Málefni barna í forgang

Rök um tímaskort ekki brúkleg
Undir minni forystu fluttu þingmenn úr öllum flokkum málið og hlaut það fádæma góðar viðtökur umsagnaraðila, nema félagsmálaráðuneytisins sem tókst að stöðva málið, þrátt fyrir að mikill meirihluti væri fyrir afgreiðslu þess úr félagsmálanefnd. Rök um tímaskort eru ekki brúkleg, enda málið lagt fram í upphafi þings í októbermánuði. Öðru fremur sýnir þetta fyrst og fremst að málefni barna eru greinilega ekki forgangsmál ríkisstjórnarinnar.
Málefni barna heyra undir fjögur ráðuneyti
Á Íslandi er ekki síður þörf fyrir heildarstefnumótun í málefnum barna og unglinga en annar staðar á Norðurlöndum. Það hefur háð allri heildarstefnumótun í málefnum barna að málaflokkurinn heyrir a.m.k. undir fjögur ráðuneyti, enda knýr það enn frekur á samræmda stefnumörkun og er nauðsynlegt stýritæki fyrir stjórnvöld til að tryggja hag og velferð barna. Nokkrum mikilvægum atriðum sem fram koma hjá umsagnaraðilum verða gerð hér skil á næstunni.
Slysatíðni barna langmest á Ísland og framlög til málefna barna langminnst
Á margan hátt er umhverfi barna á Íslandi frábrugði því sem þar er. Má t.d. nefna að þarf hefja börn skólagöngu fyrr en hér og skólaárið er styttra hér á landi. Þá er vinna barna og unglinga yfir sumartímann mun algengari hér auk þess sem vinnutíma foreldra er mun lengri og laun og lífskjör almennt lélegri. Þekkt er einnig tvöfalt vinnuálag kvenna og atvinnuþátttyaka kvenna er miklu meiri en t.d. annarsstaðar á Norðurlöndum. Ekki síst ber að nefna að réttur foreldra vegna veikinda barna er miklu minni hér á landi, auk þess sem slysatíðni barna er mun hærra en í nágrannalöndunum.
Ýmsar samnorrænar kannanir sem gerðar hafa verið sýna líka að framlög til málefna barna og fjölskyldna þeirra eru langminnst á Íslandi.