fjárlög 2018.
Hæstv. forseti. Ég fagna því að hér er verið að gera náttúrustofum hærra undir höfði en verið hefur um tíma. Hér eru þær styrktar um allt að 44,8 milljónir. Hver stofa fær 3 milljónir og svo skiptist aukaframlag niður á Náttúrustofu Vestfjarða og Náttúrustofu Norðausturlands sem fá 10,7 milljónir. Þetta mun styrkja þær í að sinna margþættu hlutverki sínu sem felst m.a. í rannsóknum, ráðgjöf og eftirliti, auk þess sem þetta mun styrkja hinar dreifðu byggðir, auka atvinnuframboð og styrkja byggðafestu.