Lagasafn.  Íslensk lög 1. janúar 2012.  Útgáfa 140a.  Prenta í tveimur dálkum.

Ljósmæðralög

1984 nr. 67 28. maí
Ferill málsins á Alþingi.   Frumvarp til laga.

Tóku gildi 13. júní 1984. Breytt með l. 15/1992 (tóku gildi 1. júlí 1992), l. 116/1993 (tóku gildi 1. jan. 1994; EES-samningurinn: VII. viðauki tilskipun 80/154/EBE og 80/155/EBE), l. 76/2002 (tóku gildi 17. maí 2002), l. 93/2002 (tóku gildi 31. maí 2002), l. 72/2003 (tóku gildi 10. apríl 2003), l. 41/2007 (tóku gildi 1. sept. 2007), l. 12/2008 (tóku gildi 1. apríl 2008), l. 88/2008 (tóku gildi 1. jan. 2009 nema brbákv. VII sem tók gildi 21. júní 2008), l. 162/2010 (tóku gildi 1. jan. 2011) og l. 126/2011 (tóku gildi 30. sept. 2011).

1. gr. [Rétt til þess að kalla sig ljósmóður og stunda ljósmóðurstörf hér á landi hefur:
   1. sá sem fengið hefur leyfi [landlæknis],1) sbr. 2. gr.,
   2. [sá sem fengið hefur staðfestingu [landlæknis]1) á ljósmæðraleyfi í landi sem er aðili að samningi um Evrópskt efnahagssvæði eða stofnsamningi Fríverslunarsamtaka Evrópu].2)
 [Ráðherra]3) skal með reglugerð setja nánari ákvæði um þá sem stunda mega ljósmóðurstörf hér á landi skv. 2. tölul. 1. mgr.]4)
   1)L. 12/2008, 61. gr. 2)L. 72/2003, 24. gr. 3)L. 126/2011, 103. gr. 4)L. 116/1993, 5. gr.
2. gr. [Leyfi skv. 1. tölul. 1. mgr. 1. gr. skal veita þeim sem lokið hefur prófi [í ljósmóðurfræðum frá hjúkrunarfræðideild Háskóla Íslands eða prófi]1) frá Ljósmæðraskóla Íslands.
 [Landlæknir]1) getur veitt öðrum leyfi er lokið hafa jafngildu námi erlendis í löndum utan EES-svæðisins [og Sviss]2) að fenginni umsögn ljósmæðraráðs sem ráðherra skipar. Ljósmæðraráð skal skipað þremur aðilum til fimm ára og skal einn tilnefndur af [ráðherra],3) einn af Ljósmæðrafélagi Íslands og einn af [hjúkrunarfræðideild Háskóla Íslands].1)
 Útlendingar, sem sækja um leyfisveitingu skv. 1. tölul. 1. mgr. 1. gr., skulu hafa næga kunnáttu í töluðu og rituðu íslensku máli.]4)
   1)L. 12/2008, 62. gr. 2)L. 76/2002, 15. gr. 3)L. 162/2010, 57. gr. 4)L. 116/1993, 5. gr.
3. gr. Hverjum þeim, sem hefur rétt skv. 1. gr. og hefur fengið leyfi skv. 2. gr. til ljósmóðurstarfa, er frjálst að stunda ljósmóðurstörf hvar sem er hér á landi.
 …1)
   1)L. 93/2002, 13. gr.
4. gr. Ljósmæður annast eftirlit með barnshafandi konum og foreldrafræðslu um meðgöngu og fæðingu. Ljósmæður starfa að fæðingarhjálp og mæðravernd.
 5. gr. Óheimilt er að ráða til ljósmóðurstarfa aðra en þá sem hafa starfsleyfi samkvæmt lögum þessum.
 6. gr. Ljósmóður ber að þekkja skyldur sínar, viðhalda þekkingu sinni og tileinka sér nýjungar er varða starfið.
 7. gr. Ljósmóður er skylt að gæta þagmælsku um atriði sem hún fær vitneskju um í starfi sínu og leynt skulu fara að lögum eða skv. eðli máls. Þagnarskylda helst þótt viðkomandi hafi látið af störfum.
 8. gr. [Um eftirlit með ljósmæðrum, veitingu áminningar og sviptingu starfsleyfa eða takmörkun starfsréttinda sem veitt eru samkvæmt lögum þessum og endurveitingu slíkra réttinda gilda ákvæði laga um landlækni. Sama á við um þá sem fengið hafa staðfestingu [landlæknis]1) á ljósmæðraleyfi skv. 2. tölul. 1. mgr. 1. gr.
 Ákvæði læknalaga gilda að öðru leyti eftir því sem við getur átt um ljósmæður og um refsingar fyrir brot í starfi.]2)
   1)L. 12/2008, 63. gr. 2)L. 41/2007, 24. gr.
9. gr. …1)
   1)L. 88/2008, 233. gr.
10. gr. Ráðherra getur í reglugerð sett nánari ákvæði um framkvæmd laga þessara.
 11. gr. Lög þessi öðlast þegar gildi. …
[Ákvæði til bráðabirgða. Starfsleyfi sem heilbrigðis- og tryggingamálaráðherra hefur gefið út samkvæmt lögum þessum fyrir 1. apríl 2008 halda gildi sínu þrátt fyrir ákvæði 1. gr. laganna.]1)
   1)L. 12/2008, 64. gr.