Lagasafn. Íslensk lög 1. janúar 2012. Útgáfa 140a. Prenta í tveimur dálkum.
1. gr. [Rétt til þess að stunda hjúkrun hér á landi og kalla sig hjúkrunarfræðing hefur:
[Ráðherra]3) skal með reglugerð setja nánari ákvæði um þá sem stunda mega hjúkrun hér á landi skv. 2. tölul. 1. mgr.]4) 2. gr. [Leyfi skv. 1. tölul. 1. mgr. 1. gr. skal veita þeim sem lokið hefur prófi í hjúkrunarfræðum frá Háskóla Íslands og Háskólanum á Akureyri. [Landlæknir]1) getur og veitt hjúkrunarleyfi skv. 1. tölul. 1. mgr. 1. gr. þeim sem lokið hefur sambærilegu prófi og um getur í 1. mgr. í landi utan hins Evrópska efnahagssvæðis [og í Sviss],2) enda teljist umsækjandi að öðru leyti hæfur að dómi hjúkrunarráðs. [Ráðherra skipar þrjá menn í hjúkrunarráð til fjögurra ára í senn. Skal einn nefndarmaður tilnefndur af [því ráðuneyti er fer með fræðslumál],3) einn af Félagi íslenskra hjúkrunarfræðinga og einn nefndarmaður skipaður án tilnefningar.]1) Útlendingar, sem sækja um leyfisveitingu skv. 2. mgr., skulu hafa næga kunnáttu í töluðu og rituðu íslensku máli.]4) 3. gr. Enginn má kalla sig sérfræðing í hjúkrun, nema hann hafi fengið til þess leyfi [landlæknis].1) Ráðherra setur reglugerð2) um skilyrði til að öðlast sérfræðileyfi að fengnum tillögum hjúkrunarráðs. [Félag íslenskra hjúkrunarfræðinga]1) skal tilnefna [tvo sérfróða hjúkrunarfræðinga]3) til þátttöku með ráðinu í meðferð einstakra mála, er varða sérgrein þeirra, og fá [þeir]3) þá atkvæðisrétt í ráðinu. Hjúkrunarráð skal einnig fjalla um veitingu sérfræðileyfa. 4. gr. Ekki má ráða aðra en [hjúkrunarfræðinga]1) skv. 1. gr. til sjálfstæðra hjúkrunarstarfa við sjúkrastofnanir, elliheimili, heilsuvernd eða hjúkrun í heimahúsum. 5. gr. [Hjúkrunarfræðingi]1) ber að þekkja skyldur sínar, viðhalda þekkingu sinni og tileinka sér þær nýjungar, er varða hjúkrun. Ráðherra getur sett reglur um viðhaldsmenntun. 6. gr. [Hjúkrunarfræðingum]1) er skylt að gæta fyllstu þagmælsku um öll einkamál, er [þeir]1) fá vitneskju um í starfi sínu, nema lög bjóði annað, og helst þagnarskyldan, þótt [þeir]1) láti af starfi. Skylda til þess að bera vitni fyrir rétti er takmörkuð í samræmi við þetta og ákvæði réttarfarslaga um vitnaskyldu embættis- og sýslunarmanna og sérákvæði slíkra laga um lækna. 7. gr. [Um eftirlit með hjúkrunarfræðingum, veitingu áminningar og sviptingu starfsleyfa eða takmörkun starfsréttinda sem veitt eru samkvæmt lögum þessum og endurveitingu slíkra réttinda gilda ákvæði laga um landlækni. Sama á við um þá sem fengið hafa staðfestingu [landlæknis]1) á hjúkrunarleyfi skv. 2. tölul. 1. mgr. 1. gr.]2) 8. gr. …1) 9. gr. [Ráðherra]1) getur með reglugerð sett nánari ákvæði um efni laga þessara. 10. gr. Brot gegn lögum þessum og reglugerðum settum samkvæmt þeim varða sektum, nema þyngri refsing liggi við að öðrum lögum. …1) Sektir samkvæmt löggjöfinni renna í ríkissjóð. [Ákvæði til bráðabirgða. Starfsleyfi sem heilbrigðis- og tryggingamálaráðherra hefur gefið út samkvæmt lögum þessum fyrir 1. apríl 2008 halda gildi sínu þrátt fyrir ákvæði 1. og 3. gr. laganna.]1)