Þingstörf Jóns Sigurðssonar
Í tilefni af 200 ára minningarafmæli Jóns Sigurðssonar hafa ræður hans á Alþingi verið skannaðar inn.
Jón Sigurðsson var kjörinn þingmaður Ísfirðinga í alþingiskosningum 13. apríl
1844, þá 32 ára gamall. Hann var endurkjörinn í öllum þingkosningum þaðan í frá
og sat síðasta þing sitt 1877. Fyrir þingið 1879 tilkynnti Jón að hann kæmist
ekki til þings sökum lasleika. Hann lést í desember 1879. Á fyrsta þingi hins
endurreista Alþingis árið 1845 tók Jón strax forystu meðal almennra þingmanna.
Hann var kosinn í fjölmargar nefndir og var framsögumaður margra þeirra. Jón
Sigurðsson sat á 13 þingum auk þjóðfundarins. Hann var tíu sinnum kjörinn
forseti þingsins og hafði því mikil áhrif á þingstörfin og átti stóran þátt í að
móta þau á fyrstu árum hins endurreista Alþingis.
Alþingi var einungis ráðgefandi allt til ársins 1874 en þá fékk þingið
löggjafarvald. Frá 1845 til 1874 notuðu Íslendingar bænarskrár til að koma
óskum um úrbætur á framfæri við stjórnvöld í Kaupmannahöfn. Jón átti frumkvæði
að mörgum slíkum bænarskrám á þinginu. Á þessum vef hefur efninu verið raðað
annars vegar eftir þingum og hins vegar eftir málum og leitast við merkja
allar ræður ákveðnu þingmáli. Af málefnum sem Jón barðist fyrir á Alþingi
má nefna fullveldi Íslands, kröfu um verslunarfrelsi, úrbætur í menntamálum,
kröfu um frjálslegri kosningarrétt og kjörgengi og aðskilnað fjárhags Danmerkur
og Íslands. Á þessum vef eru nú allar ræður hans birtar.
Tenglar
