breyting á ýmsum lögum vegna fjárlaga 2018.

Herra forseti. Mér heyrist helstu rök hjá hv. stjórnarþingmönnum fyrir því að styðja ekki hóflegar breytingartillögur frá minni hlutanum vera þau að ekki séu tillögur um fjármögnun á móti. Ég bendi bara á að þeir sömu hv. þingmenn voru ekki í vandræðum með að greiða atkvæði með tillögum hæstv. ríkisstjórnar sem ekki voru fjármagnaðar heldur var bara gengið á afganginn sem var búið að gera ráð fyrir í september sl. Það ætti ekki að vefjast fyrir fólki.

Ef það væri næg ástæða fyrir hv. stjórnarþingmenn til að setja fingurinn á græna hnappinn að hingað kæmu fjáröflunartillögur óska ég hér með eftir því að forseti geri hlé á þessum fundi meðan þær verða útbúnar.