldið beygja sig í þessu máli sem öðru. Það er liður íhaldsins í að koma Íbúðalánasjóði útaf markaðnum og draga þannig úr samkeppnishæfni hans.
Meira

Einkaneysla og skatttekjur
Í svari fjármálaráðherra við fyrirspurn minni um einkaneyslu og skatttekjur kemur fram að einkaneyslan hefur verið veruleg umfram ráðstöfunartekjur öll árin 2002 til 2004. Ráðstöfunartekjurnar voru alls 1.326 milljarðar kr. en einkaneyslan 1.396 ma.kr. Einkaneyslan var því 70 ma.kr. umfram ráðstöfunartekjur. Á sama tíma hækkuðu skuldirnar við lánakerfið um 118 ma.kr. Þetta sýnir að heimilin hafa að verulegu leyti fjármagnað þessa neyslu umfram ráðstöfunartekjur með lánum. Ef neyslan hefði ekki verið umfram ráðstöfunartekjur á þessum árum hefði skatttekjur ríkisins af vöru og þjónustu orðið rúmlega 22 milljörðum lægri.
Meira

Endurbætt heimasíða opnuð með fimm hundraðasta pistlinum
Frá 1998 hef ég haldið úti heimasíðu þar sem ég hef komið á framfæri skoðunum mínum í ýmsum málum. Er ég afar þakklát fyrir þau góðu viðbrögð sem ég hef iðulega fengið frá lesendum við þessum skrifum mínum. Oft hef ég þar fengið gagnlegar ábendingar sem nýst hafa mér í starfi. Í upplýsingasamfélagi nútímans er virk heimasíða sjálfsögð þjónusta stjórnmálamanns við kjósendur og styrkir samband þeirra á milli. Í dag opna ég endurbætta heimasíðu og er þetta fimm hundraðasti pistillinn sem birtist hér frá því síðan fyrst var opnuð fyrir rúmum sjö árum eða 16. nóvember 1998.
Meira

Hver borgar brúsann?
"Ég bara lít svo á að það sé hafin kosningabaráttu fyrir borgarstjórnarkosningarnar" sagði Björn Ingi Hrafnsson í Silfri Egils s.l. sunnudag aðspurður um auglýsingaflóðið og peningaaustur í kringum prófkjör sitt. Nokkuð merkileg yfirlýsing í ljósi þess að Björn Ingi er sagður frambjóðandi helstu forystu og áhrifamanna í flokknum. Þessi yfirlýsing frambjóðendans sem er nánast samstarfsmaður formanns flokksin og forsætisráðherra og nýtur stuðnings krónprinsins Árna Magnússonar vekur upp spurningar. Hver borgar fyrir þetta yfirþyrmandi auglýsingaflóð fyrir frambjóðandann, sem virðist vera að slá út Gísla Martein hjá íhaldinu og þótti ýmsum þó nóg fyrir? Grannt mun verða fylgst með því hvort og þá hvernig frambjóðandinn mun gera grein fyrir útgjöldum og tekjum af þessari prófkjörsbaráttu? Flokkur þessa frambjóðenda hefur ásamt íhaldinu ítrekað staðið í vegi þess að lögleitt verði lög um upplýsingar um fjármál stjórnmálaflokka?
Meira

Flaustursleg vinnubrögð
Allar líkur er á að einstaka dómarar eða Dómarafélagið muni láta reyna á lögmæti þess fyrir dómsstólunum að Alþingi hefur nú fellt úr gildi umdeildan úrskurð Kjaradóms. Stjórnarliðar hafa aftur og aftur sýnt það í valdatíð sinni að þeir bera ekki mikla virðingu fyrir stjórnarskránni þegar þeir hvað eftir annað tefla á tæpast vað í lagasetningu sem líkur eru á að brjóti í bága við stjórnarskránna.
Meira

Græðgisvæðing
Auðvitað ættu hluthafar í FL Group að reka stjórnarformann sem leyfir sé að taka ákvörðun um nærri 300 milljón króna starfslokasamninga til tveggja einstaklinga og slík ofurkjör til lykilstjórenda að ein mánaðarlaun þeirra geta numið að lágmarki þremur til fjórum árslaunum lægst launaða fólksins. Almenningur á að gera kröfu til að flugfargjöld fyrirtækisins lækki nú þegar ella verði viðskiptum þeirra í meira mæli beint að samkeppnisaðila FL Group. Alþingi og ráðuneyti ættu líka að endurskoða þá samninga sem gerðir hafa verið um kaup á ferðum vegna opinberra aðila við þetta fyrirtæki, sem nú hefur tekið forystu í þeirra græðgisvæðingu sem stórfyrirtæki á Íslandi hafa staðið fyrir undanfarin misseri til stjórenda. Í forsætisnefnd Alþingis mun ég beita mér fyrir því að endurskoðaðir verði samningar sem gerðir hafa verið um ferðir á vegum Alþingis við félagið. Þar hlýtur að vera hægt að ná fram hagstæðari kjörum og sparnaði á skattfé almennings við fyrirtæki sem eins og hendi sé veifað munar lítið um að reiða fram 300 milljónir í tvo starfslokasamninga.
Meira