Mikilvæg áætlun í höfn
Það er mikið ánægjuefni að fyrsta þingmál mitt sem félagsmálaráðherra í nýrri ríkisstjórn sé að ná fram að ganga, aðgerðaráætlun í málefnum barna og ungmenna, aðeins þremur vikum eftir að ný ríkisstjórn var mynduð. Að fengnu samþykki Alþingis verður skipaður samráðshópur fulltrúa félagsmála-, heilbrigðis- og tryggingamála-, dóms- og kirkjumála-, fjármála- og menntamálaráðherra til að stuðla að samræmingu og eftirfylgni aðgerðaráætlunarinnar undir forystu félagsmálaráðuneytisins.
Meira

Ný ríkisstjórn
Mikilvægt er að markvisst og skipulega verði fylgt ákvæðum stjórnarsáttmála nýrrar ríkisstjórnar um öfluga velferðarþjónustu og bættan hag heimilanna í landinu. Samhliða því verður að standa vörð um öflugt atvinnulíf og stöðugleika í efnahagsmálum. Nýjar áherslur ríkisstjórnarinnar koma m.a. fram í breyttum verkefnum ráðuneyta m.a. með veigamiklum verkefnatilflutningi frá Tryggingastofnun ríkisins til félagsmálaráðuneytisins. Það eru sannarlega ögrandi tækifæri sem felast í því að fá sem ráðherra að móta nýtt ráðuneyti velferðar- og fjölskyldumála. Af mörgu er að taka í spennandi viðfangsefnum sem bíða nýrrar ríkisstjórnar á sviði velferða og jafnréttismála eins og aðgerðaráætlun í málefnum barna og ungmenna, bætt kjör lífeyrisþega og áherslur á sviði jafnréttismála.
Meira

Alvarlegar rangfærslur stjórnarflokkanna
Fulltrúar Landssambands eldri borgara þurftu á blaðamannafundi í gær að setja ofan í við stjórnarflokkanna vegna þess að þeir höfðu skrumskælt og farið með rangar upplýsingar um stöðu eldri borgara. Þetta höfum við í Samfylkingunni margbent á og gerði ég það m.a. síðast í sjónvarpsþætti með Guðlaugi Þór Þórðarsyni sem frussaði af reiði þegar ég fór með sannleikann í þessu máli og um ójöfnuðinn í samfélaginu. Það er auðvitað alvarlegt þegar forystumenn stjórnarflokkanna ítrekað fara með rangfærslur ójöfnuðinn
Meira

600 ár að ná starfslokalaunum Bjarna
Á baráttudegi launafólks nú 1. maí kom fréttin um 900 milljón króna starfslokasamning Bjarna Ármannssonar forstjóra Glitnis eins og blaut tuska framan í launafólk. 10% þjóðarinnar býr við fátækt þar af um 5-6 þúsund börn. 25 þúsund lífeyrisþegar hafa sér til framfærslu 140 þúsund krónur fyrir skatta. Þeir sem hæstu bætur hafa úr almannatryggingakerfinu hafa sér til framfærslu 126 þúsund krónur á mánuði. Þetta fólk væri nærri 600 ár að vinna sér inn fyrir þeim tekjum sem Bjarni Ármannsson fær í starfslokalaun að loknu 10 ára starfi hjá bankanum. Ætlar íhaldið enn að halda því fram að ójöfnuður hafi ekki aukist í valdatíð þeirra.
Meira

Íhaldið gefur og tekur
Morgunblaðið og íhaldið hafa gert mikið úr tillögum um málefni aldraðra sem kynntar voru á landsfundi Sjáflstæðisflokksins um s.l. helgi. 25 þúsund krónur á mánuði fyrir þá sem ekkert hafa úr lífeyrissjóðum virtist vera dágóð búbót við fyrstu sýn. En þegar grannt er skoðað heldur aldraður einstaklingur sem býr einn og hefur engar aðrar tekjur en lífeyri almannatrygginga einungis 1/3 eftir eða rúmum 8 þúsund krónum. Geir heldur hins vegar eftir hjá sér- vegna skatta og skerðingar- rúmum 16 þúsund krónum.
Meira

Bjarga nýju framboðin ríkisstjórninni
Skoðanakönnun Capacent Gallup sýnir að það er raunhæfur möguleiki á að stjórnarflokkarnir- Framsóknarflokkur og Sjálfstæðisflokkur sitji áfram eftir kosningar. Það væri vond niðurstaða sem myndi festa í sessi ójöfnuð og misskiptingu í samfélaginu. Stjórnarflokkarnir hafa ekki mælst með meirihluta í skoðanakönnunum í langan tíma. Það er fyrst nú eftir að nýju flokkarni, annarsvegar flokkur umhverfissinna og hinsvegar flokkur aldraðra, hafa komið fram á sjónarsviðið að stjórnarflokkarnir endurheimta meirihluta sinn á nýjan leik. Ríkisstjórnin hefur leikið hvað verst þá málaflokka sem þessi framboð berjast fyrir- annarsvegar umhverfismálin og hinsvegar málefni aldraðra. Það væri því afar kaldhæðnislegt ef tilvist þessara framboð yrði til þess að stjórnarflokkarnir héldu velli.
Meira

Endurreisum barnvænt samfélag
Þrír forsætisráðherrar, Davíð Oddson, Halldór Ásgrímsson og Geir Haarde hafa hunsað vilja Alþingis frá 2001 þegar þingið samþykkt að unnin yrðu heildarstefnumótun í málefnum barna og ungmenna. Á grundvelli þessara stefnumótunar átti að gera 5 ára framkvæmdaáætlun í samráði við opinberar stofnanir og félagasamtaka sem vinna að málefnum barna og unglinga. Markmiðið stefnumótunar var að tryggja hag og velferð barna og unglinga á öllum sviðum þjóðlífsins og búa þeim sem best og jöfnust skilyrði til uppvaxtar og þroska. Framkvæmdaáætlunina átti að leggja fyrir Alþingi árið 2002. Stefna Samfylkingarinnar í málefnum barna er svar við þessum sofandahætti stjórnvalda en aðgerðaráætlun okkar mun gjörbreyta aðbúnað og umhverfi barna. Fyrstu skrefin verða m.a. að auka stuðning við barnafjölskyldur með verulegum endurbótum á barnabótakerfinu,stórauknum stuðningi við tannheilsu barna og námsbækur verði framhaldsskólanemum að kostnaðarlausu.
Meira

Tvískipt tannheilbrigðiskerfi barna
Ekki verður lengur dregið að auka endurgreiðslu á tannlæknakostnaði barna og unglinga. Að öðrum kosti stefnir hér í tvískipt tannheilbrigðiskerfi en fyrir liggur að vaxandi fjöldi barna fer ekki til tannlæknis eða í forvarnaraðgerðir vegna mikils kostnaðar. Foreldrar hafa þurft að taka á sig gífurlegan kostnað á umliðnum árum vegna deilna Tryggingastofnunar ríkisins og Tannlæknafélags Íslands. Heilbrigðisráðherra á að fara að ráðum tryggingatannlæknis sem sett var fram fyrir ekki löngu síðan að þegar þyrfti að semja um fasta gjaldskrá við tannlækna og hækka um leið endurgreiðsluna í 100% a.m.k. vegna forvarnaraðgerða.
Meira

76 milljarðar til aðila utan ríkiskerfisins
Fjármálaóreiðan hjá Byrginu varð til þess að ég beindi fyrirspurn til fjármálaráðherra um fjárframlög til aðila utan ríkiskerfisins. Auk þess var spurt um hvaða verklagsreglur giltu um þessi framlög og hvernig eftirliti væri háttað. Það kemur á óvart hvað hér er um svimandi háar fjárhæðir að ræða eða 76 milljarðar á árunum 2005 og 2006, auk þess sem eftirliti og samræmdum verkalagsreglum er verulega ábótavant. Of mikið er um fjárframlög sem byggja á geðþóttaákvörðunum ráðherra.
Meira

Hjálpum Íslendingnum í Greensville-fangelsinu
Utanríkisráðherra mun væntanlega nú í vikunni svara fyrirspurn minni um Íslendinginn, Geir Þórisson, sem nú afplánar 20 ára fangelsisdóm í Greensville-fangelsinu í Virginíufylki í Bandarikjunum. Í þessu fangelsi, sem er öryggisfangelsi, eru vistaðir hættulegustu glæpamenn Virginíufylkis. Ráðherra er spurður hvort hún hyggist beita sér fyrir því að Geir eigi þess kost að koma hingað til lands og ljúka afplánun hér, en hann lifir nú í stöðugum ótta um líf sitt. Geir sem er 34 ára gamall hefur nú setið inní 9 ár fyrir mjög alvarlega líkamsárás og rán, sem sannarlega er refsivert en 20 ára fangelsisdómur var þó í engu samræmi við verknaðinn. Geir var sakfelldur 1998 en fyrirfram var búist við að hann fengið 4-7 ára fangelsisdóm. Hann hefur sótt um að vera framseldur til Íslands en þeim óskum hefur verið hafnað af yfirvöldum í Virginíu.
Meira

Alvarlegar aðdróttanir að fjölmiðlum
Magnús Þór Hafsteinsson þingmaður Frjálslynda flokksins kvartaði yfir því á Alþingi fyrir helgi að fjölmiðlar fjölluðu lítið um málefni innflytjenda. Skýringin var sú að eigendur fjölmiðla vildu viðhalda núverandi þensluástandi sem innflutt vinnuafl héldi uppi. Magnús sagði að stærsti hluti fjölmiðla á Íslandi væru í vasanum á fjármagnseigendum og það hentaði ekki hagsmunum þeirra að fjalla mikið um málefni innflytjenda. Hér var þingmaðurinn með mjög alvarlegar aðdróttanir að í garð fjölmiðla og fer yfir öll velsæmismörk í atkvæðaveiðum sínum.
Meira

Tvö andlit Framsóknar
Framsóknarflokkurinn er á miklum villigötum ef hann heldur að hann geti blekkt þjóðina með því að gangast ekki við Sjálfstæðisflokknum á síðustu metrum 12 ára stjórnarsamstarfs. Framsóknarmenn hafa verið fangar Sjálfstæðisflokksins allan þennan tíma og í hverju málinu á fætur öðru gengið í björg hjá íhaldinu. Þeir hafa ekki hikað við að svíkja stefnu sína og kjósendur. Í tíð þeirra hefur öryggisnet velferðarkerfisins brostið á sama tíma og mulið hefur verið undir auðmenn sem einir hafa notið skattalækkana í valdatíð blágræna bandalagsins. Það er því afar aumkunarvert að sjá hvernig framsóknarmenn rúnir fylgi og trausti hjá þjóðinni reyna í aðdraganda kosninga að skilja sig frá íhaldinu sem þeir eru orðnir samdauna eftir 12 ára valdasetu. Svo vel þekki ég orðið Framsóknarflokkinn að ég spáði því fyrir jólin að þeir myndu leika þennan leik í aðdraganda kosninga.
Meira

Öryggisráðstafanir vegna barnaníðinga
Það þarf ekki að fara mörgum orðum um það að kynferðisbrot gegn börnum eru einn alvarlegasti og andstyggilegast glæpur sem hægt er að fremja, enda er ljóst að kynferðislegt ofbeldi getur eyðilegt líf þolenda um alla framtíða. Ýmsar spurningar hafa vaknað að undanförnu vegna þessa um öryggi borgaranna vegna barnaníðinga annarsvegar þeirra sem afplána hluta dóms utan veggja fangelsis og hinsvegar eftir að afplánun er lokið. Dómsmálaráðherra hefur lagt fram á Alþingi svar við fyrirspurnum mínum þar að lútandi.
Meira

Svar ráðherra um erlenda ríkisborgara á vinnumarkaði
Í svari félagsmálaráðherra við fyrirspurn minni um erlenda ríkisborgara á vinnumarkaði kemur fram að áætla megi að á árinu 2006 hafi 17.400 erlendir ríkisborgarara hafi starfið á íslenskum vinnumarkaði á s.l. ári. Áætlað er að af þeim muni 13.000 til 15.000 verði starfandi á Íslandi á þessu ári og á árinu 2008 er gert ráð fyrir milli 10-12.000 verði enn starfandi hér á landi. Í svari ráðherrans kemur einnig fram að áætla megi að álíka margir erlendir ríkisborgarar hefðu verið á vinnumarkaðnum og raunin hefur orðið þrátt fyrir að aðlögunarfrestur um frjálsan atvinnu- og búseturétt launafólks innan Evrópska efnahagssvæðisins hefði verið nýttur til 1. maí 2009. Erlendir ríkisborgara hefðu þá komið á vinnumarkaðinn fyrir milligöngu starfsmannaleiga.
Meira

Lyf gegn blindu
Í mbl. 21. janúar s.l. kom fram á forsíðu blaðsins, sem fylgt var eftir í ítarlegri grein í blaðinu að nýtt lyf sem bjargi sjón sé ekki leyft hér á landi. Það var tilefni þess að ég lagði fyrirspurn til heilbrigðisráðherra um það efni. Í svari heilbrigðisráðherra við fyrirspurn minni um lyf gegn blindu sem dreift var á Alþingi í gær kemur fram að talið er að um 800-900 einstaklingar séu verulega sjónskertir hér á landi vegnar hrörnunar í augnbotnum, en áætlað er að yfir 10.000 manns séu með slíka hrörnun á byrjunarstigi. Lyfjakostnaður vegna meðferðar fyrir hvern sjúklin á ári er 1.1 milljón króna. Undirbúningur að notkun nýs lyfs gegn blindu er þegar hafin innan Landsspítalans og undirbúningur að notkun þessa lyfs er komin álíka langt og á öðrum sjúkrahúsum á Norðurlöndum. Í Danmörku munu þó nú þegar einhver undanþáguleyfi hafa verið gefin út fyrir notkun
Meira

Ráðamenn viðurkenni ábyrgð
Langur slóði alvarlegra mistaka og vanrækslu liggur fyrir í Byrgismálinu. Upplýst er að ríkisstjórnin vissi að fjárhagur Byrgisins var í molum og fjármálaóreiða staðreynd. Engu að síður hélt ríkisstjórnin áfram að ausa fé í Byrgið. Enn alvarlegri eru þó félagslegar afleiðingar þess að ekkert var skeytt um hvort né hverskonar meðferð þeir fengu sem voru á Byrginu. Nú hefur komið í ljós samkvæmt upplýsingum geðlæknis að um hafa verið að ræða í mörgum tilvikum fárveika einstaklinga sem illa væru haldnir af sjúkdómseinkennum bæði andlegum og líkamlegum. Það er þyngra en tárum taki að ekkert faglegt eftirlit var haft með því starfi sem þar fór fram og stjórnsýslan tók ekki einu sinni við sér þegar henni var gert aðvart fyrir 4 árum um að kynferðisleg misnotkun yfirmanna ætti sér stað gagnvart sjúklingum. Talið er að allt að 10 börn hafi orðið til vegna kynferðislegrar misnotkun starfsmanna á sjúklingum. Mikilvægt er að ráðamenn viðurkenni ábyrgð sína gagnvart þessum einstaklingum og bæti fyrir þann alvarlega skaða og heilsutjón sem þeir hafa orðið fyrir.
Meira

Synjun forsætisráðuneytisins
Ríkisstjórnin ætlar ekki að auðvelda það að fjárlaganefnd- eða félagsmálanefnd þingsins geti sinnt eftirlitsskyldu sinni og fengið botn í það hvernig allt var í pottinn búið í Byrgismálinu. Forsætisráðuneytið hefur synjað beiðni minni um að fá afhent afrit af samþykktum og bókunum frá ríkisstjórnarfundum þar sem málefni Byrgisins voru til umræðu. Forsætisráðuneytið vísar þar til upplýsingalaga sem veita ekki almenningi rétt á fundargerðum ríkisstjórnarinnar. Það er auðvitað fráleitt að leggja að jöfnu rétt alþingismanna og almennings til upplýsinga og bera fyrir sig upplýsingalögin í því efni. Þessi afstaða forsætisráðuneytisins vekur upp mikla tortryggni að ríkisstjórnin vilji halda leyndum mikilvægum upplýsingum í málinu.
Meira

Gott hjá Magnúsi
Ástæða er til að fagna yfirlýsingu félagsmálaráðherra á Alþingi í dag þegar hann svaraði fyrirspurn minni um fæðingarorlof. Ráðherrann lýsti því yfir að hann hefði í dag gefið út reglugerð sem kveður á um að fyrri fæðingarorlofsgreiðslur verði ekki lagðar til grundvallar viðmiðunartekjum fæðingarorlofsgreiðslna eins og gerst hefur þegar stutt er á milli fæðinga barna í fjölskyldu. Með þessu var ráðherra að fallast á niðurstöðu Umboðsmanns Alþingis sem úrskurðað hefur að þessi framkvæmd hafi ekki stoð í lögum. Um þó nokkur tilvik er að ræða sem lent hafa í þessari skerðingu vegna þessarar fráleitu framkvæmdar á lögunum en skerðingar á 9 mánaða tímabili hafa geta numið fast að 300 þúsund krónum. Af svari ráðherra við fyrirspurn minni má ætla að þeir sem lent hafa í þessum ólögmætu skerðingu geti vænst þess að fá endurgreiðslu á þessum skerðingum.
Meira

Ríkisstjórnin vissi að fjármál Byrgisins voru í molum
Í minnisblaði sem lagt var fyrir ríkisstjórnin í framhaldi af tillögum aðstoðarmanna þriggja ráðherra, félagsmála-heilbrigðis- og utanríkisráðherra á árinu 2002 kom skýrt fram að fjármál Byrgisins voru í molum. Í minnisblaðinu til ríkisstjórnarinnar kemur fram að rekstur Byrgisins væri slæmur, fjármálastjórn í molum, skammtímaskuldir mikla og vegan bókhaldsóreiðu væri erfitt að henda reiður á fjárhagslegum málefnum. Það er því með ólíkindum að þrátt fyrir þessa kolsvörtu skýrslu var haldið áfram að veita fjárframlög til Byrgisins og þau aukin frá því sem áður var. Á fundi með fulltrúa forsætisráðuneytisins óskað ég eftir að fá fundargerð ríkisstjórnarinnar frá þeim fundi þegar þetta minnisblað var lagt fram en mikilvægt er að fá fram hvað bókað var í fundargerðarbók ríkisstjórarinnar og hvað hún ákvað eftir að sú vitneskja var kynnt ríkisstjórninni að fjármál Byrgisins væri í molum. Eins og málið er vaxið er með ólíkindum ef allir sem vitneskju höfðu um þessa fjármálaóreiðu og aðhöfðust ekkert komist undan ábyrgð.
Meira

Nú eru að koma kosningar
Guðni Ágústsson vill afnema verðtryggingu fjárskuldbindinga. Jón viðskiptaráðherra líka, bara ekki núna því það er svo mikil þensla og verðbólga. Athyglisvert var að hlýða á Jón í þinginu í dag þegar hann gaf efnahagsstjórn ríkisstjórnarinnar þessa einkunn. Jón viðskiptaráðherra vill líka koma á greiðsluaðlögun fyrir skuldug heimili. Það upplýsti ráðherrann á Alþingi í dag sem svar við fyrirspurn minni um það efni. Á hverju ári frá 1997 eða í 10 ár hef ég ásamt öðrum þingmönnum Samfylkingarinnar flutt þetta mál, en því hefur ávallt verið hafnað af stjórnarliðum. En nú eru að koma kosningar og þá gefa stjórnarliðar loforð í allar áttir.
Meira

Fjármagnseigendur undanþegnir nefskatti
Enn er fjármagnseigendum hyglað. Enn eru stjórnarflokkarnir að auka á ójöfnuðinn í þjóðfélaginu. Þeir sem eru með fjaármagnstekjur sér til framfærslu en ekki launatekjur þurfa ekki að greiða nefskattinn sem fjármagna á RÚV verði hið umdeilda frumvarp menntamaálráðherra að lögum. Þessir fjármagnseigendur þurfa heldur ekki að greiða gjald í Framkvæmdasjóð alraðara. Þennan hóp fylla milljóna- og milljarðamæringar á Íslandi. Þeir eru í hópi með börnum undir 16 ára aldri og öldruðum yfir 70 ára sem sleppa við þessar lögbundnu skyldugreiðslur þjóðfélagsþegnanna. Þeim er hlíft við 14.580 kr. nefskatti og rúmlega 6 þúsund króna greiðslu í Framkvæmdasjóð aldraðra. Í ofanálag þurfa þeir heldur ekki að greiða útsvar til síns sveitarfélags.
Meira

10 milljarðar teknir af barnafólki
Skýrsla forsætisráðherra um fátækt barna sem unnin var að beiðni Samfylkingarinnar undir forystu Helga Hjörvars hefur vakið verðskuldaða athygli. Skýrslan staðfestir það sem við í Samfylkingunni höfum haldið fram að öryggisnet velferðarkerfisins er brostið og misskipting og ójöfnuður fer vaxandi í þjóðfélaginu.
Meira