49. fundur
fjárlaganefndar á 148. löggjafarþingi
haldinn í Austurstræti 8-10, mánudaginn 28. maí 2018 kl. 09:36

Mættir:

Willum Þór Þórsson (WÞÞ) formaður, kl. 09:36
Haraldur Benediktsson (HarB) 1. varaformaður, kl. 09:36
Ágúst Ólafur Ágústsson (ÁÓÁ) 2. varaformaður, kl. 09:47
Birgir Þórarinsson (BirgÞ), kl. 09:36
Bjarkey Olsen Gunnarsdóttir (BjG), kl. 09:39
Björn Leví Gunnarsson (BLG), kl. 09:36
Jón Gunnarsson (JónG) fyrir Njál Trausta Friðbertsson (NF), kl. 09:36
Ólafur Ísleifsson (ÓÍ), kl. 09:36
Páll Magnússon (PállM), kl. 09:40
Þorsteinn Víglundsson (ÞorstV), kl. 09:36

Ólafur Ísleifsson og Bjarkey Olsen Gunnarsdóttir véku af fundi kl. 10:52 til að fara á fund forsætisnefndar.

Nefndarritarar:
Jón Magnússon
Ólafur Elfar Sigurðsson

Bókað:

Til fundarins komu Þórsteinn Ragnarsson, Guðmundur Rafn Sigurðsson og Sveinn Valdimarsson frá Kirkjugarðasambandi Íslands. Þeir kynntu rekstrarvanda kirkjugarðanna og svörðu spurningum um hann.

Til fundarins komu Sigurður Ingi Jóhannsson ráðherra, Ingveldur Sæmundsdóttir og Sigurbergur Björnsson frá samgöngu- og sveitarstjórnarráðuneytinu og Hreinn Haraldsson og Jónas Snæbjörnsson frá Vegagerðinni. Ráðherra kynnti ákvörðun ríkisstjórnarinnar um að fjármagna brýn viðhaldsverkefni í samgöngumálum að fjárhæð 4 milljarðar króna úr almennum varasjóði. Á fundinum var lagt minnisblað yfir þær framkvæmdir sem fyrirhugað er að ráðast í á þessu ári. Gestirnir kynntu áherslur ríkisstjórnarinnar í málinu og svöruðu spurningum nefndarmanna um þær.

Í tengslum við ákvörðun ríkisstjórnarinnar um að veita viðbótarfjármagni til viðhalds í samgöngumannvirkja var ákveðið að fjárlaganefnd óskaði eftir því að Ríkisendurskoðun tæki saman minnisblað um málið þar sem m.a. komi fram mat stofnunarinnar á ráðstöfun varasjóðsins í ljósi laga um opinber fjármál. Þá var rætt um fyrirhugaða afgreiðslu fjármálaáætlunar úr nefndinni.

Fundargerð 48. fundar var samþykkt.

Fundi slitið kl. 11:33